عدم مسامحة

رغم ا أكيد حياتى فيها مواقف بشعة كتير بس فى موقف فالمواصلات بجد بيزعلنى كل مفتكره وبتحمق ومش مسامحة بجد 😂 مرة مكنش معايا كاش كان فاضل آخر حاجة شايلاها للمواصلة وكنت هسحب لما انزل واللى معايا طلعت متنفعش مقطوعة وانا مش واخدة بالى والسواق مرضيش ياخدها موقف محرج طبعا وكنت هقوله نزلنى وخلاص احنا اصلا فالاول وانا هتعامل .. المهم حد ورا قاللى هاتيها انا همشيها عادى واكدت عليه قاللى ايوة والله ..وادانى بدااها وانا اخدت الباقى من السواق عادى جدا المهم كان بقاله نص ساعة بيبرطم فالتليفون ومتدايق من حد انا مش مركزة انا ونازلة لقيته هو وصاحبه باصينلى عملت فلاش باك اتاريخ اخر حبة بيتكلم عليا وقد ايه انا قليلة الذوق كان مفروض ارجعله البافى واقدره والتانى قاله شكلها مش محتاجة قاله عارف بس فى تقدير وبتاع كل دا والله انتبهت انه عليا بعد منزلت والواد عديم المروءة كان بيتكلم بصوت عالى وفرج العربية كنت مهمومة بجد مخدتش بالى ساعتها كنت عرفت اتصرف انا تصدقت عنه بأضعاف المبلغ بكتير ومش مسامحاه فعلا يعنى

مش مسامحه في اي حد اذاني في يوم من الايام مش مسامحه اللي عشمني و اذاني في الاخر مش مسامحه في اللي اداني امل في الحياه وبعدها خذلني مش مسامحه حد كسرني مش مسامحه في اي حد اتكلم عليا وحش مش مسامحه في اللي ناس اللي اذوني و فكرين اني انا اللي اذتهم و عيشين في دور الضحيه لو هما هيدخلو النار بسببي علي الذنب اللي اذوني بيه برضو مش هسامح مش مسامحه في اي حد خلاني انام معيطه و وصلني لي الحاله دييي

لسه شايف فيديو عالفيس لشخص بيدعي علي صاحب الشغل عشان اكل حقه وبيدعي عليه بالخراب وكده افتكرت وانا عندي ١٠ سنين نزلت في الاجازة اشتغل مع واحد واتفق معايا عالمرتب وكده واخر اليوم اكل عليا نص فلوسي وانا فاكر اني قولتله انا مش مسامح ومشيت من الشغل والمشكله انه كان مبلغ عبيط جدا بالنسبه ل اللي بيدخل للمحل ..اكل عليا ٣٠ جنيه ايامها 😂😂 بس ولله ما مسامحه فيهم لاني ساعتها كنت محتاجهم جدا جدا المحل ده قفل بعد الموقف بتاعي ده بسنه تقريبا مش عارف بقا مصير الراجل ده ايه بس فعلا انا مش مسامحه ومش راضي عن اللي حصل ...بتكلم ليه دلوقتي ؟ حسيت اني عايز احكي الموقف ده معنديش حد يسمع

انا بنت كنت مصاحبه واحده كنت دايما بجيبلها هدايا و كل ما اجيب هدايا تعاملني حلو فا أستغربت فا اتخبرتها و بطلت اجيب بقيت تعاملني مش وحش بس مش زي الاول فا انا اتخانقت منها فا اتخانقت معاها و لما اتخانقنا قالت كلام عمري ما قولتو ونا مش مسمحاها علي اي كلمه كدب قالتها فيها و في مره سلفتها فلوس التعامل الحلو رهيب حسيت بدفع في فندق عشان اعرف اعيش كان نص دفعتي بيقولولي دي تربيتها غير تربيتي فا انا كنت بقول لا محدش يعرفها كويس وهي كانت معندهاش صحاب فا قولت حرام تقعد لوحدها مش بحب حد يحس بشعور الوحده انا بكون مدايقه والله فا كانت بتشتم عارفه انو دلوقتي مفيش حد مبيشتمش خالص انا بشتم . بس انا أخري خرا و بحسها عيب لا هي كانت بتقول ألفاظ مش بسمعها غير من ولاد في الشارع متخيلين و بحد الان انا قطعت معاها عشان مش ناقصه وجع دماغ وآلله و صحابي لما يجيبولي سيرتها بقول مليش دعوه مش عاوزه اعرف اي حاجه عنها بس انا مش هسامحها خالص مهما عملت بس دايما بيقولو بقيت متكبره اكتر و اكتر

هل طبيعي اني قلبي يبقي قاسي لدرجه دي ،مبقتش عارفه اسامح و اكره الشخص الي قدامي من اول غلطه حصلت بينا،مع اني مكنتش كده و كنت اطيب من كده و بسامح عادي ولا بعدي عن ربنا هو الي قسى قلبي لدرجه ديييي