شارع

النهاردة دموعي غلبتني و بكيت في الشارع، انا اسفة جداً لنفسي ثم نفسي ثم نفسي انا غلطت في حقها كتير اهملتها كتير و ضحيت بيها اكتر، انا المج.رم و انا الضحية حتي لو ظلم.ني حد في يوم من الايام، فانا السبب، لاني كنت شايفه كل حاجة من الاول و ربنا منّ عليا بالبصيرة و انا اللي اصريت اكمل في سكك مسدودة طريق مشيته و انا عارفه نهايه كنت فاكرة اني هلاقي النور في الاخر بس النفق كله ضلمة ازاي العيون اللي شوفت فيها الجمال و البراءه الاقي فيها الغدر (دي مش مشكلة عاطفية) اسوء شعور في الدنيا انك تغدر ببني آدم، انا مش عارفه انا ليه قاسية علي نفسي انا مكنتش اعرف ان كل الضلمة في قلوبهم!! انا كنت فاكره حبي ليهم ممكن ينور قلوبهم انا كنت فاكرة ان انا الشخص اللي هيساعدهم يخلصو من مشاكلهم و بعدها يختاروه انا ضحيت بنفسي عشانهم محدش غلط غيري

انا بتعصب من الناس الغبية و الناس الكسلانة اووووي بجد يعني الموضوع بجد بيحسسني بضيق تنفس مش طبيعي و صداااااااع من كتر ما ببقا عاوزة اصووووت ف وشهم ابقا بتكلم مع حد و بقوله ساعدني ف كذا مثلا و هو فاتح بؤه و متنح لي .. حرفياً بروح ماشية و مخلصة اللى عاوزاه عشان مش ناقصة جلطات 🫩 هل الموضوع يخلص هنا تؤتؤتؤ الغباء بيزيد طرديا مع عصبيتي من الشخصيات الغبية كل ما اتعصب كل ما يطلع قدامي شخصيات اغبى و اغبى اقرر انزل الشارع و الله ببقا هتشل حقيقي من كل الناس و خاصة من اشباه الرجال اللى اصلا مش عارفين يمشوا ازاي يفضل متنح و جايب لاج و واقف قدامي بلا هدف ولا تفكير 😑🫩 و اول ما يفكر و يستخدم دماغه ف انه لازم يتحرك يمشي هو من جوا الطريق و انا كبنت ابقا ناحية العربيات 🫩 ( معلش الكوكو طلع بيخاف من العربيات 😑) تخلص هنا مثلا تؤتؤتؤ اروح سوبر ماركت مع والدتي و يحصل مشكلة ع الكاشير و محتاجين نبدل حاجة عشان الباركود مش موجود عليها اروح اجيبها و ارجع لهم في امان الله الاقى كائن دخل فى النص بيني و بينها بمنتهي ال مافيش بربع جنيه تفكير 🙂😑 ف الى هو انت بتعمل ايه بجد ؟! 😬 ما تعديني و خلينا نغور و بعدين اتنيل اتفضل حضرتك يعني تؤتؤتؤ نتضطر نخلي طنط اللى ورا تحدف الحاجة للكاشيير و انا الف من باب الدخول و استنى برا عشان هو مستخسر يستخدم دماااااغه لثواني و يعدينا و نخلص 🫩🫩 و فى الآخر يتقالى انى عنصرية .. ايوة انا عنصرية و جدااا و انتوا اغبياء جدااااا 🫩🙂🙂 الصبر يااااارب الصبرررر ع الكائنات اللى من غير مخ دي 🤦🏻‍♀️ و من غير سلام هاااه يلا بقا 😂

أوقات بمشي في الشارع ببص على وشوش الناس بتشوف حكايات و مواضيع كتير مواضيع كتير اووي اكتر حاجه بحبها ونا ماشي لو لاقيت حد شكله مضايق بكلمه اقولو نكته اضحك في وشه بحس إني كان مستني كلمه او ضحكه زينا بردو اوقات بنتحتاج كلمه ضحكه بصة امان

بيقولوا إن المهندس الشاطر هو اللي بيعرف يبني فوق أي أرض مهما كانت صعبة.. بس مفيش حد علمنا إزاي نبني حياتنا لما تكون الأرض نفسها هي اللي رمتنا. أنا اسمي عبداللة، والنهاردة الناس بتقولي 'يا بشمهندس'، بيبصوا للبدلة، والعربية، وللمشاريع اللي باسمي، وميعرفوش إن كل طوبة حطيتها في مبنى، كان قصادها جرح في قلبي ملوش علاج. أنا الطفل اللي أهله استخسروا فيه اللقمة والغطا ورموه للشارع وهو لسه مش فاهم يعني إيه كلمة 'بكرة'. الشارع مكنش رحيم، بس كان أصدق من ناس كتير قابلتها. علمني إن اللي ملوش ضهر، لازم يصنع لنفسه ضهر من حديد. اشتغلت كل حاجة تتخيلها.. مسحت جزم، شيلت رمل، ونمت والجوع بياكل في معدتي، بس عيني كانت دايماً على الكتب. كنت بذاكر تحت نور عمود النور في السكة، وبحلم باليوم اللي هبني فيه بيوت مبيترميش منها بس ده كلو كوم والبنت الي حبيتها دي كانت سبب وقعتي 💔