عالم خيالي

انا رسامة من صغري بس أكتر حاجة كنت بحب أرسمها هى العيون.. وخصوصا رسمة عين معينة كنت بكررها دايما وأفضل أرسمها وانا سرحانة وأكلمها وأحس انها حاسة بيا .. الإنسان لما بيحس بالوحدة بينفصل عن الواقع وانا عمري م حسيت انى منتمية لأى حد ولا لأى مكان مكنتش عترفة المشكلة فيا ولا ف الناس الى حوليا.. المهم انى خلقت لنفسي عالم خيالى بيفتح أبوابة مجرد م أغمض عيني كنت مكتفية بيه جدا وخلقت جواه مشاعر مشوفتهاش ف الواقع .. دا إتسببلى ف تشتت كبير وسرحان حتى وقت المذاكرة بس محدش كان بيلاحظ وكنت بتلام انى بحب النوم بس الحقيقة انى كنت بهرب .. الواقع كان عبئ عليا طول الوقت انا مطالبة بحاجات أعملها ولو معملتهاش بيكون عليا هبئ نفسي ولوم وإتهام بالتقصير.. ف خيالى بس كنت بقدر أتنفس ومن كتر م صدقت بقيت برسم ملامح شخص بقيت مصدقة انى هقابله بس وانا صغيرة مكنتش بعرف أرسم إلا العيون لما كبرت بقيت برسم الوش كامل بس برصو فضل إرتباطى بالعيون.. العيون والرسم والعالم الخيالى بتاعى بقت ذكريات كان هروب بس كنت بحس بمشاعر لطيفة ودافية كان بيبقى عندى أمل انى هقابل صاحب العيوب دى وانى هعيش ف يوم ف عالم شبه أحلامى .. يمكن اديت للدنيا أكبر من حجمها يمكن كان ضرورى أعدى بكل دا عشان أعرف حقيقتها ومبنيش أحلام مبالغ فيها .. يمكن نفسي أرجع للوقت بس الى كان عندى فيه أمل بغض النظر الآمال دى هتتحقق ولالا الشعور لوحده كان دافع إنى أعرف اكمل .. مخى وقلبي كانوا منورين ف عز م كنت ببقى موجوعة او حتى بعيط من جوايا كان بيفكرني بأحلامى وانها هتتحقق ف يوم اننا بس محتاجين نصبر شوية وقت مش أكتر.. شوية الوقت بقوا عمر طويل لدرجة انى حسيت كأنى إتنسيت وبقيت أنا الى ببعد عن كل حاجة ببعد عشان مشوفش او أسمع حاجة ترجعلى أملى تانى .. حتى العيون بطلت أرسمها