صعوبة تكوين صداقات

هوا انا ليه ببقي ديما وحدي. مبعرفش اكون صحاب ولاد او بنات تفكيري بقي بايظ وا بقيت جبان ماشي في طريق مش عارف لي اول من اخر وا كل حياتي خرا ببقي فلبيت لا عارف اخرج من الاوضه لا حد فاهمني ولا انا فاهم حد بحس اني واحد صيني عند ناس افرقي لا هما فهمني ولا انا هافهمهم وا كل واحد ليه عداتو وا تقليدو مش عارف اعمل اي حد ليه حل

جماعه هو موضوع اني مبعرفش انزل اتمشي لوحدي ولزم يبقي حد معايا ده مرض وله عادي نا معنديش غير صحب واحد بس وعطول مش فاضي ومش بعرف اكون صحاب اني نفسي اكون شله ولاد بنات زي الي بشوفهم بس مش عارف بتخلبط في الكلام سوا مع بنت او ولد حلها اي عشان الموضوع ده عملي ازمه نفسيه ومش بحب ابقي لوحدي

حاسه اني غبيه صراحة دا مش احساس دي الحقيقه دايما بعمل تصرفات غلط وبتكلم غلط وسلوكياتي غلط ورد فعل افعالي غلط وكلامي غلط وريأكشناتي غط واختياراتي غلط وانا غلط غير كده معنديش ذكاء عاطفي ...عندي رهاب اجتماعي ...بخاف من فكرة اني اروح مكان جديد في ناس معرفهمش واكون لوحدي هناك ... بخاف من الوحده مابعرفش اكون صحاب .....خبرتي في الحياه منعدمه مبخرجش قد كد ومنكرش اني برتاح كد ....بخاف من الغرباء والناس الجديده دا في الواقع...علي عكس المواقع بنتكلم وبناقش وبتظهر شخصيه غيري تماما ...عارف كد لما تكون بتسلك لحد انا الشخص ده في الظاهر بيبان اني بسلك للناس بس فعلا انا مبعرفش اتكلم مبعرفش افتح مواضيع....في اخر الليل بحضن دبدوبي وانام مبعرفش انام وانا لوحدي بخاف ... مبعرفش اقعد في البيت لوحدي ولو قعدت يبقي لازم اكون كول مع حد ...انا من النوع الي بتجيلي افكار غريبه ان منمتش كويس بكون مهيبره خالص وكل حاجه ضايعه مني الاكل والنوم عندي اساسيات وعند اي حد ده الطبيعي يعني ....خايفه يجي يوم واكون لوحدي فيه ....من شويه اصلا مسكت التاب بتاعي المتهكر وعملتله سوفت للاسف بعدها رجع مش متهكر ودا شئ مضايقني وبس...🥀

معنديش صحاب بلقا ناس كلها عندها صحاب وبتشارك كل حاجه مع بعض بس انا معنديش صحاب بجد وحتا القريبين مني كل حد ف حياته عندهم صحاب غيري معنديش حد اشارك معاه يومي وكله مرتبط عادي مش بلقا حد محرم الموضوع انا مش بدي فرصه لا اي حد عشان حرام بس بلقا اي حد اعرفه مرتبط عادي في حد بيشاركه اهتماته بيهون عليه اليوم

انا كتير لو مكنش دايما ببقى حاسة اني لوحدي مليش حد مليش مكان في حياة حد سعات بفتكر تيا في ميدترم اما قالت لنعومي ان اللي زيها بيتحط في الفريند زون على طول وقتها كانت بتتكلم بالنسبة للعلاقات او الولاد او كدا بس انا دا مش قصدي انا قصدي انا بتحط في حتة المعارف مثلا او صحاب عادي بس البيست فريند او حد ليه اولوية او يتفكر فيه او نسال عليه او نتكلم معاه او كدا (كصداقات مع بنات عادي عشان متفهمش غلط بس) مهما حاولت اقرب من حد او اتعرف على حد او كدا بحس انه مش بيستلطفني او كدا دايما بحس ان كل واحد عنده شخص مفضل فمش محتاج يقرب لحد تاني او كدا فمحدش هيقرب مني او ان انا مش الحد اللي يتقرب منه حاولت كتير اصاحب ناس او اتكلم او اقرب جربت كل الطرق بس فشلت معرفتش خالص لدجة بقيت سعات بحس ان انا مع كل واحد بشخصية تليق عليه يعني اشوف هو بيحب يتعامل ازاي و اتعامل معاه كدا عشان مبقاش تقيلة عليه او يتقرف او يزهق مني او يبعد و اشغل دماغي انه هعمل ريبوست للفيد دا عشان ياخد باله من شخصيتي او كدا و بعدين سعات ارجع افكر نفسي انه لا محدش مهتم ممكن افضل الف في البروفايل عشان افهم بيحب اية و مش بيحب اية عشان ابقى زي ماهو حابب و يلاقي حد شبهه لحد ما توهت توهت وسط كل الوشوش دي نسيت انا ابقى مين في دول حاولت كتير ارجع لنفسي و ادور عليا مش لاقيه فوقت لقيت نفسي لوحدي حتى نفسي مش عارفاني ولا انا عارفاها كل حاجة و عكسها تنطبق و ما تنطبقش عليا حرفيا اعتقد عمري ما اتحبيت بجد او كنت الاختيار الاول لحد سعات ممكن حد ييجي يحكيلي مشكلة عندو او كدا بس بعدها يرجع لشخصه المفضل و دا كمان قليل ما حد بيجيلي كمان

مش حاسس بي امان حاسس اني مشتت و تاية و محدش شبهي و مش بعرف اكلم بحرق سجاير كتير اوي مش عارف احس ان ليا صحاب شبهى موضوع وجعنى انى على مدار حاجةو20سنة انا وحيد مش لاقي حد شبهى الموضوع بيوجع جامد

انا انطوائية وعندي رهاب اجتماعي بخاف من كل الناس عموما ومش بعرف اتكلم مع اي حد والكلام بكون في عقلي لكن مش بطلع خالص ومش بعرف اكون صداقات او اتعامل مع اي حد وكنت وحيدة طول عمري من وانا صغيرة معنديش ولا صحبة وحاولت كتير اتكلم مع الناس بس في النهاية م بيطلع معاي اي كلام ولا مواضيع وانا متضايقة من الحتة دي قوي ونفسي اكون زي الناس عندي صداقات وعندي قبول من الناس مش وحيدة زي دلوقتي

صباح الخير أو مساء الخير عندي مشكله اني مش بعرف اعمل صحاب في الحقيقة و مش بنزل كتير اصلا و اغلب صحابي دلوقتي هما سوشيال و اونلاين حاسس اني لسا مازلت حاسس بالوحده و هل انا شخص اجتماعي و بحب الناس ؟ لا خالص طب حلو بحب الوحده؟ مبقتش عارف ولا فاهم انا بحب الافلام و المسلسلات اكتر حاجه