زحمة

دنيا زحمه و مواصلات و كله بس انا نفسيي اخرررج انا من ضغط فضلت اعيط بجد و بقالي شهور مخرجتش و فرصه اجازة العيد بتضيع اهي فعايزه انزل بس بكره الزحمه خصوصا لو مش امان و هروح فين و مع مين صحابي مش عاوزين ينزلوا و اهلي تعبانين بفكر انزل اتمشي لوحدي

كل سنه. انتم طيبين اولا انا عندي مشكله مع الرهب الاجتماعي لدرجه اني خايف اروح اماكن زحمه في العيد علشان متحطش في أي موقف احتكاك و محرج و كدا. بما أن لازم 150 حرف فا ممكن نقول انا نفسي اكل شاورما دلوقتي مثلا

يسعد مساكم ♥️✨ عايز اشاركم حاجة عبيطة شوية .. اتعينت من فترة ف شركة جديدة ، الشركة نظمت مسابقة شطرنج انهاردة انا كسبت اول مبارة استمرت ساعة ونص وكانت صعبة فشخ و البنت اللي قدامي كانت چنيس و كان حوالينا زحمة كتير اوي ع المبارة ، حاولت مبينش انبساطي عشان مسببلهاش احراج .. بس كنت مبسوط فشخ وانا حتي بناقشها بعد المباراة ✨

- استبدال المواصلات العامة في مصر بالمواصلات الخاصة هو من الرفاهيات المنسية! من أول إنك تطلب أوبر، أو حتى تاخد توكتوك لوحدك بدل م تتزنق ف ميكروباص حاجة بتحافظ على كم مش طبيعي من الوقت والجهد والطاقة والصحة، وبتحافظ على شكل الواحد يفضل مش مبهدل ونضيف مش مترب ومجهد ولبسه باظ حزينة والله وأنا بقول من "الرفاهيات"، بس المواصلات العامة نفسها غليت بشكل مش طبيعي فعلا، وبقت تعجيزية لشريحة كبيرة.. ربنا يرحمنا برحمته ويرزق الناس كلها عموما، والبنات خصوصا، مواصلات وعيشة سهلة ويسيرة. يارب عربية جي كلاس من حيث لا أحتسب يارب يا واسع )"😭💗💗💗💗🦆

مؤخرا بقيت: بكره للزحمة بكره الصوت العالي بكره الرغي بكره صوت الكلاكسات والزحمة بحب الليل بحب النوم بكره الابواب المفتوحه اوووي لو جزء بسيط كده بعتصب بكره الصوت العالي تاني بكره النور بقيت بحس اني مش بعرف اعمل حاجه الصبح يومي كله بليل حاجه ملهاش لازمه بس عادي

هو مش شكوى هو احساس بس حد كان معاك و لظروف ضاع. مش عارف هتلاقيه و لا لا وسط الزحمة تاني كان بيرسم ال بسمة على وشك عموما هفضل منتظر جايز يفهم و يرجع!!!