صغر سن

في مرحلة انفصال (طلاق) سني صغير جدا جدا مش عارفه اشيل من دماغي التفكير في حياتي ما بعد الطلاق عامله ازاي .. انا متفائله بس اوقات كتير بحس كل حاجه هتبقا مقفله في وشي واوقات احس ان لأ هقدر اعيش واحسن كمان .. لو حد عدي بنفس المشكله ياريت يفيدني ( لان مش قادره اقول لاي حد حواليا الكلام دا ) لان القرار دا قراري ....

يعمل ايه الانسان لما يكون حاسس انه خلاص قرب يموت و هو ف سن صغير ومش عارف يشيل الإحساس دا من دماغه و حتي مش بيعمل مثلا حاجه عشان اخرته تبقا كويسه لا خالص هو واقف مكانه بس و مستني مستني ايه مش عارفه

هو مينفعش اعيد الحياه دي من الاول في حجات مش هتتعدل و خلصت خلاص و انتهت عن جهل و صغر سن مني مينفعش اعيد حياتي من الاول بيجيلي الفكره دي كتير اوي مخلياني زي المجانين منا لو اتصرفت كذا زمان مكنتش ابقي هنا منا لو كنت فاهمه او عارفه كانت كل حاجه اتغيرت مش عارفه اعيش الواقع بنهار

انا عندي مشكلة تعلق كبيرة جدا وصعبه جدا ومبحبش لما حد يقولي فترة وهتعدي وده عشان انتي صغيرة عشان انا بقالي اكتر من سنة ونص. انا متعلقة بمدرسه في المدرسة ومبقتش تديني ومش دايما بتعاملني كويس. ده بجد خلاني مكتئبة ومش عارفه اتعايش رغم صغر سني ( ١٣) وبيأثر على دراستي ورياضتي وبجد زهقت ومش عارفه اعمل ايه. مبحبش اقول لحد الموضوع ده عشان فكرة التعلق بمدرسه غريبة اوي بس انا تعبت خلاص ونفسي اعيش حياة حلوة. لو قعدت اقول تفكيري عنها اد ايه و ف ايه مش هتصدقوا. مشاكلي بتاعت ناس كبيرة وعندي كتير بس دي أكبرهم. الحمد لله بصلي وبدعي بس مفيش تغيير. مبقتش قادرة افتح كتاب ولا اذاكر وامتحناتي خلاص قربت. انا مستوايا مشالله كان حلو اوي وكنت الاول على الدفعة بس دلوقتي خلاص نزلت اوي