ذكاء

اتربيت تربيه اول ما طلعت للمجتمع واختلط بالناس اكتشفت ان لو فضلت كد هتبهدل، انا م عارفه مالي بي عندي طيبه وحنيه والتماس اعذار وحسن ظن مبالغ فيهم، هتقولولي م بتفهمي الناس لا المشكله اني ذكيه جدًا وبفهم الناس وبفهم كل شخص وتصرفاته بس انا ال بكسر سوء الظن بحسن ظني لحد ما اكتشف انهم زي ما انا شوفتهم اول مره لحد امتي هنكر اني ذكيه وبفهم واعرف احمي نفسي، انا بخاف اتغير وابقي حد وحش واوريهم دماغ وشخصيه مشافوهاش قبل كد بس ال محكمني اخلاقي قدام. قذاره افعالهم معايا

حاسه اني حزينه اوي مش بعرف اعمل علاقات عميقه كلها علاقات سطحيه بحس اني بزهق بسرعه من شخصيه اي حد بتعامل معاه أنا شخصيتي ذكيه ودمي خفيف واي حد بيحبني بسرعه بس انا للاسف بتقفل بسرعه ونفسي الاقي حل

مش عارفه بس حجات ممكن تفيد اوقات ممكن تحكم بسرعه ع الاشخاص والاشياء سواء بالسلب أو الايجاب والاسواء انها تكون سلبيه الي بيعمله ده بيكون عقله بيحطه ف السيف ذون اوقات عادي الإنسان يترفض أو يتهجر ومش دايما بيكون سبب ف ذات نفسه اوقات بتكون ف الي اتعامل معاهم المحب مش بيشوف أخطاء حد بيحبه ده ف العموم لو حصل وخسرت حد وترك اثر ف عادي لاذم نكون مقتنعين أن عادي الناس تترك اثر ف حياتنا وان دايما نحاول نترك الأثر الحلو اي يكن تعامل الي قدامنا كمان متوقفش حياتك ع حد مجرد مشاعر لما بتلاقي افضل اوعدك بتتخطي لسه ف افضل still thinking like that * معنديش افكار حاليه لو حد عنده خبرات اتعلمها يكتبها مش عارفه اقولها ازاي بس بحب اتفلسف وبحب الناس الذكيه الناضجه فكريا والناس اللزقه وبحب كون أن حد يحبك لمده طويله بس من بعيد بحس واو مدري وش اخلاف المواضيع ده بس خلينا ندخل ع موضوع تالت ان السنه الجايه هتكون اخر سنه ف مسيرتي الجامعيه ومش عارفه مفروض استغلها ازاي لو حد عنده افكار

انا محمل ال app ده علشان بجد المشكله دي قرفاني في حياتي مبدئيا بس انا ADHD وشخص ذكي جدا ومجتهد اوي في الحاجه الل بحبها وطالما انا عوزت الحاجه ف هجيبها يعني هجيبها وهوصلها كده كده وده أثر عليا في علاقتي مع البنت الل حبيتها كنا سوا ٣ سنين ولحسن الحظ دخلنا نفس الكليه والجامعه وقولت بس خلاص كده الخليه ضحكتلي وهنخش نفس القسم ونبقي مجتهدين سوا ونكمل حياتنا بره والحاجات اللطيفه دي واتفاجا انها اتغيرت مره واحده ودخلت قسم غير قسمي ومعاملتها اختلفت خالص وبقت بتقعد مع شله كده فيها ولاد ومره واحده قالتلي نبعد وانا من كتر الصدمه لحد م عدي سنه ونص مش عارف اتخطي ، ازاي انسي الل كان بينا طيب مع اني من ساعه م سيبتها وانا انجزت حاجات جاحده ف حياتي حرفيا بس قلبي بيوجعني كل م تيجي سيرتها وخايف لو رجعت تجر ناعم معايا نرجع تاني بعد الل هيه عملته وهيه كده مكنتش بتحب ولا هتقدملي نفس الل هقدمهولها ممكن حل يا جدعان بالله والبنات ممكن يفسرولي الل هبه عملته ده ايه ؟

اشفق عليهم بشكل عقليه قويه جدا فاكرين ان هم اذكاه جدا قدروا يوصلوا للي ما حدش قادر يوصل له ابدا بالرغم ان هم بس لو شغلوا مخهم وشافوا هم بيصدقوا ايه وبيكذبوا ايه هيزعل على كل لحظه كانوا فيها اغبياء وفاكرين ان هم اذكياء

دلوقتي انا عندي بنت خالتي الصغيرة عندها حوالي ١٠ سنين هي ما شاء الله ربنا يحفظها و ذكية جدا اذكى من سنها .. بس انا بخاف عليها جدا لأني بلاحظ كذا علامة بتقول انها هتعاني أو هتتعب في المستقبل و ده بردو مش بإيديها .. اولا مبتعرفش تقعد من غير ما تعمل اي نشاط استهلاكي .. يا تليفون يا حاجات حلوة مبتقدرش تقعد خمس دقايق حرفيا من غير ما تعمل حاجة تديها دوبامين .. للأسف مش شاطرة خالص في دراستها و بتهمل المذاكرة .. لما ركزت معاها لقيت أنها مهملة من اخواتها الصبيان بقت كل فترة لما تيجي عندنا اخليها تسيب التليفون و احاول معاها في اي نشاط ذهني بحاول ابعد عنها التعفن الدماغي ده .. ف لقيتها مستجيبة جدا و بعد كدة لقيتها بتعيط و بتقولي انت الوحيد الي بتلعب معايا .. الجملة و العياط دول دبحوني انا مجرب الاهمال ف الطفولة و عارف بيودي على فين .. و كان كل خوفي عليها انها لما تكبر تخش ف إباحية أو علاقات ف حياتها تدمر اكتر عشان كدة بحاول احتوي الجزء ده قبل هي ما تكبر و تعالجه بشكل غلط .. انا عارف ان في ناس هتفتكرني مكبر الموضوع بس هو كبير فعلا يا جماعة و انا لسة بدفع ضريبة حاجات شبه كدة لحد دلوقتي

أحيانًا الذكاء مش بيكون حاجة كويسة، لأنه بيخليك فاهم أكتر من اللازم.بتشوف اللي بين السطور، وتفهم حاجات كان يمكن كان أريح لو ما فهمتهاش. ساعات كثرة الوعي بتتعب، وتخلي الواحد يتمنى لو كان أبسط.عايش من غير تحليل زائد، ومن غير ما يدرك كل شيء. مش لأن الجهل أفضل، لكن لأن بعض الفهم مؤلم.

هو أنا لوحدي ولا حد غيري هنا هل طبيعي إني عمري ما أرتبطت ولا كلمت بنات وما إلى ذلك وحاسس إن عندي برود في المشاعر لدرجة كبيرة بل جربت فعلا وشبه متأكد ومش بعرف أتعامل معاهم حتى يومنا هذا غير كده حاسس إني مش الشخص اللي يتحب لا أنا الشخص الناجح دراسيا ولا الشخص مفتول العضلات ولا الشخص الوسيم والكريزما أنا شخص عادي بس مش مختلف في بيقولي إني ذكي أو الهبل ده بس حرفيا أنا بتظاهر بالذكاء مع إني عادي بل أقل والمشكلة إني بقدر أتكلم في أكتر من موضوع ببين إني قارئ في مختلف المجالات وأنا لا أعرف سوى القشور عاوز أغير شخصيتي دي مش عارف عاوز أكون المجتهد مش اللي بيتظاهر إنه مجتهد أتمنى أكون وصلت المشكلة صح شوية لأني مش عارف أصيغها صح، والسلام عليكم أفيدونا أفادكم الله