خلاف

هو لو احنا متخاصمين مع حد بس الطرف التاني غلطان برضو بس الفكره حاليا انو فاكر انو مش اولوليه بالنسبه ليا او انو انا مش بفكر في اني احل المشكله غير لما اكون فاضيه وانو كده كده المشكله هتحل بسرعه بس ف كل ما اجي احاول اصلح اسمع نفس الكلام واني اتأخرت اوي بجد مش عارفه اتأخرت علي ايه!؟ واقدر اصلح ده ازاي من غير ما ابقي اوڤر ..... .....

علاقة جوز اختي الكبيره معانا كويسه جدا جدا لانه اصلا من نفس العيله وبنعتبره اخونا الكبير لدرجة اني يعتبره اخويا اكتر من اخويا نفسه ويعرف حجات اخويا نفسه ميعرفهاش كنا قاعدين من شويه انا و اختي و عيال اخواتي كلهم لاني اخواتي كلهم متجوزين ف بنت اختي الوسطانيه كانت ماسكه الموبيل ورن ف ادته لي اختي و بعد ما خلصت المكالمه اختي مخدتش بالها و ادته لي ابنها ف بنت اختي عيطت و جات اشتكتلي ف انا رحت لي ابن اختي الكبيره و قولتله تقعد انت و بنت خالتك مع بعض على التلفون قالي لا مش هديهولها انا اخدته خلاص ف جيت بسحبه منه لقيت جوز اختي بيقولي بيزعيق ليه نزعل عيل على حساب عيل تاني و بصوت عالي ف انا زعلت و اتكسفت دلوقتي انا غلطت ولا لا ولا مين الي غلطان عشان انا زعلانه منه بس مقولتش اني زعلانه منه لي حد

مش عارفه حقي ازعل ولا لا صحبتي واقرب حد ليا و هي حد كويس جدا و دايما جنبي ساعات بتقول حاجات متخلفة بتزعل مثلا مره كنت بكلمها في حاجه فهي كانت متعصبة ساعتها راحت قالتلي انا متربية مش هعمل زيك بس اتصالحنا بس جوايا كنت بقول اكيد من جواها شايفة كده فقالتها وقت عصبية بس قلت هي دايما كويسة معايا و مش هعمم النهارده كنا بنهزر مع اصحابنا فقالت بهزار عليا دي فاشلة مش هتلحق حتي معهد تجاري الكلمة دايقتني جدا وهي اعتذرت كتير وان مكنش قصدها وانو هزار بس هي زودتها مش عارفة هل هي فعلا مش قصدها وساعات بتتقل هزارها معايا او هي مش بتركز في كلامها ولا قصدها تحرجني؟

أنا مش عارف بصراحه بقيت بحس ان الكلام بين اتنين مرتبطين لازم يحود شمال ، الحب بقي مربوط بكده يعني انا بالنسبالي لو محستش معاكي بحاجه ابقي مش بحبك بس هي بتشوف العكس اني لما اعمل معاها حاجه يبقي انا مش بحبها وكل واحد مقتنع برأيه ، بس في الحالتين أنا دايما بقيت احس ان العلاقات ممله ومن غير كده هتنتهي بهدوء والكلام بيقل تدريجيا لحد ما يخلص ، وحتي لو المنطق بيقول عكس كده لكن هو ده الواقع بس احنا بنحب نبين نفسنا مبنغلطش

اختلفت مع واحدة صاحبتي بسبب انها قالت حاجة عن حد من اهلي مش احسن حاجة وفهمتها إني اتضايقت هي اتضايقت وقعدت تقولي كلام صعب وأني مش هعلمها تتكلم ازاي وانها مش باقية علي حد وإن ده دوري مجتش عليا انا اتصدمت ولسه مصدومة فطرت بجدية اقطع معاها واشيلها من كل حاجة ومن حياتي بس مش عارفة مش عايزة اخد قرار وانا متضايقة

كان في حد قريب مني اوي في بس قاعد في مدينه تانيه وكدا وغالي عندي جدااا وجه شخص عرف حاجات محدش يعرفها غيري وعشان ببعدني عنها قالها اني حكتله وبتاع ومن كتر التفاصيل الغبيه اللي عرفها وقع بينا وهي رافضه تسمعني ومش عارف اوصلها اعمل ايه

كان في دونات كنا بتتناقش فى موضوع مثير للجدل المهم انا اتعصبت جدا اصلوا ماينفعش حد يفكر كدا او يقول كدا او يمشي كدا وكان نفسي نكمل نقاش بس هي هربت مش عارف لى وكل سنه يحصل معايا الموقف دا رخم اوي

في موقف حصلي وياريت تقولولي انا غلطان ولا لا كنت قاعد على القهوة مع صحابي وبرغي مش كلو مركز واحد قال اسمعو ك*م اللي بيتكلم خلصنا القعدة قولتلو على الواتس انت ابن وس*ة لية ؟ قالي انت ازاي تشتمني بامي قولتلو هو مين اللي بدا انت قولتلي ك*مك قالي مقصدش قولتلوا خلاص حصل خير انا مش هزعل ولا انت تزعل انا زي مقولتلك مش زعلان ولو انت زعلت حقك عليا ومشي الدنيا قالي انت لو كلمتني تاني هف*خك قولتلو خلاص هسيبك مع نفسك سلمت عليه تاني يوم قولتلو عامل اية مردش عليا مكلمتوش تاني من وقتها وكبرت دماغي لاني مش شايف نفسي غلطان انا مجرد رديت اللي قالو لاني مش بقبل شتيمة بآلام هل أنا غلطان ؟ ولو اه قولولي لية واعمل ايه وانا هعملو

مساء الخير في موقفين حصلوا في وقت واحد هما اه مش كبار لكني عايزهم يتحلو لعمل اية؟ 1- كنت قاعد مع صحابي على القهوة وكنت برغي واحد قال اسمعو ك*م اللي بيتكلم عديتها روحت شتمتو شتيمة مشابهة قالي بتشتمني بامي لية انا مش بقبل ده قولتلو انا اللي قولت كذا وكذا قالي مكنتش اقصد عديت الدنيا لاقيتو بيقولي لو كلمتني هف**ك اعمل ايه؟ 2- بعدها نمت قولت لمديري كذا حاجة في الشغل قالي بقولك ايه أنا مخنوق اخر مزهق همشي، صحيت لاقيتو خرج من الجروبات كلها بسبب خلافات مع الإدارة وقالهم مش مكمل وانا كنت طالب منه إجازة امتحانات لأن يوم الامتحان بكون سفر رايح جاي يرجع البيت انام مش بعرف اشتغل. دلوقتي الاولاني اقرب حد ليا ومش عايز حد يزعل مني وهو اللي بدا وبرضو انا عايز امشي الدنيا لكنه بيقولي متكلمنيش، التاني انا عندي امتحان بكرة وهنام بعده اعمل ايه؟

واحده من صحابي وانا بحاول اصالحها بعتلها حد يبقي وسيط بينا بس هي غلط فيا جامد.... خو في الخقيقه كلامها كله مش عارفه انسي😂 بس اكتر كلمه وجعتني لما قالت اني كنت عبء عليها.... و اتهمتني بحاجات كتير اوي

انفصلت مع شخص شفت الحب منه بكل أنواعه لكن حدث بيننا خلاف هو كشخص يحب التعرف على الناس اخبرني انه سواء بنات او ذكور أحب أن اتعرف عليهم خلال رحلاته رغم انه سابقا تحدثنا عن الموضوع و اخبرني انه موافق يتخلى عن هذا الشئ لكن مؤخرا قلي حاولت و ما قدرت بس ما بدي اخسرك انتي اعز شخص عندي انا رغم حبي الشديد له اخترت الرحيل مضى شهر و انا لازلت اشتاق له هل أخطأت و تسرعت؟

أهلي عايزين يكتبوا مؤخر بالذهب نص كيلو ودي عادة العيلة عندنا انهم مش بياخدو ولا مهر ولا شبكة الا لو هو حابب يجيب حاجة ولا حتى بيطلبوا فرح او قايمة . يعني براحته خالص انا فاهمة انه رقم خيالي ومش مهتمة أصلا في مؤخر ولا لا لما قلتله قالي انه مش موافق وحاسس كأنه بيدبسوه. انا معنديش مشكلة اتنازله فيما بعد او احاول اقنع اهلي يلغو المؤخر بس انا ليه حاسة انه مش مفروض يعترض؟ احساسي صح ولا غلط؟ هي دي قلة ثقة؟

بصو في مشكله بيني وبين صحبتي وهي انو انا وهي المفروض بنروح مع بعض مكان معين وبستني بعض واليوم ده مكنتش عارفه اوصلها فخليت صحبتي التانيه توصلها وهي قالت ليها بكل برود انا مش هستني حد مع العلم احنا متخنقانش ولا حصل اي حاجه هي مره واحده بقت تتكلم كده وانا يومها اديقت منها ولما وصلت لقتها موجود ومكلمتهاش خالص احد ما الناس حاسو ان في حاجه بينا وسئلونا مالكو قالت مفيش وانا قلت هنتخانق بهزار وهي عارفت اني اديقت بسبب كده واحنا المفروض بنروح مع بعض في نفس الطريق وانا مشيت في الشارع لوحدي وهي حتى محولتش تشوف مالي وروحت وبعدها بيوم روحنا لنفس المكان والناس حاسو ان في حاجه وهي اتقمسط دور الضحيه زي كل مره وفضلت مكشره وانا بطبعي مش بعرف اكون سلبيه قدام حد مشكلي الي بمر بيها ملهاش علاقه بتعاملي وكنت بتعمل عادي واخنا مروحين في شخص من المكان الي كنا فيه هي أكبر مننا وسالتها مالك وهي بتقول مفيش وبعدين الشخص ده سئلني في ايه وهي انا ديقتها قلت انا معملتش حاجه وحميد الي حصل وهي ردت بكل برود انه انا متأخره استناكي ليه امشي انا لوحدي احسن وانا قلت ليها انتي عارفه اننا بنروح مع بعض ديما وهي قامت ومشت بكل برود قالت ماشي واخنا لحد دلوقتي مش بتكلم وهي مستنياني اصلحها تقربا معلومه حصل نفس الموقف معيا وانا الي مشيت وكان معنا صحبتنا التلته وكانت بتكلمها وبسألها هي فين ردها كان (انا لسه راكبه المكرباص وهتأخر لو عيزين تمشو امشو وانا هاجي لوحدي) وهي بيتها بعيد وانا وصحبتي التلته مشينا وهي لما جت كانت زعلانه منينا اننا مشينا من غيرها وفضلنا نتحايل عليها ونقلها معلش واسفين وفهمنا انك بعيده اوي وكنا متأخرين وهي قالت ماشي والموضوع عدا بعدها بقا واحنا ريحين نفس المشوار هي أكدت علينا أن احنا هنتقابل في الحته الفلانيه واتفقنا واحنا بعد ما وصلنا الحته دي ملقنهاش فاتصلنا عليها قالت انا وصلت تعالو انتو ولما قلت لها ليه عملتي كده قالت باخد حقي وقتها انا اديقت منها َقلتلها بلاش شغل العيال ده والموضوع خلص انا حميد الموقف ده عشان اعرفكو ان لما حصل كده انا صلحتها بس هي انا مفرقتش معها خالص وبقلنا تلات ايام متخاصمين وهي زعلانه مني بلا سبب بجد اسفه اني طولت عليكو واعرفه انها مشكله تافه بس بنسبالي انا اديقت اوي وشكرا لاي حد وصل لحد هنا وقالولي اعمل ايه

من يومين خسرت اعز صاحبة ليا بقالنا اكتر من عشر سنين سوا هي بنت عمي وصاحبتي حصل تاتش بين اهلي واهلها واحنا للاسف اتدخلنا فزعلنا من بعض اتكلمنا مع بعض بشكل مش لطيف وفي النهاية عملتلي بلوك مش بغلطها انا قولت كلام تقيل انا مغلطش فيها بس كلمتها بطريقة مش طريقتي وهي كمان كانت كلمتني بطريقة مش اللي انا متعوداها منها وانا دلوقتي مش عارفه اعمل اي حاسة في حاجة ناقصة كانت معايا في حجات كتير اوي بفكر اي اللي هيحصل دلوقتي وهي مش موجودة معايا الدنيا هتمشي ازاي مش عارفة ازاي هشوفها ومسلمش عليها ازاي بعد كل اللي بينا دا مبقاش ينفع نسلم علي بعض حتي انا لسه مقابلتهاش من وقتها وخايفة حتي اشوفها صدفة ومنتكلمش

غايزاتي اليوم وحدة حكتلي عاملة حالك قال الله وقال الرسول وأول مشكلة صارت طلعتي بالعالي على الرغم يا غايزاتي اني ما غلطت بالكلام وكنت من اشد المحترمين بس لمجرد اختلف رأيي عن رأيها هيك قررت شو ارد؟ ما رح ارد لأنو خلصت القصة بس بدي ارجع افتح مشكلة قبل ما اتخرج 🌚"

زمان كانت فكرة انى اكون فى خلاف مع حد و حد تاني قريب ليا على تواصل معاه كانت عادي و بقول مش فارق لي زي صحاب مثلا انا زعلت من حد و غيري مالوش دعوة و ع علاقة بالحد ده ف تمام بس حاليا شايفة ان الموضوع بجد مستفز اوووي و خاصة اما تكون من اقرب الناس ليك يعني ليه ابقا مع خلاف مع ناس او اذوني بشكل نفسي بشع و اهلي راحين جايين عليهم عادي و بيتعاملوا بكل حب و تواصل كأني ماليش لازمة ولا نفسيتي مش فارقة معاهم .... بجد الموضوع بقا معصبني و مقرفني اوي هو انتوا بتحبوا اللى بيأذوني ليه ولا مستنيينهم يأذوكوا و تتأكدوا انهم زفت !؟