سكوت

انا مش عارفه ليه الناس بتشوفني غلبانه وان شخصيه سهله وضعيفه علشان طول الوقت ساكته مش بتكلم كتير طب انا ذنبي ايه اني كدا ذنبي ايه ان مش بعرف اجيب حقي نفسي اتغير وابقي مسيطره بس مش عارفة ازاي 🙂💔

أنا بقالي كام يوم مخنوق طبعاً النهاردة و أتخنق أكتر أنا شغال في مكان و صاحب المكان دا بنت عندها بالكتير 23 سنة أو 22 المشكلة في حاجة انا مستغربها عيل عنده 13 او 14 سنة بيجي يعمل حاجات ويهزر هزار أنا شايفه مينفعش يهزر بالطريقة دي و أي حد ممكن يشوف كدة برضه كنت كلمتها ألاقيها تقولي معلش هو متعود يهزر معايا كدة كنت كلمتها تاني تقولي هو ممكن غيران منك والمشكلة بلاقيه بيجي ياخد حاجات ومايحسبش عليها أقولها تقولي هو كان قالي بس نسيت أقولك وكمان الولا بلاقيه ساعات بيتعامل معاها بطريقة غبية وهي برضه مبتعملش حاجة كانت قبل كدا مش عايزة مشاكل تحصل أو أنا أضربه أو أتعارك معاه عشان أخوه يبقي صايع و هو اللي ماسك المنطقة ف أنا حاسس ان ساكته و مبتعملش حاجة عشان كدا بس أنا خلاص أنا حالياً نفسي الولا يجي يعملي حاجة أو يزاولني بس أنا مش هاممني أخوه ولا اللي هيحصل وكل لما أكلمها تقولي نفس الكلام مش عايزة مشاكل تحصل وتقولي هي بتحب الولا ده بس انا حاسس ان هي ساكته عشان اخوه وعشان ميعملوش حاجة في المكان اللي هي فاتحة فيه

مكنتش حابه اكون كدا ومش عايزه اكون كدا بس للأسف دا هو ما أنا عليه حالياً مافيش مفر من الاعتراف بيه وماينفعش الإنكار والحل؟؟... انا... انا مش عارفه انا عايزه ايه، ولا اللي انا فيه دا هيتحل إذاي، وبسرعه أدركت أنها حياتي مش هتتغير الا بحاجتين الموت أو اني افضل لوحدي وللأسف انا أجبن من اني اعمل اي حاجه فيهم ف مقداميش غير السكوت لحين يجيلي الحل لوحده عارفه أنه كلامي مالوش معني بس للاسف اللي جوايا مطلعش غير كدا مجرد "كلام ملوش معني" ويمكن دي اكتر حاجه تحزن فالموضوع كله

نازل عليا كميه سكوت و هروب من الواقع بشكل فظيع مش عارفه اتخطي الاحساس دا و مش عاوزه اتخطاه طاقتي خلصانه من كل حاجة مش عاوزه اعافر تاني عاوزه اخد هدنه من نفسي و افكاري و الدنيا كلها بجددددد

هو ازاي بجد حد يبقي اعمي للدرجة انو يشوف الوحش في الي قدامه ويسكت هو الحب بيعمي للدرجادي طب ليه حتي بعد ما نشوف كل الوحش ده ونتباع بكل سهولة ونطلع غلطانين بدون سبب يفضل يوحشنا الشخص تاني ونبقي نفسنا نرجع تاني ونتكلم ليه سكتنا وليه كل حاجة اتقلبت فجأة ليه مكنش ينفع نكمل وليه انا هونت كده طب مش باجي في البال حتي بتدور عليا زي ما بدور عليك ولا خلاص كده كل حاجة خلصت ومبقتش فارقة زي كأني مكنش ليا لازمة اصلا

محدش فاهم حاجه اغلبيتنا بياخد بالمظاهر وميعرفش انا أو غيري بيمر بإي او عنده اي إلا من رحم ربي بقينا وحشين اووي وعندنا سوء ظن في حاجة والدنيا واخدنا لدرجه إننا نسينا إننا سيبنها وماشين كل همنا الفلوس نرحم بعض لو مش هتقول كلمه خير يبقي السكوت احسن

اكتشفت موخرا ان احسن حاجه ف الدنيا تكون رايق. يعني تكون زعلان وقرفان ومكتئب وتسكت متحكليش لحد ولا تحكي حاجه. تعيش حكايتك بحلوها ومرها وانت ساكت ورايق ف نفس الوقت 😂💔. مفيش احسن من الروقان حتي لو انت فيك هموم الدنيا. كل حاجه بتعدي 🙂

لما بقيت أحس إن مفيش حد فاهمني ،، حكيت زي محكيتش مش فارقة كتير مش لاقي حد فاهم دماغي و مش عندي طاقة اشرح و احكي و اتكلم ف بقيت افضّل السكوت في أوقات كتيرة طبعاً الموضوع مش سهل إطلاقاً بس اهون كتير من إني اتكلم و ملاقيش اللي يفهم كلامي و مشاعري

*عادى بقا نختفى...ومحدش يسأل علينا.* *وعادى نحكى ونضحك....واحنا من جوا بننهار*. *وعادى نستحمل فوق طاقتنا....علشان مفيش حد يشيل معانا.* *وعادى ندى كل حاجه...وفى الاخر نطلع ولا حاجه*. *وعادى نتوجع... ونسكت.... ونقول دى عاديه*. *بس الحقيقه...* *إننا تعبنا....وحدش حاسس بينا...*

كنت كدا في الاول بس بعد ما نزلت اشتغلت في الشارع اكتشفت أن سكوتك دا خساره (مش في الشغل بس في اي حاجه في حياتك) وممكن يضيع عليك حجات كتير وممكن تحبس جوا نفسك ودا هيخلي عندك عقد نفسيه مش كل سكوت يبقي هيبه وتكبير دماغ بل سعات بيبقي في نظر الشخص التاني انك عبيط ياريت لو في حاجة ضايقتك ارفع صوتك واكلم بس الموضوع مش بالسهوله دي دا محتاج وقت وتمرين وتتعامل مع بشر وتاني مره اقولك لو في حاجه ضايقتك اكلم وخد حقك ومتسيبوش يضيع عشان لو سبته مره هتفضل تسيبه وهتخسر حجات كتير انت ممكن متستوعبهاش❤️

لما بقي مش مسموحلي اتكلم، لما اتكلمت بيكون في ردة فعل وحشة فا اتعلمت اسكت، عشان اتجنب حاجات كتير لما بقي كل كلمة محسوبة عليا. عدم الكلام بقي راحة و محدش مهتم عمتا، خلينا ساكتين علي طول احسن لينا و ليهم.

جربت اتكلم كلام عادي متفهمتش..وقعت ف مشكلة كبيرة ولما حاولت اتكلم واخرج اللي جوايا أتفهم بطريقة عكس تماما اللي كنت اقصدها..علي طول ساكتة ومحدش مهتم..محدش بيحس بنفس احساسك لما بتقع ولو موجود حد مش بيبقا مدرك انت محتاج ايه عشان تبقا كويس مع أن المطلوب وقتها بيبقا أقل من العادي وحاجة تافهة لو اتعملت هتفرق معايا كتير..يا ريت لو يفهمو ان السكوت ده مش عادي ومخبي وراه كتير

ان محدش هيسمعني وكل واحد عندو مشاكل اي هيخلي حد يهتم ليا؟ ولو شكيت هيتقال اي غير ان يعيروني بعد كدا! السكوت حل اوقات الحاجات كتير بس هو حل لكل حاجة محدش هيحاول يسمعني وانا ديما مقتنعه ب ان لا تشتكي ف الجرح لا يؤلم الاه صاحبه ومن عرفه الله فا اشتكيه و الشكوي لغير الله مذله

سكت علشان اتقلي وسط الضحك اهو زعلت وهتروح تعيط بل سعات سعتها عرفت اني مينفعش اتكلم لزم تسكت علشان ممكن ترتاح بعد الكلام بس هتتوجع كتير بعدها وجع يعلم فيك ويكسرك قدام الكل لما قررت اتكلم ضحكو وقالو دي مش مشاكل ساسا انتي بتكربي الوضوع لية هتعدي عادي يعني بقتي رخمة ومملة