علاقة رسمية

بتعملوا اى بعد ما بتطلعوا من ريليشن مش فاهمين سبب انتهاءها وخصوصا انها كانت رسمى وبتحسوا انكم تايهين اوى بتتصرفوا ازاى او بتقللوا احساس الذنب اللى جواكم وانكم ممكن تكونوا السبب ف داا؟

يعني ايه تكون العلاقه ما بين الاب والام ب أولادهم علاقه رسميه ، يعني ايه لما اب يشوف حد من أولاده ف طريق غلط ما يقعدش معاه ويصارحه وينصحه يعني ايه لما احس اني مخنوقه وقلبي مكسور ما اقدرش اجري علي بابا أو ماما واترمي ف حضنهم واعيط أو اشتكي ، طبعا ما اقدرش اقول ف حقهم حاجه وحشه هما حبايبي حنينين جدا جدا بس ما عندهمش طريقه التفاهم دي اللي هو انا جنبك معاكي وهفهمك علي اي حال العلاقه اللي فيها صداقه دي وقرب يا تري كله كدااااا زي حالتي دي ولا عندكم اب وام بيفهموا وينصحوا ب الراحه ما يسيبكمش ل دماغكم ، وقت الضيق والخنقه بتجري عليهم وتلاقي فعلا عندهم الكلام والفهم والراحه النفسيه . انا ف ايام بتعدي عليا حرفيا ممكن ما نتكلمش مع بعض أو نتكلم ب الصدفه دي حتي عنينا ممكن تتلاقاش مع بعض قد ايه قلبي واجعني . كان نفسي حد منهم يفهمني ، ي بخت اللي عنده اب او ام صديقه بيفهمه زي ما هو .