عدم وجود أصدقاء

انا حاسس ان انا وحيد مش وحيد أهل بالعكس أنا اهلي قريبين مني وبالذات امي يعني انا ممكن لو نمت ف نص اليوم امي تيجي تطمن عليا تفتكرني تعبان ولا حاجه بس الفكره اني معنديش صحاب وده حوار مدايقني جدا ومش عارف اتخطاه ديما بحس أن انا مش مهم لما بتكلم علي جروب الفصل محدش بيرد عليا اصلا ولا أكن رسالتي مكتوبة بالحبر السري ومهمي حاولت اقرب من حد بردو مفيش حد عايزني بقيت حاسس ان انا غير مرغوب فيا أو ان انا عمر م حد هيحبني يعني مثلا انا اخويا محبوب في جامعتو مع انو لسه ف سنة أولي كلية بس عندو صحاب كتير وهمي الي بيقربو منو وكل الي هناك بيعملولو 1000 حساب سعات بقعد اقول ايه الي فيا مخليني مليش حق اني يبقي عندي صحاب ومحدش يقولي سنك عشان كل الي ف سني عندهم صحاب عادي انا مفيش حد معبرني حتي لما بحاول املي بيخيب اكتر لما بقول ابدأ انا وابعت لحد من صحابي بدايق لاني بحس انو بيرد علي قد الكلام أو مبيسألش تاني ولما بحاول اتكلم علي الجروب مثلا يمكن يعملولي حساب أو ياخدو بالهم اصلا اني موجود بس مفيش فايده انا بجد حقيقي تعبت وكل م افكر ف الموضوع اقول عادي فيها ايه ياما ناس كتير معندهمش صحاب فيها ايه انا عندي نعم كتير وبردو مش عند كتير يبقي الحمدلله وانا والله راضي وبحمد ربنا علي كل شئ بي انا نفسي يبقي عندي صحاب أو حتي بلاش صحاب ، صاحب واحد علي الاقل اي حد موجود مهتم بيسأل بيتطمن عشان كده بحب اوي اوي اروح المدرسة عشان بحس ان كلهم عارفني وكلهم بيعملولي حساب واني ببقي مبسوط طول الوقت وبهزر واضحك علي طول د انا حتي ساعات باخد التابليت معايا ولما بتبقي حصه فاضيه بشغل فيلم ونتفرج عليه انا وصاحبي بس بره المدرسة محدش بنتكلم بس لما انا ابعت لواحد فيهم فاهمني الفكره اني مش بروح المدرسة غير نادرا الي هو ف الامتحانات بتاعت الشهر وبس

انا مهندس 32 سنة ومعديش اصحاب ومش بااقي حاجه بعملها وكنت اعرف ناس بس بيطلعو مش سالكين مع الاسف وناس مش حلوه من جوة وكنت اعرف واحد بيسأل اسأله كتير اوي ومش سالك ولئيم وخبيث مع الاسف 87 في المية من الناس مبقتش سالكة ومىش حلوه من جوه

جماعه هو كل معرف شخص بتعلق بي جدا حتي لو لسه اول مره نكلم معرفش ده عيب فيا وله ميزه وغير كذا لو اكلمنا اكتر من يوم ممكن اتعلق بيه جدا وأحبه كمان من غير ميعملي حاجه للعلم نا معنديش صحاب وله بكلم مع حد عنده حل

انا بعيط كتير بالليل بسبب ان معنديش حد ولا عندي صحاب ومش بحس اني وجودي فارق مع حد بحس لو اختفيت محدش هيحس بيا ولا حد هيفرق معاه انا عمري ما حد بعتلي حتي ازيك ولا حتي قالي مره كل سنه وانتي طيبه

ازاى ممكن نتغلب علي شعور الوحده لو معندناش صحاب أو حد قريب نشاركه جزء من حياتنا وازاى الواحد يتبسط لوحده وهو شايف كل الناس عندنا ناس الا هو ودايما حاسس أنه منبوذ أو محدش مرتاح لوجوده عشان كدا بطل يتعامل مع حد بس بردو بيفضل يفكر ليه معنديش حد قريب اقضي معاه وقت بدل ما انا دايما لوحدي

في اسباب كثيره في حياتي خلتني ما اقدرش بالرغم من كده انا مش بحب الوقت ما بحبش اعيش لوحدي واتكلم لوحدي يعني طول حياتي انا كنت قاعد لوحدي وده مش تعبير مجازي دي حقيقي انا ما عنديش اخوات وبالنسبه للقرايب فعندي ولاد خالي الاثنين اصغر مني ومش من نفس المكان اللي انا قاعد فيه حتى المعارف اللي هي اقل بكتير من الاصدقاء ما عنديش منها يعتبر سؤال ان انا دلوقتي في النادي انا باجي كتير بس طبعا ما بقدرش اكون اي صداقات يعني . بما ان النهارده شم النسيم كده فالنادي في ناس كتير جدا في نفس المكان اللي انا قاعد فيه عائلات بقى واصدقاء وغير الحاجه اللي انا حاسسها ان انا مش عايز امشي حاسس ان انا فرحان بالرغم ان انا مش قاعد مع حد انا قاعد لوحدي بس بمجرد ان في ناس حواليا من كل حته حاسس فرحانه بجد مش عارف بقى منطقي ولا لا

ماعرفتش اعمل صاحب واحد من ساعة ماجيت الدنيا دي، ولا حتي في معارف او قرايب عدله، ماعنديش غير ابويا واخواتي وعلاقتنا مش الي هي برضو بس الوضع يمشي يعني، الموضوع مش فارق اوي في العادي لأنه دا وضعي من بدايه حياتي فا واخد علي الوضع ومتأقلم، بس لما بفكر وبحسبها وببص حواليا بزعل الصراحه، الي هو ليه الواحد مش من حقه حاجه زي دي يعني، بس بقول عادي برضو اهي ماشيه وادينا عايشين مش مشكله، بس للأمانه انا مش لاقي لحياتي معني ، مجرد عايش وخلاص

اني معنديش صحاب او حد احكيله علي اللي جوايا مع ان حواليا ناس كتير في الجامعة و community كبير حتي من وانا في المدرسه فضلت طول عمري احاول اكون صاحب واحد عمري ما عرفت انا مش انطوائية بالعكس اجتماعية جداً بس مفيش حاولت كتير مش بلاقي هل العيب فيهم ولا العيب فيا حاولت دايمًا بحس اني مكروه من كل الناس حتي اهلي حته نفسي ياما مواضيع كتير كان نفسي حد يبقي فيها معايا ملاقيتش حد فبضطر اكتم حتي اهلك المفروض يكونوا سندك مفيش ده هما سبب المشاكل اللي انا فيها من الطفولة

عندي مشكلة أن انا معنديش صحاب خالص ومتصحبتش غير علي واحد وهو عنده بيست فريند وانا بحب الشخص ده لدرجة اني بدأت افرض نفسي عليهم بس قولت مينفعش وبعدت وحصل مشاكل بيني وبين مامته وبقينا بنتقابل عادي بس كل صحابه كرهوني وانا معملتش حاجه لحد فيهم وطول الوقت لوحدي وحاسس أني مش هعرف اكون صحاب تاني وزهقت من النصائح وبقيت بسهر لوقت متأخر والدنيا بايظة معايا معني زمان كان عندي صحاب كتير لكن فجأة كل بعد عني

بقالي اكتر من ٣ سنين بحاول افهم انا ليه من ونا صغير مليش صحاب يعني انا عملت ايه للناس طب انا مختلف فاية اصلحه طيب حرفيا من الحضانه لحد الان اهو في الكلية ومفيش حد يعتبر صاحبي اه كان عندي ناس قريبين بس صحاب ونخرج ويفتكروني في خروجات لا محصلش انا قولت خلاص هعدي ال٢٠ وهكون كبرت ومش محتاج ولا فاضي لصحاب،طلع الاسوء ان عشان اعمل اي حاجة في حياتي لازم معارف والصحاب اسهل واسرع حاجة عشان المعارف بس انا مفيش خالص كنت بكدب نفسي لما اقول اني انطوائي، بس طلع انا اه مبحبش الخروج والفرهدة بس قعدة البيت خلاص هتجنني لدرجة اني اتشجعت مرة وطلبت من اهلي نخرج فعلا ابويا خرج معايا مرتين وبعدها هو كمان مبقاش حابب يخرج تاني معايا قررت اروح جيم حرفيا اعرف كل اللي هناك بس ان حد يكون قريب ليا ويحسسني ان ليا ونس في الحياة لا طب انا مالي يا جدعان انا فعلا طيب جدا وبحب اساعد الناس ومش قلبي اسود ولا بكره الخير طب مالي

هو انا عايز اعرف ايه المشكله مش عارف اتعامل معا الناس وفي وحده ديما هل انا عندي اكتئاب ولا هو في ايه نفسي يبقا ليا صحاب واحب واتحب واعيش يعني مش كأني عايش في جبل لوحدي فا هل انا ممكن يكون عندي حاجه زي اكتئاب مثلا مخليني ساكت علي طول ولوحدي