Mango_19813🇪🇬•مُرهقحاسه اني فأزمة منتصف العمر ،الي هو احنا فين وبنعمل ايه هنا وايه الروتين ده وليه الحياه ممله ودمها تقيل كده وليه حاسس انك فسباق مش عارف اوله ولا اخره ولا مين فيه ولا عايز منه ايه حد فاهم؟وهنفضل كده لمده معينه ولا خلاص كده؟
Candle_4384🇪🇬•مُرهقجماعة هو بجد امتى الواحد بيعرف أنه نجح يعني انا امتى ههدى وارتاح وأخرج من السباق امتى هبطل اعافر اكتر امتى هبطل جنون الأستمرارية دا نجحت ف دراستي ونجحت في شغلي وبمرتب محدش ف سني يحلم بيه وواخد position محدش ف سني عارف يوصله وعلاقات ومع ذلك مبشبعش الموضوع مهلك حرفيا 🤦🏻♂️
Blueberry_8481🇪🇬•وحيدليه الإنسان ما يبقاش رايق؟ يعني مثلا واحنا سايقين في الطريق ليه بنبقى مهتمين بس ان احنا نعدي الأول ونوصل بدري ونسبق كل الناس ليه بنبص على الناس دايما بنضارات تشخيصية ونحكم عليهم؟ ليه ما نعتبرش ان العالم دا مجرد فيلم وان احنا ورا الشاشة ونتفرج بدون ما نتفاعل أو ننفعل.. ليه واخدين الحياة بجد واحنا عارفين انها لعبة؟
Cloud_12018🇴🇲•مرتبكحاسس إن الجيل ده الشغل سرق عمره… بقى مفيش حاجة أهم من الشغل. صعب تاخد أجازة إلا لو في مصيبة. غير كده دماغك مش بتفصل. لازم تنجح. لازم تبقى مميز. لازم تبقى Top . وعمرك بيجري… وعمر الناس اللي بتحبهم بيجري… وتفوق تلاقي الحياة عدّت، وأنت واقف مكانك، والناس القريبة منك مبقتش جنبك. فتروح تشغل وقتك الفاضي بشغل برضه. وتلف في نفس الدايرة. وفي الآخر أزمة اقتصادية تيجي تديك قلمين علشان تفهم إنك كنت بتجري على الفاضي. الرفاهيات كترت، وبقى كتير منها محسوب أساسيات. ولازم تواكب علشان متحسش إنك ناقص. حتى لو الإحساس ده انتصار زائف. وهكذا… عمرك يتسرق. وتفوق تلاقي نفسك لوحدك، وخسرت كل حاجة❤️🩹
Sugar_4215🇪🇬•مكتئباحساس ان الواحد مش كفاية دى احساس وحش اوى والفكرة انى عارف سببه بسبب السوشيال ميديا الى خلت الواحد دايما حاسس انه فى سباق وانه مهما حقق حاجة فدى مش كفاية وللاسف الواحد مش عارف يستغل دا بشكل مفيد كنوع من انواع المنافسة لا بالعكس بقا مصدر احباط مخلى الواحد مش عاوز يعمل حاجة
