مش عارف مالي الفترة دي بس حاسس إني مخنوق جامد.
كل شوية بقول هقوم وأظبط الدنيا وأرجع أركز في مستقبلي وشغلي والكورسات وكل حاجة… وبعدها بلاقي نفسي واقع تاني.
بقيت شايل جوايا كلام كتير ومش بعرف أطلعه لحد.
ودايمًا عامل نفسي جامد وقد الدنيا، بس الحقيقة إني تعبت والله.
حاسس إني تايه شوية… لا عارف أبقى مرتاح ولا عارف أبطل تفكير.
ضغط شغل، خوف من المستقبل، إحساس إني لازم أنجح بسرعة وإني متأخر عن ناس كتير، وكل ده بياكل فيا واحدة واحدة.
وأوقات ببقى محتاج حد يسمعني بس، مش شرط يحل حاجة.
حد أفك معاه من غير ما أحس إني تقيل أو إني بكدر عليه.
لو حد مر بالفترة دي قبل كده وعداها، ياريت يكلمني أو يقولي عمل إيه… عشان حاسس إني لو فضلت كاتم كده هفرقع يبرو.
