ضغط دراسة

عندي بكره امتحان صعب جدا ومش عارفه اركز ولا احفظ حاجه ولا فاهمه اصلا خالص بجد دماغي مشتته بمليون حاجه و حاسه اني فاشله جدا وبجلد ذاتي وندمانه اني مبدأتش من بدري و مدايقه اوي مش عارفه اعمل ايه

السلام عليكم ممكن تدعولي أحل كويس في الإمتحان انهارده وإنه يعدي على خير هو عملي والصور كلها شبه بعضها وأكتر من مادة وكله داخل في كله فأدعولي إني أحل كويس والإمتحان يكون حلو وربنا يعديه على خير

حد عنده حل لوجع الرقبة عشان انا شوية وهنهار، كل مرة يكون عندي امتحان وابقى منزلة دماغي عشان اكتب حتى لو لربع ساعه بقعد طول اليوم في صداع و وجع رقبة و وجع في الفك لحد وممكن معرفش انام ولا اتعامل بقية اليوم من الوجع وعملت كمادات ماية سخنه وخدت باسط عضلات وحصل تحسن نص ساعه وخلاص

مبقتش قادر افكر لدرجه اني بقعد بساعه سرحان مبفكرش غير في اني لازم اذاكر و بحاول رغم كل ده و اني اكتر حد شايف تعبي و الي بعدي بيه و مع ذلك مش شايف اي فايده نفسي بس اعمل حاجه صح فحياتي نفسي محدش في البيت يعايرني بحاجه غصب عني أنا بس كان نفسي اعيش زي اي حد بس جيت في الاخر حاسس بذنب و الملامه و قاعد بذاكر رغم اني بطئ جدا و ورايا حجات كتير جدا و وقت قليل نفسي بس اعدي الفتره دي نفسي افرح نفسي محدش يقولي اني قصرت نفسي اعيش فاهمني

مدايق ومخنوق اوي م عارف اعمل ايه انا برجع من الجامعه مرهق نفسيا وجسديا انا مراكم جامد لاني مكنتش بحضر من اول الترم وخايف من أعمال السنه اصلا المواد انا اغلبها إن شاء الله بلمها انا بذاكر بطلوع الروح بس بإذن الله هتتلم انا اول مره احس اني تعبان نفسيا اوي كدا انا في ثانويه عامه مكنتش كدا حد عند حل عشان زهقت

هموت و انام بس عندي مذاكرة كتير انام ولا اكمل الفيزياء عندي درس رياضيات بكرا الساعة 3 لو كملت الفيزياء هطبق اطبق ولا ايه؟ مش عارف بقول كدا ليه بس يمكن حد يفيدني عمتا هموت و انام بجد عايز انام اوي اوي