عشم

ازاى الانسان يبطل عشم يعنى ازاى الحاجة دى كل مره بتاذينى و انا ارجع اعشم نفسى تانى انها المره دى هتتغير و تبقى احسن ز ترجع تاذينى تانى دايرة مفرغه مش عارف اطلع منها مع اول لمحة عوده مبقدرش امسك نفسى

حاجه ديما بلاحظها في حكمه بتقول لا تعطي الجزره قبل العصا ونا في الجيش ديما كل ٣ شهور في دفعه عساكر جداد أول ما يوصلو يتعاملو معامله قاسيه شويه ال هيا فتره التدريب ديما أسأل ليه بيحصل كدا في ناس متستاهلش المعامله دي لحد ما عسكري قديم اووي رد عليا قالي لو محصلش كدا مش هتلاقي عساكر هتلاقي عيال ومش هتعرف تمشي اومر على حد فهمت وقتها إنه عندو حق يمكن يبان ظلم بس كان عندو حق انك ديما متعاملش اي حد انتا لسه عارفه بطبيعتك المسالمه لازم يعرف انه مينفعش ويفهم انك ممكن توقفوا عند حده في أي وقت عشان بالعاميه العشم بيقلب بغشم

اخوكم لسه طالع من موضوع دام ٨ سنين ومع الأسف العشم كان واخدني بزياده لدرجة ان اوقات بحس اني داخل ع جلطه من كتر التفكير والقهر من تنميل وتعب بقالي اربع شهور تعبان جدا والدنيا وقفت وسيبت الشغل واحيانا بتجيلي رغبه ب اني انهي كل التعب دا مبقتش مستحمل ف لو حد مر بنفس التجربه دي يريت يفيدني ويقولي عدي ازاي

بس عاوزه اقولك انها مش سايبة يعني قبل ما قبل ما تفكر انك تمشي وتسيب شخص بعد ما عشمته وعلقته بيك فكر بجد مليون مرة قبل ما تعمل الخطوه دي علشان هي هتتردلك فيك او اقرب حد ليك ربنا شايف كل حاجه ربنا شايف انك دخلت حياته وعشمته بيك وعلقته بيك وطمنته وفجاه قررت انك تمشي بدون اي اسباب هو انت مفكر انك عادي كده خلاص يعني كاجوالي هتمشي لا شوف اي اللي هيحصل... وبس

‏صباحو متنسوش تمارين خفض التوقعات في البشر مرتين كل يوم صباح ومساء عشان كنت لسه بشتكي وأختي قالتلي و انت ايه اللي وداك للـ High expectations احنا هنا كلنا في ال Worst case scenario ف its ok يعني فهمت أن العشم وحش 😭🦆

بنتخطاها عادى بعد سنة ولا اتنين تلاتة عشرة حتى ... بس اللى صعب تتخطاه ( إحساس انك كان نفسك يحصل و ماحصلش) .. عشمك في أن حاجة معينة تكمل او تكون ليك و مابقتش بيفضل معلم جواك و احيانا بيخليك زاهد في الدنيا ..ما كدة كدة اللى عاوزه مش ليك ف تعوز ليه اى حاجة !؟ او تبذل مجهود و فى الآخر تخسرها برضو !! مع الوقت نظرتك للحاجة بتتغير و بتقول اى ده ماهى عادية اهيه مش واو زى ما كنت فاكرها !! بس فكرة (انا كان نفسي و ماوصلتش) ..( انا سعيت و مانجحتش )هي ابشع ما فى الأمر 💔