عدم دعم

عندي مشكلة عويصة في ردود الناس عليا نزلت بوست عني اني وحيد وبلا بلا بلا وكنت اعرف بنت وقاطعنا بعض والكل ساب كلامي كلو وبيسأل انت تعرفها من الابب ؟ هو انت عندك كان سنة ؟ انت اسمك اي ؟ انتو مرضى يجدعان ؟ واحد بيقولي انت ٣٥ سنة وبتكلم واحدة من هنا و و و عايز يلبسني تهمة شكلو ربنا يهديكو وبطلو تحرش بقا الله يستركو

كل يوم كرهي لامي واهلي بيزيد دايما تنتقد اي حاجه اعملها عمرها ما شجعتني ابدا علي حاجه بحبها حتي لما بحاول ابدا مشروع بتكون اول واحده تحب فيا وتتريق عليا عمرها ما كانت داعم ليا في ال حاجهو

بقالي سنين عايش في إكتئاب مش عارف اخرج منه .. ابسط الحاجات الي الناس بتعملها بطريقة طبيعية بتسنزفني انا .. بتصعب عليا نفسي اوي لما ابص على حياتي المفروض كانت تبقى فين و بقت فين .. عمال اغيب من الشغل و حرفيا مش مهتم اية الي يحصل .. حاسس ان الاسوء حصل.. عايز اعيط و ارمي دماغي على كتف حد من غير تنظير و من غير ما يقولي المفروض تعمل كذا أو تحل بالطريقة الفلانية .. ببص ورايا مفيش عيلة ولا في حد دعمني ولا في حد خد باله اني موجود .. كلهم بيقولوا انهم بيحبوني بس هما السبب في كل ده .. مش قادر استحمل دماغي و ضغط الأفكار الي فيها .. مش قادر ابقى طموح زي الاول