طبطبة

انا ولد عندي ٢٧ سنة بعاني من الاكتئاب الحاد والقلق الشديد ونوبات الهلع وافكار انتحارية. ومحتاج مساعدة بجد مش مجرد كلام ديني او كلام تصبير. انا محتاج حد جمبي يفهمني ويطبطب عليا. لو تعرف تساعدني بجد انا هحب ده

اوقات بحتاج اتكلم مع حد وميقولش حاجة يسمعني بس اشوف ف عينه انه سامع وحاسس وخلاص مش عاوز نصيحة مش عاوز حل مش عاوزاي حاجة فيها منطق لان انا جاي عشان محتاج اتكلم مش عشان انت نابغة وعندك كل الحلول وجو اعمل كذا وحاول واستحمل ، كل ده ولا بيفرق معايا واله الطبطبة بتكون كفاية بالنسبالي

عاوز حد يفهمنى ويطبطب عليا لما ابقي زعلان لما ابقي لوحدي لما ابقي مش قادر اعبر عن اللي جوايا هو يسمعنى حرفيا عاوز ونس عاوز حد يطمنى يطمنى انى كفايه ويطمنى انى اقدر على اى تحدى فاقد للثقه للحوليا هو يهتم ويدينى الثقة

السبب الرئيسي ف اني بدور ع الحنان هما اهلي انا عارفه انهم استحملو غلط. مني كتير بس انا كنت عوزه طبطبه مش ضرب كلمه حلوه من بابا بدل ما كنت بشحتها بس لما بيحاول بتغير معايا مش عارفه ادي لبابا الحب الي مفروض اديله🙂❤️‍🩹

هو احنا ليه معندناش ف ثقافه مجتمعنا الطبطبه بين الصحاب الرجالة؟ او ليه بتتشاف إنها من تصرفات البنات أن حد يطبطب علي حد او يحضنه ساعات كتير اوي بحس اني محتاج بس حد يطبطب عليا و يقولي أنها هتعدي بس محدش بيعمل كدا و انا لو طلبت هيبقي الموضوع غريب لاني مش بشوف رجاله بتعمل كدا فبحس اني لوحدي اللي بحس ب كدا فبكتم جوايا أو اقعد اعيط لوحدي اخر اليوم و برضو بحس اني الوحيد اللي بيعمل كدا و أن باقي الشباب مش بتعيط أو مش بتعبر عن حزنها