عربية

العربيات كانت رخيصة وانا اتعولقت ومشترتش حاجة بسبب حوارات كتير ملهاش لازمة كانت شغلاني .. دلوقتي رجعت تغلي تاني .. و المستعمل كله تجار حرامية .. غير اني مش خبرة ف المجال و خايف يضحك عليا .. ــــــــــــــ سبب تصميمي علي شرا العربية هو اني حاسس ان فيه بنات مبتكملش معايا بسبب أن مفيش عربية .. هما مبيقولوش كدا بصورة صريحة طبعا .. بس حسيت اخر مرة اني قليل ف عنيها بسبب الحوار ده .. كدا كدا محصلش نصيب معاها .. بس انا مش عايز احس الاحساس ده تاني .. خاصتا أن سني كبر نسبيا ولسة مرتبطش حتي

اقسم بالله انا مقهورة العربية اتجرحت اليوم وهي مركونة وهي زيرو واختي مانعتني اسوقها عشان انا مش كويسة زيها ونقلناها جراج بعيد شوية عشان تكون في امان وفي الاخر اختي تقول انها مش عايزة العربية وعايزة تبيعها عايزة اقول لفظ ابيح يعني ايه بجد؟ كل الناس عندها عربيات او يعني اللي نعرفهم، كل الناس عندهم اماكن للركن، كل الناس مبسوطين بحاجتهم، كل الناس بيعرفوا يسوقوا او عندهم حد متفرغ ليهم ويعلمهم ولو عندهم مشكلة يساعدهم في حلها الا احنا اول مرة احس اني محتاجة بابا عشان معندناش حد يساعدنا ولا حتى اللي ممكن نديهم فلوس ومحدش بيتمنى لنا الخير انا اسفة لو الكلام يبان عبيط وانفع.الي بس معنديش حد اكلمه ومتضايقة ومش عارفة ايه الحل ومش عارفة ازاي احس بشعور احسن