كنت لسه منزله بوست من شويه و لاقيت ناس كتير شبهي و معرفهوش يعبروا أو يحاولوا و نفس التوهان و بس سمعت من اتنين وانا كمان أن حياتها قبل اللادينيه كانت اسهل كان فيه حد بيدينا هدوء وسلام بيخلينا نقدر نكمل رغم أن كلنا عاجزين و مش عارفين نرجع و عندنا رفض جوانا تجاه أي حاجه ليها علاقه بكده بس نفسنا حياتنا ترجع اسهل زي الاول يعني انا بقالي فتره كبيره كده و بقيت احس ان لوحدي دايما معيش حد و بقيت اقول لنفسي اني محتاجه ثيرابي يسمعني يعني كان الصلاه شالت تعب حتي لو كانت مش حقيقه بالنسبالي الشكر علمني ابص علي اللي عندي ومش اللي ناقص واني اكون مقتنعه مش عارفه حد فاهمني ولا لا بس انا مقتنعه دلوقتي كله بيضحك علي نفسه بالشكر أو الصلاه علشان يخفف اليوم و الحمل بس انا محتاجه ارجع للحياه البسيطه دي رغم اني مش عارفه وحاسه اني متكتفه و رافضه بس اتمني في يوم كل حاجه ترجع زي الاول مش عارفه دا مستحيل ولا لا لان عقلي بيحارب عاطفتي مبسوطه اني عرفت اعبر بالنيابه عنكم واني عرفت افهم بعض الناس و كل دا تفكيري انا مش بقول صح ولا غلط و الناس اللي بتهاجم مليون في الميه عارفه انها مش فاهمه اي حاجه و اطفال كمان انا حاولت اعبر عن التفكير اللي جوايا بغض النظر
