عدم رغبة

بتعملوا ايه وقت الزهق بجد؟ الزهق اللي هو الزهق والاحباط وكلههه يعني انا حرفيا قدامي حاليا مسلسلات اشوفها ولغة اتعلمها وشطرنج العبه وكتب اقرأها، ودي اكتر حاجات بحبها اصلا، بس اللي هو لأ مش عايزة زهقانة منهممم حرفياا وف نفس الوقت مش عايزة اذاكر ولا اعمل حاجة مفروضة عليا او كده عشان مليش خُلق. ف هل كده انا بستعبط ومحتاجة شبشب ماما؟ ولا فيه حد زيي وعنده حل 🤡؟

كل حاجه مش مظبوطه مش عاوزه اذاكر مش عاوزه اعمل حاجه عاوزه اعيش في فراغ في الشعور دا من اخر اسبوع في رمضان عارفه أن دا غلط بس مش عاوزه أخرج منه و عاجبني بس ضميري مش سايبني الامتحانات أقل من شهر بجد مش عاوزه اتحرك عندي تبلد غريب

هو عادي مهتمش بدراستي انا في ٢ ثانوي عام مش عاوزه اذاكر مش شايفه فايده من اللي بعمله دا معرفش حاجه عن المنهج بتاعي و مش بذاكر مش فارقلي هجيب كام فارقلي اعدي و بس مش بذاكر مش عشان انا فاشله بس عشان انا شايفه فعلا انها ملهاش لازمه بالنسبالي و بضيع وقت علي الفاضي بحس اني متقدره نفسي اطلع بيزنس ومن و عندي فكره مشروعي متحمسه اوي اخلص ثانوي عشان هحس ساعتها اني فعلا بقرب من حلمي و شغفي لاكن دلوقتي حاسه اني مش لاقيه نفسي ماشيه ورا القطيع و خلاص

هو عادي نكون فقدين الشغف ف كل حاجه مش عايزه اعمل اي حاجه حتي الفون زهقت منه مش عايزه حد يحكي او يسال حتي عليا زهقت من كل حاجه بحاول ارجع طاقتي بخرج وارجع مثلا تاني البيت يجي نفس الخنقه دي حتي من اهلي مش عايزه اكلم حد فيهم ولا صحابي ولا اي حاجه بعيط كتير دايما ضلمه وحابه الوحده اوووي مع اني ماكنتش كده

المفروض الواحد يعمل ايه لما يكون مخنوق من كل حاجة ومفيش اى مكان جديد اقدر اروحه ومفيش حد انزل معاه حاسس بخنقة اوى من كل حاجة حرفيا ومش عايز اعمل اى حاجة

انا تعبان اوي يجماعه حاسس هيجرالي حاجه مش عارف فيا اي بقالي فترة كدة ضغط لا يوصف والله مليش نفس للاكل والشرب مليش نفس اعمل اي شئ ياريت لي يشوف الكلام ده يدعيلي ربنا يصلح حالي مش عايز اكتر من كده فضلاً.