رجال

سؤال للرجالة من بنت، كراجل متربى ومش متشدد، شايف ان الطبيعى مراتك تروح لدكتورة ست فكل التخصصات حتى الأسنان وان دا ونابع من الغيرة حتى فالتعامل فالمستشفى ممرضات فقط؟؟؟ وانه تبطل تتابع مع الثيرابيست "راجل" وتشوف ست غيره حتى وان كان دا هيضرها وقت وفلوس والله اعلم الجديد كويس ولا لا؟

انا لظروف شغل معينه بضطر ارفع كم البلوزة شوية، دا عشان ال sterilization and safety بمعنى اني مينفعش هدومي تلمس اي حاجه. لو دخلت دراعي وهو متغطى جوا ال incubator هبقى محتاجه اغير هدومي كلها، طبعا دا مش هقدر اعمله، وبيكون في كاميرات و زمايلي رجالة. اتجنب دا ازاي ولا اعمل شيفت كارير ولا اعمل ايه عشان سألت زميلتي وقالت انتي بس لسه جديدة🤡

السؤال موجه للبنات والشباب عادي.. هو احنا ليه كرجالة مش بيملأ عنينا بنت واحدة.. سواء صداقة او حب أو جواز ايا ما يكون نوع العلاقة يعني.. ليه الراجل مننا مش بتكفيه واحدة مهما عملت له يعني لو مهما كان القرب بينهم بيحس دايما انه ناقصه حتة ممكن يلاقيها مع واحدة تانية مع الحفاظ ع الأولى يعني الفكرة مش بتبقى رغبة في الخيانة لكنها رغبة في اكتساب آكبر قدر من اللطف والأنوثة والدلع والحاجات دي..

انا ما تعرضش للخيانة قبل كدة بس انا شفت وسمعت خيانة وكانت من ناس قريبين ليا والشخص دة ماخنش مرة واحدة لا بالعكس خان كتير اوي والزوجة واجهته وسامحت وكانت بتعرف في كل مرة وبتسكت وحاجات وتفاصيل كتير بقي والموضوع دة خلاني كرهت الرجالة وبقي عندي خوف من الخيانة ومن أنه يجي في يوم يقول غصب عني أصل هي مش مالية عيني أو أنه يقول المهم اني برجعلك تاني بقيت حاسة أن أي راجل ممكن يبص لغيري في اي وقت ولو ما تكشفش دة مش معناه أنه مش بيبص لا هو بيبص بس لسة لحد دلوقتي ما تكشفش

ليش لما اقعد. مع واحد من طبقى مادية عالية بلاقي متضايق ما بدو يتزوج و قرفان دنيا و صدرو ضايق و بس اقعد مع واحد يعني مقتدر او اقل شوي بلاقي نفسو يتزوج و نفسو بأكثر من شغلة بس مش ضايق صدره زي الغني 🤔

انا نعاني من مشكلة نتمنى نلقا حل انا فقدت ثقة تاعي في ناس لدرجة كبيرة بزاف وخاصة في رجال وحاليا انا اعترفت على واحد يبان شخص كويس يقول انو يحبني وانو راح يفعل اي شيء على شاني احيانا كلامو يفرحني واحيانا نخاف يكون يلعب بغيت طريقة نكتشف صحة مشاعرو ولا نيتو

تحدثت في منشور سابق عن مشاكلي مع اهلي .. وهي السبب الحقيقي الذي دفعني لتنزيل هذا التطبيق كي اعبر وافضض عن مشاكلي باريحية .. وصلت بهم بان منعوني عن الزواج والان عمر يقارب 30 سنة ومن الطبيعي انه امراه بمثل عمري ستحتاج الى رجل ستحتاج الى سند وشخص يعوضها عن المشاعر الايجابية التي لم تحصل عليها مع عائلتها .. مرات توسوس لي نفسي ويوسس لي الشيطان بان اقوم بانشاء حساب في وسائل التواصل الاجتماعي واتحدث مع الرجال .. اعلم ان الامر خطأ و لن يسبب لي الا المزيد من الالم بتعلقي برجل لن اتزوج به مستقبلا خاصة وانني لم اقم بأمور كهذه من قبل .. ادعوا ان يثبتني ربي و يهديني ولا أقع في اخطاء كهاته

مش عارف اقول ايه بس إحساس الغربه دا وحش اووي يا جماعه اووي تبقي حساس انك وحيد ياه إحساس ممكن اغلب الرجاله متحبش تبينه بس من جوانا تحس في فراغ الكون واشتياق للذكريات مش عارف انا بس ولا اي ممكن

الواحد كتير اوي بيحسد البنات علي كمية الاوبشنات الي عندهم و بيصعبو عليا اوي البنات الي اتحرمت من الحاجات دي أولهم و اهمهم التصريح بلضعف و الانهيار البنت مهما كانت هي بنت مش دورها أنها تكون صلبه بلعكس البنت ليها اب او اخ أو زوج ليها كل دول تترمي عليهم بس تيجي الناحيه التانيه الرجال ولا يعرف يعمل حاجه من الحاجات دي ولا قدام ابوه ولا أمه ولا أخته ولا اخوه ولا حتي زوجته أنه المفروض يسبت ديما كفائه وأنه عمره ما يميل دا يخلي يكبت جوا بجد الموضوع متعب و بذات لما تكون في ريليشن شيب مع حد بتحبه هنا بحس أن المشكله بتكبر بتلاقي ديما البنت مجرد ما بتقول كنت بعيط أو هعيط أو مش عارفه اخد نفسي من كتر الزعل بنجيب ورا و بنحن و بننسي زعلنا و بنراضيهم عشان زعلهم ميطولش عشان مبنستحملش زعلهم بس تيجي تعكس عمرنا ما هنعرف نصرح أو نقول التعب الي تعبنا من الزعل أو قد اي الدمعه كانت خلاص بس كنا بنلهي نفسنا في اي حاجه بجد الموضوع متعب انا منزل ال أب ده من يومين عشان عجبتني فكرته و كنت داخل بداعي الفضول بس متخيلتش اني هحتاجه بسرعه اوي

الانفصال الحياه بعد الانفصال للشاب سهله ولا صعبه فى رايكم والارتباط مره تانيه بيكون سهل ولا لا ؟ وليه بعض البنات مش بتوافق على حد منفصل ؟ مع ان فى بنات منفصله عاوزه حد اعزب بدون تجارب احنا خلاص بقينا فى الزمن اللى الرجاله هتتطالب فيه بالمساواه ولا ايه ؟!

ازاى كبنت احمى نفسى من الاختلاط، جربت جو الشغل و الاندبنت وومن بس بصراحة كرهت جو الاختلاط و القرف و الرجالة اللى بتقعد تتفحصك و انتى ماشية مع ان لبسى مش ملفت يعنى، أو الراجل الأربعينى الغير متزوج اللى بيقعد يتنح بلا سبب، و لو اضطريت أسأله فى شغل لازم يسأل كل شوية عملت ايه ووصلت لايه، او لما اروح اعمل انترفيو و الاقى اللى بيعملى انترفيو عمال يعطف و يلطف بطريقة لزجة مع ان شكلى عادى يعنى بالنسبة لناس كتير. مش عارفة لو قعدت من الشغل ممكن أعمل ايه فى حياتى خاصة انى بقيت ٣٠ سنة و خريجة صيدلة، فصعبان عليا مذاكرتى، كمان غير متزوجة و جواز الصالونات حدث و لا حرج كلهم معتوهين شايفين ان الحياة مشاركة و انى اساعده فى المصاريف لدرجة انى بقيت عايزة اقعد من الشغل عشان ميجليش الأشكال دى تانى.

عندي سؤال و هو موجهه للرجاله اكتر هو بجد انتوا ممكن تحبوا بنت بجد؟؟ اقصد حب حب ال هو فعلا بتحبها لدرجه مش قادر تنساها و دايما بتفكر فيها و لو اه ممكن تحكولي مواقف او تجارب معاكوا و ازاي اعرف الشخص ده فعلا بيحبني ولا مجرد اعجاب او تسليه؟؟؟ جابوا بصراحه 🙏🙏🙏

هو احنا ليه معندناش ف ثقافه مجتمعنا الطبطبه بين الصحاب الرجالة؟ او ليه بتتشاف إنها من تصرفات البنات أن حد يطبطب علي حد او يحضنه ساعات كتير اوي بحس اني محتاج بس حد يطبطب عليا و يقولي أنها هتعدي بس محدش بيعمل كدا و انا لو طلبت هيبقي الموضوع غريب لاني مش بشوف رجاله بتعمل كدا فبحس اني لوحدي اللي بحس ب كدا فبكتم جوايا أو اقعد اعيط لوحدي اخر اليوم و برضو بحس اني الوحيد اللي بيعمل كدا و أن باقي الشباب مش بتعيط أو مش بتعبر عن حزنها

عندي سؤال للنقاش بجد هو ليه فعلا البنات اتحولت كده ؟ يعني امتي ظهرت الموجه دي من الاستحقاقيه الغريبه اللي ملهاش مبرر بمعني ليه البنات حقها تقول انها عايزه فيه كذا وكذا وكذا وتعمل قايمة طلبات وهي حره بس الولد ملوش حق يتكلم ليه يتم التريبه علي حد عشان قصير وليه نتريق علي حد عشان شكله وليه لازم كلنا نبقي سوبر مان عشان نبقي كويسين مين فهمهم ان هم مفيش ليهم دور في الدنيا غير انهم يتحبو ويتعمل ليهم كل حاجه بي وهما هنا مدللين فقط بدون اي دور في الحياه حاسس اني جوايا كلام اكتر عايز اقوله بس بجد هو ليه الواحد حاسس ان خلاص قريب اوي البنات هتمسك الحكم وهتمسك كل حاجه في الدنيا عشان شوية رجاله منسونه وسطنا بتلحس وبس ؟