خروج

انهارده اول يوم اخرج بعد اربع شهور نفسيتي فرقت الحمدلله وحسيت مش عايزه اروح . بس معرفش ليه بقا عملت في نفسي كده ودي مش اول مره تحصل ان اقعد شهور مبخرجش . غالبا جزء الاكبر سبب مني من نفسيتي و الاكتئاب و جزء تاني بسبب صحابي الطلعوا مش صحاب اصلا . بس هحاول هتخطي و اتعود انزل مع قريبتي وبس شوفوا كومنتات كدا هحكي حاجه فيها..

بقالى فتره بقيت احب العزله جدا مبقتش عايزه ناس تيجى لنا ف البيت مجرد وجود اشخاص غير الموجودين ف الطبيعى بحس بضغط عصبى وخنقه بفضل مضغوطه ومضايقه لحد مايمشو من البيت ويرجع الوضع طبيعى على عكس الاول كنت بحب الخروج جدا والاجتماعات العائليه حاليا حتى الخروج مش عايزه اخرج وعايزه ارجع بسرعه للبيت تانى ولو انا بره البيت مش عايزه اقابل حد اعرفه

غريبه اوي التعافي من حد كنت بتحبه من قلبك يوم تلاقي قلبك جمد من نحيته و يوم تحس ان الجرح لسا بينزف كأنه امبارح تتردد بين الحنين وبين صوت جواك بيقولك لا كفايه تحس انك كل لما توصل للشط الموج يرجعك لنفس الدوامه من تاني .. بس المره دي ناوية اخرج حتي لو ايه بيشدني.

انا زهقااااانه حاسه اني عايزه اتكلم مع ناس جديده و خلاص حرفيا اي حاجه بدل الملل ده ف افتحوا اي حوار عبثي وخلاص (انا تالته ثانوي عمتا و حرفيا معدنيش اي حياه من ساعة ما دخلت تالته بسبب ان اهلي رافضين اني انزل الجيم او حتى اخرج🫠🫠)