ضغط شغل

هل من الطبيعي ان اشتغلDental assistant و اكون امسح الاوضه و اجبله مايه و يقولي انزلي خدي الشنطه تقيله مني و اعقم و امسك الساكشن و يمسك ايدي عشان يوريني و بنت من زمان موجوده هناك تقولي روحي هاتي ليا حاجه من من تحت و كمان افضل طول الوقت واقفه وانا مع المريض جوا و دا كان تاني يوم ليا و مفروض المريض بنحطله حاجه عشان ميتغرقش مايه قبل كدا لما كنت شغاله مع حد تاني كان هو اللي بيحط للرجاله وانا لا لكن الدكتور دا بيقولي انتي حطيه و كمان المرتب قليل اوي احتمال كبير همشي من عندهم لو همشي الطريقه الصح اللي اقولهم اني مش هكمل

نفسي ارجع زي زمان بدون صدمات عاطفية بدون صدمات من الأهل بدون ضغط شغل حقيقي حاسس اني تعبان جدا و طاقتي بتستنزف مكنتش متخيل إن ممكن اتصدم في اهلي دي كانت أكبر صدمة في حياتي يااارب قويني على الفترة دي

مش عارف مالي الفترة دي بس حاسس إني مخنوق جامد. كل شوية بقول هقوم وأظبط الدنيا وأرجع أركز في مستقبلي وشغلي والكورسات وكل حاجة… وبعدها بلاقي نفسي واقع تاني. بقيت شايل جوايا كلام كتير ومش بعرف أطلعه لحد. ودايمًا عامل نفسي جامد وقد الدنيا، بس الحقيقة إني تعبت والله. حاسس إني تايه شوية… لا عارف أبقى مرتاح ولا عارف أبطل تفكير. ضغط شغل، خوف من المستقبل، إحساس إني لازم أنجح بسرعة وإني متأخر عن ناس كتير، وكل ده بياكل فيا واحدة واحدة. وأوقات ببقى محتاج حد يسمعني بس، مش شرط يحل حاجة. حد أفك معاه من غير ما أحس إني تقيل أو إني بكدر عليه. لو حد مر بالفترة دي قبل كده وعداها، ياريت يكلمني أو يقولي عمل إيه… عشان حاسس إني لو فضلت كاتم كده هفرقع يبرو.

الواحد بيقعد يجيبها في حاجات تانية ملهاش علاقة بس هو الإنسان بجد بيمر بكمية ضغوطات لا تعد ولا تحصى،ضغط شغل مميت في شغل انت اصلا كارهه و كنت متميز فيه و بدأت تقع حتى الشخص اللي كنت بتحاول تتجاوز ده بشوية كلام قرر بكامل ارادته انه يسيبك فجأة بدون اسباب بدون اي حاجة ايام صعبة اوي والله

عندي احساس اني عايز اشخر للعالم كلو احساس داخلي مبيروحش انا اول مره انزل علي ابلكيشن. ده بس ف حد زي بذات لناس ال مينفعش تشخر ليهم ومديقنك وحارقين دمك ايا كان مديرك ف شغل ناس ال معامله بينك وبينهم رسميه

مشكلتي كلها في حياتي سببها الشغل بشتغل call center في بنك بقالي سنة ونص و الشغلانة مستنزفاني بنسبة 100٪ لدرجة اني دلوقتي جالي نوبة قلق بسبب اني رايح الشغل عايز اسيبه و مش لاقي غيره و مش عارف اعمل ايه هل اسيبه و اقعد في البيت لحد ما الاقي غيره في مقابل صحتي و سلامتي النفسية؟ ولا افضل فيه و نفسيتي تفضل تتدمر اكتر بس في مقابل الفلوس لحد ما الاقي غيره مع العلم اني الحمدلله انا سني صغير 23