شعور بالغربة

"أنا عمري ما تخيلت إن أصعب معركة هخوضها في حياتي مش هتبقى مع الدنيا ولا مع الشغل، لكن هتبقى مع أهلي. بدأت من الصفر، وكنت بذاكر وبشتغل وبسابق الزمن عشان أثبت لنفسي وليهم إني أقدر. كنت بسمع كلام يهد جبال، وتلميحات باني هفشل، ومحاولات كتير لكسر نفسي.. بس ربنا جبر بخاطري ونجحت، وبقيت مهندس وبنيت كياني بمجهودي وتبي الشخصي. كنت فاكر إن نجاحي ده هيغير نظرتهم ليا، أو على الأقل يخليهم يفتخروا بيا ويسيبوني في حالي. لكن اللي بيحصل هو العكس؛ الضغط زاد، والطلبات التعجيزية كترت، وكأنهم بيعاقبوني على نجاحي مش بيفرحوا لي. بجد أنا تعبت نفسياً.. النجاح طعمه بيبقى مر لما تحس إنك 'غريب' وسط أهلك، وإنك مهما عملت مش هترضي حد. أنا محتاج مساعدتكم بجد.. إزاي أقدر أحمي نجاحي واستقراري النفسي من غير ما أعيش في صراع يومي معاهم؟ وهل في حد فيكم قدر يوصل لصيغة تخليه ينجح ويبعد عن ضغط أهله من غير ما يغضب ربنا؟"❤️🌹

انا شخص معروف في شارعي و حتي الناس في الجامع عارفين مجرد مراهق طيب محترم لكن في نفس الوقت حاسس بالوحدة محدش مهتم يعرفني اكتر كشخص أو حتي كصديق بقيت معتبر ده شئ طبيعي مش علشان انا مقتنع علشان اعرف اعيش طبعا مش قصدي اعترض انا بس مش عارف احدد هل ده عادي ؟

الجزء الاول في أول يوم ليا في الشغل الجديد، كنت حاسس إني غريب وسط ناس عارفة بعض بقالها سنين. كل واحد بيضحك وبيهزر كأنهم عيلة، وأنا واقف على الطرف مش عارف أبدأ منين. لحد ما دخلت القهوة الصغيرة اللي جنب المكتب، وطلبت شاي تقيل يمكن يفوقني. هناك قابلت راجل كبير في السن، قاعد لوحده، بيبص للناس كأنه حافظ حكاياتهم. سألني: "مالك تايه كده؟" ضحكت وقولتله إني لسه جديد ومش عارف آخد على الجو. قاللي جملة غريبة: "الناس كلها تايهة، بس في اللي بيعرف يمثل إنه عارف." كلامه ريحني شوية. قبل ما أمشي، قاللي: "بكرة هتبقى واحد منهم، بس أوعى تنسى إحساسك النهارده." رجعت المكتب وأنا بفكر… هو فعلاً بكرة ممكن أبقى زيهم؟ ولا هفضل طول عمري حاسس إني برّه الصورة؟

هو في واحده ف الدنيا ممكن ميجلهاش ناس و هل ده له علاقه ب أنها معملها حاجه و الكلام ده الدنيا و حشه اوي معايا مع أني مش وحشه الحمد لله على كل حال بس الوضع غريب و مريب اني اقعد كل ده من غير ناس تيجي هل ده يعقل