علاقة مستحيلة

(لو سمحتم أي حد يشوف البوست ده ميردش غير لو كان مجرب فعلًا ومر بحاجة شبه كده وكان عنده نقطة تحول حقيقية في حياته، عشان بجد محتاجة أفهم الموضوع ده بيتحل إزاي. مش أي حد داخل يفتي أو يقل أدبه أو يقول كام كلمة محفوظين وخلاص... فليقل خيرًا أو ليصمت. 🤍) بعد ما عيطت وبوظت الدنيا وكتبت بوست عريض عن إني وحشني الإكس... رجعتله زي العبيطة. 😂😭 بس المشكلة مش هنا. المشكلة إني طول الوقت حاسة: وبعدين؟ إحنا إيه أصلًا؟ ومسمانا إيه؟ بس الحقيقة إن المشكلة عمرها ما كانت إننا مبنحبش بعض. المشكلة إن في حاجات كنت شايفاها أساسية في حياتي ومستقبلي، وحاجات صعب أتنازل عنها وأعيش عمري كله حاسة إني مضغوطة أو قلقة بسببها. ويمكن لو كنت لوحدي كنت هجازف وأقول أجرب، لكن كمان أهلي كانوا رافضين، وكان عندهم مخاوفهم واعتراضاتهم اللي مقدرتش أتجاهلها. فبقيت حاسة إني متعلقة بين حاجتين موجعين. وجع إني أكمل وأنا مش مطمنة ومش عارفة مستقبلنا رايح على فين، وخايفة بعد سنين ألاقي نفسي دفعت تمن تنازلات كبيرة مقدرتش أستحملها. ووجع إني أبعد عن شخص بينا عشرة وعيش وملح وذكريات ومواقف حلوة كتير، وشخص كنا فعلًا كويسين سوا وبنحب بعض بصدق. وده اللي مخلي الموضوع صعب. لأن لو كان شخص وحش أو مؤذي كان القرار هيبقى أسهل بكتير. لكن إزاي الإنسان يمشي من حياة كان فيها حب ومودة وذكريات حلوة، مش لأن الحب خلص، لكن لأن الواقع كان أصعب من إن الحب لوحده يحله؟ لأن بالعقل إحنا مينفعش نرجع نكمل علاقتنا ولا نتجوز بسبب نفس الظروف ونفس النقط اللي كانت سبب الخلاف من البداية، والحاجات دي لسه موجودة ومتغيرتش. وبحس إني مهما حاولت أقنع نفسي بغيره أو أدي فرصة لحد تاني، عمري ما ارتحت مع حد زيه. قعدت شهور طويلة جدًا بحاول أتخطى. طنشت. شغلت نفسي. دخلت نفسي في مليون حاجة. حاولت أتعامل بمنطق. بس الحقيقة إن الموضوع كان صعب بشكل مرعب. لدرجه وصلت مرحله صعبه جدا وخلتني ارجعله... فسؤالي للناس اللي كانت فعلًا في نفس الموقف: إزاي قدرتوا تتعاملوا مع حب شخص أنتم متأكدين إنكم بتحبوه، لكن في نفس الوقت متأكدين إنه مينفعش يكون شريك حياة؟ وإزاي الواحد يعدي المرحلة دي من غير ما يفضل واقف مكانه سنين؟

انا بكتب ليكو الرسالة دي قبل ما انام انا بحب واحدة اوي اوي و انا هي مستحيل نكون لبعض و كنا سيبنا بعض فترة و رجعنا تاني هي بتحبني كمان لكن عمرنا ما نكون لبعض مش عارف لا انساها و لا استغنا عنها و لما كنا بعاد عن بعد كنت بتعزب دلوقتي بقا يجيلي ضيق تنفس كل ما اقعد لوحدي بقيت مبسوط و خايف حاسس اني مستهلش اتحب زي الناس حاسس اني مش هتجوز و لا افتح بيت حاسس اني مليش نصيب في حاجة ولا في حد انا تعبااااان اوي

عارفين احساس انكم متعلقين بحد اوي و عايزينه اوي و بتحبوه اوي لكن كل حاجة تمنع انكم تكملوا مع بعض هي اصلا علاقة مستحيلة وانتوا معترفين بده و محشورين في situationship مش مفهومة بس علشان تكونوا مع بعض عارفين بقي احساس انكوا تكتشفوا ان الشخص ده كذب عليكم في حاجة فبقيتوا بتشكوا فيه شك مش طبيعي و مش عارفين ايه في كلامه كان حقيقية و بعدها ده يتبعه موقف غير ملهوش تفسير حرفيا غير انه الشخص ده ممكن يكون بيستغلك مع انه ما استغلكمش عارفين بقي احساس ان انتوا لسة مش عارفين تبعدوا و مش عارفين تكرهوا الشخص ده عارفين بقي كل ده وانتوا عارفين ان الشخص ده مضغوط و طالع عينه بس بردو عايزينه جنبكم و عايزين تبقوا جنبه بس هو عايز يفصل من كل الناس و بيعمل تصرفات مش مفهومة بوست ملهوش لازمة سلام عليكم يا شباب

بتنسوا شخص كان قريب منكم و كان بيحكيلكم كل حاجة و حتي لما بعدتوا علشان حرام طول الوقت بتفكروا فيه و علاقتكم مستحيلة انها تكمل او تكون اخرها جواز الوضع صعب فعلا و مش قادره ولا عارفة انسي و بروح ابعتله و بتبسط بكلامه بس عايزة ابعد و في نفس الوقت عايزة اقرب

العيد ده عشان نحس بيه لازم يكون في حد بنحبه وبيحبنا موجود في حياتنا ، وانا في ناس كده موجوده في حياتي بس البت دي بالذات كنت عايزها تبقي موجوده رغم ان احنا مش مرتبطين ورغم أنها منفقبه وملتزمه ورغم أنها متجوزه عرفي ، لكن كان فيه حاجه غريبه دايما بينا رابط خفي ولا انا ولا هي فاهمينه ولسه عندي امل نتقابل تاني