خنقه

حقيقي مش عارفه ابدأ منين بس حاسه بخنقه غير عاديه النهارده كنا ف مكان واحد وهو مش مبطل بص عليا ا وانا عملتله بلوك علي الواقع حرفيا اللي هو انت مش قدامي اصلا يلا اعمل اللي تعمله بقي ف لما جاب آخره قام من مكانه وكان مقضيها رايح جاي رايح جاي وابص فجاه الاقيه مركز معايا انا جامد طب م الترابيزات كلها مرصوصه بنات اشمعنا انا ولا انت غاوي وجع قلب ؟؟؟؟! ولما انت هتموت وتلقت نظري كدا . اي خايف تكملني يعني ؟؟.

انا بجد مليت لما خت الاجازه مش عارفه حتي بقيت فاقده الشغف أن أقوام أو اعمل حاجه جديده قاعده ملانه بجد حتي مبقاش عندي شغف أن اخش ف اي علاقه أو ابد أو احب فقدت الاحساس ده لما حد يقولي بحبك ببقي مخنوقه ممكن نكون بتتكلم عادي بس اول أما يقول انا بحبك ومعجب بيكي بحس بخنقه وقلبي مقفول واتقفل منه وارفض مش عارفه ليه

ليه حاسه بضغط من كل حاجه حواليه بجد عاوزه افهم عندي توتر وقلق من اي حاجه لو صحيت في وقت مش كنت اللي مخخطاله بحس بضغط ويومي كله يبوظ لو لقيت حد كلمني تليفون بحس بتوتر وقلق وضغط فمش برد واقول اي حجه ليهم عشان ارتاح بس انا مش مرتاح حسه بضغط وخنقه وتوتر وقلق معظم وقتي مش عارفه ده سببه ايه بجد لو حد يعرف حل ياريت عشان تعبت😥

بقالي فتره مش طويله حياتي حسيتها اتغيرت فجأه وكنت مخنوقه اوي بسبب التغيير ال حصل بدون سبب دا والحمد لله بدأت تتظبط والدنيا معايا ترجع طبيعي تاني وفجأه كل دا اتبدل تاني وحياتي اتغيرت بدون سبب يمكن شي واحد اتغير فا شقلب يومي ومن وقتها وانا مبقتش تمام نفسي اعرف ليه شي واحد بس يحصل معايا بحس اني مش قادره اتأقلم مع يومي ولا اتعود ع اليوم كدا بحس شايله هم وزعل وخنقه وتراكمات جوايه هو انا فعلاً كدا مع اني مكنتش كدا بس حالياً انا رجعت تاني مش قادره اتأقلم على يومي اللي اتغير وبحس طول اليوم ب خنقه وزعل واخر اليوم بقعد افكر كتير اوي عندي فرط تفكير بشكل مفرط وعميق مش عارفه ليه مع أني مكنتش كدا ..دا ناتج عن ايه إني حسيت بكدا اني علطول مكشره واسلوبي حاد مع اي حد .

جماعه انا مش عارفه اعيش اه مش عارفه اعيش حرفيا انا من كتر الوجع بحس بخنقه هتطلع روحي بحس وكأن كتله كبيره كدا ف زوري وضيق نفس غير عادي ومش بتروح پالساهل تعبت ومش عارفه اكمل الحياة عموما وفيه سبب, وهو أني فشلت ف تعليمي كنت ثانويه عامه علمي علوم ودخلت معهد سنتين وانا اصلا كنت من الاوائل كل سنه دايما تريقه عليا ف البيت دايما قاعده علي اعصابي انا جبت اخريييييي

حوار كل ليله وزعل اخر الليل. الحوار فيه كميه حزن وخنقه وزعل زعلان علي نفسك وعلي حياتك وعلي كل خاجه حوار انك محقتش اي حاجه ف حياتك وعايش راضي بحالك ولكن ما باليد حيله هنعمل اي بس. واكتائيبك رد بابك.. سيبت كل الناس وغبت 🙃🙃

بحس دايما بالخنقه كل ما افتكر ان البنت اللي عايزها كانت بتبادلني نفس المشاعر لحد ما فجاه كل حاجه وقفت وبقينا نتخانق في وسط الشله طول الوقت ومش لنعرف نفتح كلام منغير ما نستفز بعض ، عندي احساس ان السبب اني عندي اصحاب بنات بس طبيعي ده يبقي موجود عشان الحياه مش مثاليه واني كده كده مضطر اتعامل من خلال شغلي وجامعتي ، فوصلنا لنقطه مفيش تواصل فردي وكل تواصلنا بقي من خلال الشله والتلقيح ، كنت ببادر الاسبوع اللي فات وبعتلها كذه مسج فردها كان سخيف اوي ويقفل الشخص وكانها مش عايزه تواصل بينا ، وهي عمتا situationship والبنت صغيره ١٦ سنه

وانا صغيره كنت بتوتر جامد خصوصا وقت امتحاناتي بس حاولت اغير الموضوع ده وفعلا بقيت بحس اني واثقه اكتر وهاديه بس الفتره الاخيره دي رجعت أتوتر جامد ومن غير سبب واوقات بيجيلي خنقه وقلق كده مش مفهومين خالص ، مش فاهمه دي هرمونات ولا توتر امتحانات ولا انا مكنتش عالجت المشكله اصلا ولا اي ، بجد حاسه التوتر بياكل في روحي ومش عارفه اواجهه لوحدي ولا أحل المشكله