عدم راحة

بقي عندي مشكله اليومين دول وهي إني م بحب اروح مع اهلي اي مكان ومش حابه ادخلهم حياتي ولا اخرج معاهم بحس بخنقه وعصبيه وم ببقي مرتاحه معاهم بقول لنفسي يمكن بسبب كل اللي بتشوفيه ف البيت واللي بيحصل قدامك وفعلا اكتشفت ان دا ليه اثر كبير ولكن مش عارفه اعمل ايه وهل انا كدا حد م كويس اني فعلا بتخنق منهم وم عايزه انزل معاهم فيه حد زيي؟

انا بجد بجد بقالي فتره كبيره فشخ محستش اني مبسوطه، عارفين الانبساط او السعاده اللي بتبقي نابعه م القلب دي، انا بجد بقالي كتير موتت محستش بيها، الفتره اللي فاتت دي جربت حاجات جديده كتير يعني نزلت اشتغلت فتره وقعدت ونزلت روحت اماكن جديده مروحتهاش قبل كدا، يعني يُعتبر جددت شويه حاجات ف حياتي وبرضوا مازلت م عارفه اوصل لمرحلة السعاده او الانبساط، وم مرتاحه كدا، حاسه بالي دايما مشغول او ان ف شعور كدا بعدم الراحه ملازمني

حاسه اني زعلانه ، كدا من غير اي سبب مش مرتاحه و حاسه ان المكان مش مكاني رغم أن انهارده كان يوم جميل اوي و عيلتي كلها كانت موجوده ،بس برضه جوايا حاجه ناقصه بس حاسه اني عاوزه ابقى شخص انضج و اكبر بسرعه عشان اخلص دوري ف الدنيا وارجع لربنا

عندي احساس قلق شديد بقالي اسبوع او اكتر ومش بحس براحة غير لما اكلم حد ممكن افقد الشغف في النص بصراحة بس معنديش حد اكلمه دلوقتي وقاعدة منتظرة الطبيب وقدامي ساعة مش بشئُط ولا قصدي اي ئلة ادب والله هو بس عايزة اتكلم

لسة عندي بكرة بردو امتحان و ما فتحتش المادة و تعبانة اوي نفسيا و حاسة ان قلبي واجعني اللي هو عدم راحة مش تعب بجد و مش قادره خايفة اوي عايزة حد يحضني للاسف خاسة اني رجعت تاني لمراحل من الاكتىاب كنت فيها و بردو مش قادره اعمل حاجة و بقيت مش قادره اسرح شعري او اعمل السكين كير تاني اه علي الانطفاء و التعب ده يارب مش قادره اذاكر ولا اعمل اي حاجة ولا قادره اتحرك من السرير هحاول انام و ان شاء الله اقدر افتح المادة بكرة و اخلصها ادعولي

انا مش مرتاح عموما في حياتي انا بحب شغلي اللي بعمله بشكل خاص وهو ده اختياري ولكن مش ماشي زي ما كنت مخططله حياتي الزوجية نفس الكلام يعني أنا نفسي ابسط كل اللي حواليا بس مش عارف انظم فلوسي وحياتي