صعوبة التعبير

انا دايما كل زمايلي مع بعض و انا دايما ببقى وراهم، ماشيين في اي حتة انا ببقى ماشية وراهم و محدش بيلاحظ عدم وجودي او اني مش موجودة. بذات ان عندي مشكلة اني مش بعرف افتح مواضيع مع حد، دايما طرف تالت في اي علاقة، محدش بيسمع رأي، دايما متجاهلني و عندي مشكلة كمان ان لو حد زعلني مبحبش اقول اني زعلت حتى لما بيسألوني زعلتي؟ معرفش ليه مبقولش اني اتضايقت

طول عمري كاتم و ساكت مش بعرف اعبر و مش بعرف اطلع الكلام و دايما برضي بحاجات عشان مجرحش اللي قدامي و باجي علي نفسي حتي لو الحاجة دي انا مش حابب اعملها الموضوع دا مسببلي مشاكل كتير مع اهلي و مع صحابي و عاملي مشاكل نفسية و عاملي مشاكل مع خطيبتي مع خطيبتي عشان شايفة اني كدا معنديش شخصية و اوقات ممكن تقولي كلام بيوجع فالموضوع دا لما بنتخانق

سلام عليكم من الحجات ال معلقه معايا في حياتي نقطة كبت المشاعر مبعرفش اعبر مبعرفش اعيط مبعرفش ازعل مبعرفش اتبسط وابقا مبسوط من قلبي بجد مبعرفش اعبر لحد عن حبي والموضوع دا مدايقني ممكن يكون السبب صدمات طفوله وخصوصآ ان عيلتي مكانتش احسن حاجه وانا صغير انا مش عايز حل حبيت أشارك الموضوع بس🙏🏻

الواحد بيحاول يدور على حد يكون شبهه عشان يحكيله ايه اللي مضايقه و في نفس الوقت يغهمه بسرعة و يقدر ده و يسمع و يحاول يساعد و في نفس الوقت انا مبعرفش احكي اللي مضايقني غير لو اللي قدامي عرف يطلعها مني و اوقات كتير ببقى هموت و احكي و مش عارف حد فاهم حاجة؟

مش عارف اقول ايه وله ابدا منين اول مره اجرب احكي اي حاجه عني اوي مش بي الساهل احكي ديما معروف عني كاتم وديما الي بسمع وبحل وعندي حلول لمعظم المشاكل. بس ده تقريباً شعور الكتمان وكل ده من كتر الكتب الي قراتها بتاعت علم النفس وكدا. المهم انا مش سهل اكلم عن نفسي بس بجد عاوز ارتب حياتي وابدا من جديد في كل حاجة عاوز اكون بجد شخص جديد وناجح. عندي كتير افكار بجد كويسه جداً بس صعبه اني اعملها. حد زي كدا ؟؟!

أنا أظن أن المجتمع هو لي فرض علينا السكوت و الكتمان، أما أنا فأظن أنها سمة من سمات شخصيتي، لا أعبر هن مشاعري و أحب الاحتفاض بأفكاري لنفسي لأنني شخص حذر جدا و من الصعب أن اتحدث إلى الآخرين و حتى لو حدث و تكلمت مع الناس يكون ذلك بشكل سطحي، باختصار ليس لدي شخص مقرب احكي له

انا مبعرفش اتكلم خالص ومبعرفش اعبر عن الكلام ال انا عايزه اقوله دايما ساكته كدا حتى مع اصحابي مبعرفش افتح كلام حتى مبعرفش اعبر بتعابير وشي واحده صاحبتي قالتلي اني لما بقولك حاجه مبلاقيش منك ريآكشن لان انا دايما متعوده اتجلد من اهلي لو عملت ريآكشن غلط بتحاسب على كل كلمه صغيره او كبيره حتى لو جيت احكي ل اخواتي حاجه بلاقيهم قالوا لماما بقالي كتير متكلمتش ومعبرتش أحل المشكله دي ازاي يعني ببقا عايزه اقول كلمه معينه بس مش عارفه بتتقال ازاي ال هو انا عارفه انا حاسه ب ايه من مش عارفه اطلعه على هيئه كلام ودا مخليني انطوائيه وحب للعزله مع اني بحب اني اكون اجتماعيه

أنا أول مره احس اني متكتف كده مش عارف اتكلم كل كلمه بحساب والمكان بقي خلقه ديق اوي والي مصبرني علي كده ومخليني هنا لحد دلوقتي هي واحده بس رغم اني عرفت ناس كتير وكانو قريبين مني جدا بس هي عارفه انها مميزه ومكانتش مصدقاني لما قولتلها ويمكن عشان كده اختفت هي منقبه وعموما أنا موجود هنا عشانك ابقي شوفي المود ، الكلام مش للكل

أنا كنت طفله اجتماعيه قويه وعندي ثقه في نفسي الصراحه ومن وانا صغيره بعرف اتكلم واحل الموضوع من بدايه البلوغ لحد دلوقتي بطبيعة الحال الجسم بيتغير تنمى علي تريقه ٢٤ ساعه خناقات كتيره ،ممنوع ممنوع ممنوع على كل شيء ،واطي صوتك ،لحد ما بقيت انسانه ضعيفه الشخصيه وصوتي دايما مهزوز مش بطلع كتير غير للدراسه حرفيا