خمار

انا عندي 16 سنه بفكر في خطوه اني البس الخمار بفكر في الموضوع اوي واني عاوزه البس الخمار بس عندي مشكلتين اول مشكله اني خايفه اني اندم علي القرار.. تاني مشكله ان والدتي مش هتوافق علشان مكنتش اصلا موافقه علي الحجاب ولمحتلها قبل كده اني ممكن البس الخمار بس قالتلي اني لسه صغيره وكده يعني مش عارفه القرار دا اصلا صح في سني دا وخصوصا ان كل صحابي نصهم بشعرهم ونص تاني لبسين الحجاب بس مش صح اوي وانا هبقي المختلفه اللي فيهم

بعاني من مشكلة م عارفة اعمل معاها ايه انا لبست الخمار من شهر عن اقتناع وكنت حباه اول اسبوعين وبعدين بدأت افقد ثقتي بنفسي رغم أن انا شخص ثقته ف نفسه عالية بقيت بفكر كل يوم اخلعه وارجع لطرح تاني بس انا عارفة أن دي خطوة حلوة وبتقربني من ربنا كله حابب شكلي بيه وحرفيا من ساعة ما لبسته وكله بيعلق اني من اجمل الناس اللي البسه بس انا حاسة اني م حلوة فيه

السلام عليكم ورحمة الله وبركاته يا جماعة محتاج مساعدتكم أنا بجد حاسس إن البنت اللي بحبها هتضيع مني بسبب إنس حتي بتكسف اكلمها كنت في الأول ببصلعا بس حسيت أنها بتضايق مرة تحس انها متضايقة ومرة واحيانا بتسيب المكان كله واحيانا بتبقي موجودة هي محترمة جدا علي فكرة وكمان من البنات الللي بيلبسو خمار ف ممكن نصيحة اي علامات مثلا الاقيها او حاجة او حتي ابطل افكر في الموضوع لأنه مؤذي جدا

في اخر فتره بحاول اظبط لبسي و اني البس واسع و طويل و مبينش شعري من الطرحه و نفسي اوي بجد البس خمار و سمعت فيديوهات كتير اوي اني اخد الخطوه او علي الاقل ابطل ابين شعري من الطرحه و البس واسع شويه بس بلقيني بلبس كويي و مبينش شعري يومين او تالته و برجع تاني مش عارفه لي بيعمل كده بس بحس في ساعاتها اني مخنوقه من الحجاب و عاوزه اببنو و بشوف اني كده احسن و دعيت كتير لي ربنا اني اتقرب لي اكتر من كده و يحببني في الحجاب الصح بس مش عارفه مع ان جوايا نفسي بجد البس الخمار و بدعي ديما بس مش عارفه اخد اي خطوه.. ساعات بحس ان ربنا مش عاوزني اتقرب لي

مشكلتي بسيطه اني عاوز اتجوز بس مش عشان اتجوز اي واحده وخلاص لا انا الحمد لله بحاول اكون ملتزم ع قد ما بقدر والحمد لله مشكلتي اني عاوز واحده اقل شيئ يكون لابسه خمار وكمان بتصلي وبتخاف ربنا مع العلم ان حالتي الحمد لله مستوره معيا كل حاجتي وشقتي وعربيتي وكل ما ادخل بيت الاقي عكس الظاهر وانا اتخنقت وانا عاوز اتجوز مش عشان اكمل نص ديني لا عاوز اتجوز لاسباب كتير ومنهم واهمهم اني ااعف نفسي واشيل مسؤلية ويكون ليا ذرية صالحه وزوجه صالحه تعنني ع طاعة الله