خادمة

يمكن طويلة بس بتعبر عن كتير اشياء بقلبي انا كنت حكيت من شوي عن اني ما بعرف حط مكياج وعندي حفلة تخرج فا اليوم عم جرب احط قبل الحفلة هيك نوع من انواع التدريب انا واختي خلصنا ميكب وكل شي كنا عم نتصور بس انو لناخد فكرة لو الميكب رح يكون حلو بالتصوير بعدين صرنا نضحك على اشكالنا وكيف انو الميكب سيئ جدا وكيف انو ما منعرف نضحك وهيك بعدين انا ضحكت بصوت عالي شوي اجا ابي واختي قالت بسم الله (فزعت ) وصارت تطلع علي انو خلص لا بقى تضحكي هيدا ابوكي مش امك وانا ما كنت قادرة وقف ضحك بعدين فقعني وحدة شو هل الطق الحنك تبعكن قلتلو عم نعمل مكياج للتخرج وتركنا وراح ( اكتر فترة كل كلمة بتأثر فيني ما بتخليني نام وبضل عم فكر ) ( انجرحت لأنو اساسا انا واختي مُهمشين بالبيت مع امي حتى هي مهمشة يمكن نحن بس وسيلة بسيطة ليستمروا بحياتن نعملن اكلن وننضفلن بيتن وتيابن وغرفن حتى كلمة شكرا على تعبكن اليوم بالبيت مش موجودة متل الخدامين يمكن حتى الخدامين بيتشكروهن وحتى عند اي تقصير بس شوي منسمع حكي متل السم ) ( حاسة بنقص اهتمام وحنية وكيف انو كل البنات عندها حدا يقدرها ونحن لا ) ( صرت عصبية من اي حرف ممكن افتح الف مشكل صرت بس بصرخ وبعيط على اتفه الأسباب ) ( ما عم اعمل شي هل الفترة بس عم اكتم مشاعري وكلو عم يطلع فيني ) ( كل ما حدا عطاني شوية اهتمام بعتبرو انسان كتير منيح وحنون رغم انو هو انسان عادي وهيدا تصرفو الطبيعي مع كل البشر ) واخر شي معلومة صغيرة انا انسانة ملتزمة بنظر العالم وبحاول اكون ملتزمة بيني وبين حالي يعني الضحكة الي ضحكتها ما بضحكها الا ببيتي او بمحل مغلق فيه بس بنات وهو بيعرف اني ملتزمة وما بحب كون ملتزمة انو لا ملتزمة ولا فالتة شو بعمل