ذاكرة

حاسة اني عبيطة اوي بسبب تلقائيتي وذاكرتي اللي اضعف من ذاكرة السمك ونظري الضعيف في شخص ما بيعدي من الشارع اللي فيه شغلي المهم اوقات بشوفه (انا بشوفه كأن اول مرة بشوفه) المهم انا بنسى الوجوه بسرعة جدا يعني شخص مش بشوفه كل يوم او بيني وبينه حديث ومواقف هنساه هنسى شكله خالص الشخص دا حلو الصراحة في كل مرة بشوفه عيني بتيجي عليه ووالله كأن أول مرة بشوفه بعدها بفتكر انه نفس الشخص مشكلتي اني حاسة انه اخد باله وممكن يفتكر اني معجبة بيه او حاجة لان باخد بالي انه بيلف وشه الناحية التانية لما بيشوفني هو اكيد فاكرني لان حصل موقف واحد بينا وكنت منتهى العبط فيه مش مركزة من كتر ضغط الشغل فغصب عني اتوترت في الموقف دا انا بتعامل مع رجالة كتير قي الشغل وبتكلم عادي ومش بتوتر خالص بس غصب عني مع دا اتوترت وكنت هبلة اوي حاسة هيبتي راحت لسة شيفاه النهاردة وكنت واقفة بفكر انا كنت عايزة اعمل ايه ونسيته فهو عدى قدامي وبص عليا وانا بصيت وانا والله معرف انه هو افتكرت بعدين فخايفة يكون فاكر اني كنت واقفة ببص عليه🫠🫠🫠

I think اني كمريضة قلق عام انا و غيري مابننساش حاجة اصلا 😅💔 كللللل حاجة متخزنة فى الذاكرة و الجهاز العصبى كل فقد ، خذلان ، صدمات ، مواقف صعبة ، فقدان ثقة و فقدان هوية و هدم قيم كلها حاجات بتخليك بتتغير لنسخه مش انت مش زي ما كنت فاكر انك هتفضل و هتكون زمان يعني بداية بوفاة والدي الدنيا اتغيرت و بعده اصدقاء كتييير ظهروا ع حقيقتهم ، بعدين حب يطلع مش حب و تتخذل فى لحظة انت كنت واثق اووي ان اللى قدامك مش هيعمل كدة فيك اكيد فيصدمك انك مس فارق له اصلا 😂💔 ، بعدين تتضطر تغير حياتك بشكل اوسع و تلاقي صدمات تانيه و تانيه و ناس بس يدخلوا بحياتك يأذوك و يمشوا و بعدين غيرهم و هكذا ... لحد ما تبقى مافيش .. مش حاسس باى حاجه غير مجرد خوف و رعبه من اى لحظة ممكن تكون حلوة .. متوتر من (فكرة الامان) و بتهرب منها عشان بتمثل لك (خسارة مؤجلة) اعتقد مافيش اسوء من ده ممكن يحصل لحد 💔🥲

انا كان في كمية مشاكل كان نفسي اقولها بس كنت ناسي باسورد الاكونت و اول ما فتحته نسيت كل حاجة مش عارف افرح اني نسيت اللي يزعلني ولا ازعل عشان أنا بنسى كتير و الموضوع مسببلي ازمة MonsterMonsterMonsterMonsterMonsterMonster

دلوقتي انا عندي مشكله اني بضيع وقت كبير اوي في اني بتخيل سنريوهات وهميه لدرجه اني بدات اكلم نفسي كاني بكلم حد وموضوع بيبقى واقعي جدا ودا ماثر على حياتي مزكرتي وحوار ده بيحصل ب سعات وبياخد وقتي كله ومش عرفه اعمل ايه موضوع ده ماثر عليا جدا وبقالو سنين بس بدا الموضوع يكبر اوي

هو ازاي ربنا ميزنا بالنسيان وانا مش عارفه انسي ازاي ف كل مره تحصل حاجة مشابهه لنفس التجربه الاولي بفتكرها بالظبط كأني مش بنسي ليه مش عارفه انسي ليه اتمني لو كل يوم اصحي ناسيه انا عملت ايه اليوم اللي قبله

جه على بالي ذكرى اول ايام الاكتئاب وانا ولا اهلي كنا عارفين ان عندي اكتئاب ووسواس قهري كنت في فاينل ٣ كليه تربية قسم بيولوجي وكل المواد صعبة مش عارفة اذاكر ولا عارفة احفظ واول مرة افتح معظم المواد الذاكرة صفر وضيق الصدر في السما كنت بقرا سورة البقرة كل يوم حرفيا وممكن مرتين في اليوم كمان عشان اهدى بس كنت بهدى بنسبة بسيطة جدا ووداني كانت بتحمر ووشي بيسخن واروح اقيس الضغط يطلع واطي وكل يوم كدا مكنتش باكل ولا ببلع خسيت ١٥ كيلو في اسبوعين ووقتها كنت بتقلب على الأرض وانادي اخواتي واخبط دماغي في الأرض بسبب التوتر والوسواس القهري و كنت خايفة مجبش امتياز زي كل مرة لدرجة ان في يوم مادة معرفتش اذاكرها خالص بسبب الي بيحصل دا كنت بموت حرفيا وماما ضربتني عشان اذاكر ونا قاعدة خايفة عشان الامتحان الصبح وانا مذاكرتش وتجيبلي اكل بحبه ومعرفش اكل فتضربني 💔كنت بقول ابدأي وابدا وبنسى مش عارفة احفظ حتى حرف بس مكملة كنت بقعد ساعات في ٥ صفحات وبرضه انسى واجي الصبح اراجع قبل الامتحان ناسية كل حاجة كنت ببقى مرعوبة واروح الامتحان احل مش عارفة بحل صح ولا غلط واجي على المقالي انسى كل حاجة كنت بكتب اي حاجة تساعدني وارجع مش عارفة حليت ولا هشيل المادة و لما خلصت امتحانات ورحت للدكتور النفسي قالي انتي ازاي سيبتي نفسك كدا دا وسواس قهري شديد أدى للاكتئاب

ازيكم كنت وقعت علي دماغي قبل كدا وجالي اشتباه ارتجاج تقريبا ولحد دلوقتي لسة عندي دوخة وضعف تركيز والذاكرة دا عادي؟ والحوايا بيقولولي اخد اوميجا ولا محتاجة دكتور ؟ انا مروحتش بعدها لاى دكتور اعتمد اني فايقة وكويسة بعدين عرفت انو غلط

جماعه انا دلوقتي في تالته اعدادي (عارف ان في ناس ممكن تتريق بس انا زهقت) المهم انا مش عارف اذاكر نهائي بحاول كتير ادوس على نفسي بقول يمكن تعفن دماغ بس بجد مش قادر زهقت وجاب درجه زي الزفت مش عارف اعمل ايه بجد حاسس ان اعفن انسان علي الدنياه دي بجد انا مش بعرف حتي نفسي اذاكر و بحب اذاكر بس مش قادر حولت بي كل الطرق صليت دعيت عيط خلا مش قادر تعب و اهلي مش حسين بيا فاكرين أن بتمرقع وانا والله مش قادر حاسس مستقبلي بيضيع وكمان جايب درجه وحشه اوي في العلوم وانا اصلا مش بحب العلوم مش عارف اعمل خلاص انا تعبت