سنة قصص حقيقية - 4 تجارب، ونصائح، ودعم

وأنت بتدعي بلاش تتقشف .. - واحد صاحبي قعد يدعي ويقول يارب انا عايز شقة واتجوز وعربية أي عربية وخلاص ومش عايز حاجة تانيه .. بيقولي ربنا فتح عليا لحد ما جت ال 3 حاجات دي وبعدها كأن حنفية واتقفلت !! • واحدة قعدت سنين مش بتخلف راحت عند الكعبة وقالت يارب انا عايزه أي عيل حتى لو مشوه .. حملت فعلا ولما ولدت طلعت الطفل عنده عيوب خلقية وداخت بيه على المستشفيات وانت بتدعي بلاش تتقشف !! يعني مثلا انك تقول يارب ارزقني بعربية ولو حتى بباب واحد او انك تقول يارب ارزقني بأي شغل وخلاص .. سيدنا يوسف قال : {قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ}. يقول ابن كثير رحمه الله.. يوسف عليه السلام دعا الله أن يسجن فاستجاب له الله و سجن .. ولو أنه قال ربي العافية و النجاة أحب إلي لعوفي ونجا وانس المنطق وانت بتدعي !! يعني ايه ؟؟ يعني تدعي ربنا بكل اللي نفسك فيه وماتشغلش بالك ازاي الدعوة دي هتتحقق !! سيدنا زكريا دعى ربنا انه يرزقه بالولد مع ان سنة كان كبير قوي وزوجته مش بتخلف بس ربنا ﷻ قال ساعتها "هُوَ عَلَيَّ هَيِّن" .. وبرضوا سيدنا ابراهيم ساب اهله "بِوَادٍ غَيْر ذِي زَرْع" بس لما جه يدعي قال {وَارْزُقْهُمْ مِنْ الثَّمَرَات} وبعدين وانت بتدعي خليك طماع .. اسأل كتير وادعي باكتر من اللي نفسك فيه .. النبي (ﷺ) بيقول {إذا تمنى أحدكم فليستكثر، فإنما يسأل ربه } .. سيدنا موسى طلب من ربنا ﷻ 7 حاجات مرة واحدة وكان الرد ساعتها: {قَالَ قَدْ أُوتِيتَ سُؤْلَكَ يَا مُوسَىٰ}. وادعي ربنا بكل حاجه مهما كانت صغيره .. ورد في الأثر: أن موسى عليه السلام قال : يا رب ! إنه ليعرض لي الحاجة من الدنيا فأستحي أن أسألك . قال الله ﷻ : سلني حتى ملح عجينك وعلف حمارك. ولو عايز تعرف يعني ايه حسن الظن بالله !! شوف دعوة سيدنا سليمان يُفتن ويستغفر وفي نفس الدعوة يسأل ربنا مُلكاً لا ينبغي لأحد من بعده قال تعالى: {وَلَقَدْ فَتَنَّا سُلَيْمَانَ وَأَلْقَيْنَا عَلَى كُرْسِيِّهِ جَسَدًا ثُمَّ أَنَابَ قَالَ رَبِّ اغْفِرْ لِي وَهَبْ لِي مُلْكًا لّا يَنبَغِي لِأَحَدٍ مِّنْ بَعْدِي إِنَّكَ أَنتَ الْوَهَّابُ} سيدنا عمر بيقول ( أنا لا أحمل هم الإجابة ولكن أحمل هم الدعاء) وخليك متآكد وانت بتدعي ان الله هو القريب ، المجيب ، الرزاق ، الوهاب .