عيد

دنيا زحمه و مواصلات و كله بس انا نفسيي اخرررج انا من ضغط فضلت اعيط بجد و بقالي شهور مخرجتش و فرصه اجازة العيد بتضيع اهي فعايزه انزل بس بكره الزحمه خصوصا لو مش امان و هروح فين و مع مين صحابي مش عاوزين ينزلوا و اهلي تعبانين بفكر انزل اتمشي لوحدي

العيد جه لا اتخطبنا زي اللي اتخطبوا ولا خرجنا زي اللي خرجوا ولا راجعنا للاختبار زي اللي راجعوا ولا عارفين ننام زي اللي ناموا لله الامر من قبل ومن بعد اشعر بالملل والزهق والغضب وقليل من الاستفزاز [ربنا يسعد كل الناس ]

بتعملو ايه لما تلاقو الدنيا جايه عليكم والحزن مقطع قلبكم واهلهكم حاطين عليكم حتي العيد بالنسبة ليا نكد وعك بقيت حاسس البيت سجن كل يوم ونا راجع من الشغل بقول اهو ررجعت السجن تاني ولو حد من اهلي رن عليا بقول يا ساتر عايز ايه دا

شعور ان العيد بقا يجي ومحسش بيه دا شعور محزن جداً يمكن عشان دا خامس عيد يجي ونا بعيد عن اهلي.. مش عارف بس هل دا بيحصل عشان الواحد كبر ولا اجواء العيد اختلفت حتى فمصر..حد حاسس بكدا ولا هو انا لوحدي؟

يجدعان هو ليه الاب بقى عباره عن مشاكل مفيش حد بيشارك حاجه حلو او يحكي موقف حلو الناس كلها بقت زعلانه كدا ليه (مش غريب انك تلقي اني كمان عشر دقايق بحكي مشكله من اللي حابسهم في راسي😂😂) بس مش مهم المهم ننبسط ومتنسوش ان دا عيد يخواتي وعيدكم مبارك

العيد بيجى وإحساس الوحده أو عموما هو اى مناسبه بتبقا محتاج ناس حواليك بتيجى مرهه واحده تحس انك لوحدك وانك عشت سنينك كلها عالفاضى وانت مكسبتش فيها صحاب ولا حبيبه ولا حب اهل وبتحس أن كل حاجه مقفله

دائما بحس أن كل ما يجى مناسبه أو عيد بفتكر انها كانت معايا فيوم وخانتنى وكمان كانت خينانى وانا عارف وبتحلف بتحبنى لوحدى ولما واجهتها بالدليل منكرتش بل.قالت معملتش حاجه غلط وده براحتى بدام لسا مجتش تتقدم

انا بكره العيد ، من وانا صغير وانا عمري محبيت العيد عمري م اختارت لبسي عمري م اختارت حلقه شعري عمري م خدت عديه لنفسي او عيديه تكفي اجيب اي حاجه نفسي فيها ، وكنت افضل اتذل واتعاير بالحاجات العره الي جاتلي ف كرهت العيد حتي لما كبرت لسه مفيش صحاب بفضل قاعد اربع ايام العيد لواحدي ف اوضتي مبجبش لبس جديد عشان بقيت حاسس انه خلاص الحاجه لما مبتجيش فوقتها بتبوخ مفيش حاجه بتفرحني ف العيد مش دا العيد الي بيقولو عليه العيد فرحه طيب فين الفرحه حتي الي كان نفسي فيه اني ابقا مع زوجه بتحبني صعبه صعبه اوي والله يجماعه صعب اتجوز اشبه بالمستحيل فقدت الامل بس ميأستش من رحمه ربنا بس نفسي افرح نفسي في حاجه تفرحني بجد انا مش عايز اعمل حاجه حرام هو دا بجد جزائي ؟!

هو في حد زيي ولا اي انا مقضيها نوم حرفيا في العيد مش حاسه بالعيد خااالص ومقضيها نوم ومهما بنام بحس اني عاوزه انام اكتر🙂🤡عمتا انا مش حاسه باجواء العيد خالص 🙂🤡 ــــــــــــــــــــــــــــ

ممل اول يوم العيد مميت حرفيا 🙂 جماعة بتعملوا ايه في الوقت دا بدل النوم لاني مبعملش حاجة من الصبح غير النوووم ومش عارفه اعمل ايههه بتقضوا وقتكو والملل دا ازاي في العيد🙂 ززززهههههققققققتتت

بتعملوا ايه وقت صلاة العيد او بعد الصلاة ، بتروحوا فين ومع معين ؟ لو انت لواحدك معندكش عيلة او اصحاب بتعمل ايه في العيد.. ايه الأنشطة الي ممكن تعملها او بتخرج ازاي وفين وبتعمل ايه ؟ او عموماً حتي لو مش عيد ؛ لو انت لواحدك إزاي ؟

بما انه عيد لحمه ومفيش عيديات (انا اللي بعيد) ف معيدتش الا على البيت بتاعي بس وحاسس اني رئيس جمهوريه او رجل اعمال او ثري ثراء فاحش زمان وانا صغير كنت بقول هو الكبار بيفرحوا لما يدونا فلوس واكتشفت انها بتفرح احسن ما تاخد والله ف ربنا يكرمني يارب بشغل انضف ويرزقني واخلي عيدية اني ١٠٠٠ بدل ٢٠٠ ااه والعيال الصغيره عملتلهم توزيعات بدل العيديه كل سنه وانتوا طيبين ويتم التجهيز لحجز كوره كمان ساعتين ما الدنيا حلوه اهي يجدعان حبوا بعض 😂

صباحوااااا لسه صاحيه كنت مطبقه روحنا صلينا العيد وجيت نمت المهم هو فين العيد🙂🙂🙂 بجد يعني هو فين🙂 حسه يوم عااادي ولا فيه اي حاجه اه حسه بحبه هدوء شويه بس يعني فين العيد بتاع زمان ونروح لجدتي والجو دي ممكن الحاجه الوحيده الي عدله اني خدت عديه😂😂 يلا كل سنه وانتوا طيبين يا حبايب💗💗

وبعدين بقي في الكابلز الي ف كل حته دول مش عارف استمتع بأجواء العيد لوحدي ، يعني انا لما كنت صغير كانو الكبار الي بيرتبطو ولما كبرت بقت كلها عيال طب ايييي أنا فاصل يعني في النص ، ياريت نوزع م الاول يا جماعه عشان في ناس معاها كتير وناس معهاش خالص ، ولا اروح انام زيكو ف البيت وخلاص

يا عيني كل واحده مع كتكوتها وكل واحد مع كتكوته وانا وحيد الغريب ان حياة الكتاكيت حلوة لما جربتها كانت حياتي ماشية ولما رفضتها مش عارف اي الي حصل بس انا ف نص بنطلوني وانا بكتب هنا 😂 وفي يوم العيد كمان الغريب اني صليت ومش عايز اقابل حد ودي مش عادتي بردو مش عارف انا مالي بصراحه 😔😔

صباح الخير عيدكم مبارك بإذن الله وكل عام وأنتم بخير الإنسان حزين ومن ساعة ما صحيت النهارده معملتش أى حاجه وحاسس بحزن ووحده وأمور كتير وذلك بسبب مشاكل عندي فى البيت وما إلى ذلك ومضايق ومش عاوز أعمل حاجه العيد ده. مع إن ده مش من عادتي وأنا فى العيد بتحرك وبروح أزور لكن العيد ده أنا حزين جداً للأسف

كل سنة وانتم طيبين الواحد يعمل ايه لو عايز يخرج في العيد وينبسط بس مش لاقي حد يشاركه ولا يقاسمه فرحة العيد دي ازاي الواحد ممكن يبسط نفسه في مناسبة زي دي ؟ وهل الواحد يقدر يبسط نفسه فعلا ولا ايه ؟!

"العيد دايما بيبقى فرحة ولمة وحركة، بس السنادي ربنا قدر لي قدر تاني خالص.. بقالي فترة بمر بوعكة صحية شديدة جدًا بسبب جلطة في رجلي، والوضع صعب ومؤلم لدرجة تزهق، والتعب مخليني مش عارف أعيّد ولا أعيش حياتي الطبيعية، ومقيد الحركة تمامًا. المرض اختبار صعب، والإحساس بالعجز في وقت زي ده بيبقى تقيل على النفس.. أنا داخل هنا وسطكم بطلب منكم الدعم والسند بالدعاء. محتاجكم تدعوا لي بالصبر والشفاء العاجل، لعل دعوة بظهر الغيب من شخص ميعرفنيش بس حاسس بيا تكون هي السبب في إن ربنا يرفع عني البلاء ده ويشفيني. ادعوا لي ربنا يربط على قلبي ويشفيني شفاءً تاماً لا يغادر سقماً.. شكراً لكل حد هيقرا وهيفتكرني في دعائه، وعيدكم مبارك وسعيد عليكم وعلى حبايبكم."

كل سنه وكل اخواتي طيبين عيد سعيد عليكم يا اخواتي كلنا اخوات في الوطن اتمني وبدعي من كل قلبي ربنا يجبر بخاطر كل حد انكسر بخاطرو ربنا يعوضكو يارب وتفرحو والعيد الجاي يبق محققين كل الي نفسكو في اخوكو المسيحي

والله ياجماعة انا كان نفسي افرح زي الكل بس مش عارفه محدش سايبني افرح كلهم ضددي وكأنهم بيتعمدو يضايقوني علشان بيحبو تعاستي اروح بكرا اصلي العيد لوحدي ولا اصليه في البيت وخلاص اتمنى الكل يرد عليا🙏

محتاج اتكلم وافرغ مشاعري بتاعت العيد ديه بحب ادي أوامر صعبه واوردرات كتير ولما ما تتنفذش بحب اعاقب الشخص ده ولازم ينفذ العقاب بحاول اهدي نفسي من الموضوع ده بس بحس نفسي عنيف اوي ومش عارف اعمل ايه

بكرة العيد يا عيال 😡😡 قالبينها نكد ليه افرحوا واتبسطوا وقيمزا شعائر الله نفسي مرة اخش الآب هنا ملاقيهوش كله نكد (رغم اني منكد على نص اللي هنا وقارفهم بمشاكلي) بس بكرة العيد وممكن نفصل يوم عادي وبعد كدة نكمل نكد

انا ف العيد مش عارفه ليه مود الحزن بيمسك فيا الوقت دا بذات بحس اني زعلانه ومش مبسوطه ولا حته متحمسه ولا بحس بحاجه اللي هو عادي مش فاهمه ليههه. بس انا حالياً عايزه اعمل اي حاجه اشغل وقتي فيها عشان منمش واقدر انزل ل صلا"*ه العيد وياريت اقتراحات معقوله عشان مقعدش اندب حظي والموظ الحزن ال انا فيه دا🙂

حتي في العيد لوحدي عايش في لعنة انا زهقت و بجد فكرت في كل حاجه حلوه او وحش بس مش لاقي حاجه تخليني اكمل في العذاب ده عقابي الوحيد اني عايش حتي الكلام أو حد يسمعني هبقي علي كويس كلهم استوعبت أنه مفيش فايده

مش عارفة ليه مود النكد بيجي في العيد و يشتغل.. بس بجد أنا حاليا عاوزة اعيط اوى.. دخلت اقلب في جيمناى و لقيت الجملة اللى كنت بتعلمهالى، لسه فاكرة نطقك ليها.. Ich liebe dich ❤️❤️ يمكن لو انت موجود هنا و شوفتها تعرف انه أنا، بس بجد مش عارفة اقول اى غير انى لسه موجوعه و عاوزة اعيط.. ((هلال و ***)) ..B..

من العباده انك تظهر الفرح والسرور ف العيد حتي لو كنت مهموم وزعلان والدنيا مش مضبطه معاك ف كل حاجه. يارب يجعل ايامنا كلها عيد متحملش نفسك فوق طاقتك… انت مش مسؤول تصلح مشاكل العالم. انت مسكين، ولو عرفت تصلح حياتك و تعمل مسؤلياتك تبقي حلو جداً

السلام عليكم عاوزه اسأل سؤال الاول و ليه لما انزل بوست عادي محدش بيرد عليا و لما انزله بريڤت بتردو عادي؟؟ مش فاهمه بصراحة طبعاً انا لما بلاقي محدش بيرد عليا بمسح البوست (بحس بالإهانة) 😀 طيب دلوقتي انا مش عاوزه اطلع مع صحابي بكرا هما هيروحو يصلو و يقعدو مع بعض و كدا بس انا لا مش عاوزه و المشكلة انهم بيخدوني بالعافية و انا حاسه اني الايام دي معنديش طاقة للبشر و بصراحة مش طايقه حد هو عامة انا مش بحب عيد الاضحى اوي مش بحسه و بحس عيد الفطر احسن بكتير معرفش ليه و اه يا ريت محدش يقولي مالك 🥰 الا لو هو عاوز يتبلك 🥰🥰 و طبعاً اخيرا كل سنة و انتو طيبين و كدا محدش يستظرف برضو 🥰 يا رب البوست يتقبل 😀😀

اول حاجه كل سنه وانتوا طيبين و يارب دايما تكونوا كويسين و مبسوطين بلاش حد يزعل لو هو العيد ده لوحده انزل لوحدك عادي و روق على نفسك يا باشا مينفعش نبقى معتمدين على الناس ان دول اللي وجودهم معانا هما اللي بيخلونا نحس اننا مبسوطين و اتعلموا تتبسطوا وانتوا لوحدكوا عشان مش كل الفترات في حياتنا هيكون حوالينا ناس ممكن في اي لحظه نبص حوالينا منلاقيش حد ولا حتى حد يقولنا كلمه واحده ولا يطمن علينا و حاولوا تستمتعوا و تعملوا حاجه بتحبوها حتى لو مش هتخرجوا اعمل اي حاجه بتحبها او حتى بتفرق فمودك و لو واحد في الميه ❤️

الانسان محتاج حد معاه .. الرحلة فردية مؤلمة و دايما احساس ان فيه حاجة ناقصة .. محتاجين حد يفرح معانا و يزعل معانا و يشجعنا و نشجعه .. كان عندي شخص لمدة قصيرة و دلوقتي لوحدي تاني.. نتمنا نلاقي شخص و احنا ف ايام عيد كده و ربنا يسهل.. ان شاء الله خير

كل سنه وانتو طيبين ياخواتي وينعاد علينا جميعاً بالخير يارب مع اني مخنووووووووووقة جامد 😡 بسبب اني ملحقتش انزل اجيب سبلايز العيد ولبس العيد بسب الزفت الامتحاااااااااانااااااات😡😡😡 بس هحاول اعدي الموضوع وأبسط نفسي😔

كل سنه. انتم طيبين اولا انا عندي مشكله مع الرهب الاجتماعي لدرجه اني خايف اروح اماكن زحمه في العيد علشان متحطش في أي موقف احتكاك و محرج و كدا. بما أن لازم 150 حرف فا ممكن نقول انا نفسي اكل شاورما دلوقتي مثلا

انا الوحيده الي مش حاسه بعيد ومش حاسه بفرحه اصلا ومليش نفس أعمل حاجه او أجيب حاجه حتي الروتين بتاع اي عيد مليش نفس أعملو ولا حتي خطط هروح فين في العيد هو ده طبيعي ده حتي الفون مبقاش ليا نفس أمسكو هل انا كدا انطفيت وايه الحل ملحوظه بصلي وقريبه من ربنا جدا وبدعي كتير بس مش عارفه في ايه

كل عام وانتم بخير وعيد سعيد 😇✨ كنت حابب اتكلم عن نقطة وهي إزاي بتقنعوا صحابكم بالخروج زي يوم العيد وغيره 🥲 بحاول اقنع صحابي إننا لازم نتطلع ونتبسط ونخرج بس حرفيا الموضوع صعب 😑 والصراحة الهدف إني حابب يكون عندي ذكريات لطيفة علشان الماضي كان مؤلم وقاسي جدا 🥲 اي حلولكم واقتراحاتكم مع العلم جربت كتييير اطلع مع نفسي وأخرج بنفسي لوحدي وأبسط نفسي بنفسي حسيت اني بضحك على نفسي وفعلا الموضوع مع صديقك أو رفيق بيكون احسن وأحلى فهل أنا صح ولا احساسي كان غلط 🙂

ازيكو يا اصحابي الفواكة ١-كل سنة وانتو طيبين ٢-بنعمل ايه في اكتئاب العيد؟؟ كنت متعود اني ببقا مبسوط دايما في العيد و دا بيخليني احزن علي نفسي دلوقتي لان حياتي مش في احسن فتراتها خالص وانا معنديش مشكلة مع دا وبحاول احله بس انا مبقتش حمل الشعور البردان بتاع العيد دا اتمني الاقي عندكو حلول

ينفع المشكله اللي بسبب العيد اللي قرب ده نتحصل ومش لاقي ليها حل بسبب مشكله كبيرة في العيد كنت مرتبلها بس مش هلحق اتصرف فيها والعيد قرب كمان والموضوع صعب اوي بجد ياريت الاقي حل للموضوع العيد ده و وقفه العيد

كان نفسي يبقي عندي اسره كبيره زي اللي ف المسلسلات دي نتغدي سوا و نقعد نحكي و نتكلم و نعرف اخبار بعض بس يظهر ان الواقع غير كل واحد في ركن مع نفسه حتي لو حاولت اعمل صوت ولا اتكلم مبلاقيش غير رد فعل ضئيل احساس انك ملكش حد دا وحش اوي من احد اسباب كرهي لاجواء العيد اني معنديش عيله نزور بعض او عندي بس برضو كل واحد واخد جمب انهارده عيط علشان اخلي ماما تقعد معايا بدل ما افضل قاعده لوحدي برضو ادتني ضهرها و نامت كالعاده

حد زهقان نلعB صرAحه من أجمل الأعياد اللي بنستنى فيها الربيع، بنخرج ونستمتع بالجو ونقضي وقت حلو مع العيلة والأصحاب. يوم بسيط بس مليان فرحة، وأكل مميز زي الفسيخ والرنجة والبيض الملون 🌸 كل كام وانتم بخير

الحياه بتفرض عليك دايما تكون وحدك يومين عيد وكل الناس اجازات ومبسوطين ووسط اهلهم والي بيحبوهم والي جاب لبس العيد والي بيرتب لخروجات وانا لواحدي محدش رن اتصل عيد او اتكلم بشتغل في العيد يعني حتي العيد مكتوب الشغل فيه كل الناس هتقول متاخد اجازه شغلي مينفعش في اجازه لي علي شان اغلب الي شغالين زي وانتو فهمتو طيب اي شغلي منا لو قولت هاخد حظ الظروف بقا تمام الحمد الله مستوره ومش مديون واله عيني مكسوره بس الاتنين اجتمعو عليك الحياه والظروف بقيت بس تصحي تشتغل تنام تصحي تشتغل تاني وكل ده بيبقا تحت مسمي اي بقا اعمل حاجه لنفسك ومقارنات بقا من الي قلبك يحبها شوف فلان شوف علان وانتا بس نفسك تعيش الواحد مش بيحسد الي معاه عربيه او فلوس الواحد من كل ده بقي يحسد الي فاضي وبيتبسط وبيتفسح ويعيش حياتو وشبابو اما انا والي زي تشتغل وبس ومتصرفش كمان يقولو عليك مبزر او مستهتر فا هيا دي الحياه يمكن كلامي اعمق من مجرد مشكله ويمكن محدش قال كلامي قبل كده شوفتو فرق كلامي وكلامكم ازي وياريت عاجب برضو بتهاجم ويطلع العيب فيا

من المواقف اللي عمري ما تخطيتها ولا عارف اتخطاهي و عمري ما حكيتها لحد لانها مسببة ليا اذي كبير اوي من زمان انا حاليا ٢٥ سنة و الموقف دا حصلي و انا عندي ١٦ سنة كان عندي صحاب و اتفقت معاهم يوم العيد نخرج كلنا سوا في مكان ما نزلت من البيت رحت للمكان دا و لما رحت هناك ملقيتهمش كلمت واحد فيهم بسأله انتو فين قالي بالحرف بصراحة محدش حابب انك تقعد معانا رحت مروح تاني عالبيت مكسور معرفش العيب كان فشخصيتي ولا فين ساعتها بس من وقتها و انا مش عارف اتخطي ولا ناسي منظري و انا واقف مبسوط عشان هقابلهم و اكتشفت انهم كانو صحابي بس انا مش صاحبهم 🙃

مبقتش طايقة حد ولا عايزة اتعامل مع حد خالص و خاصة العيلة كل حكاويهم مشاكل و اكتئاب و نميمة و يعيبوا في بعض لما نفسيتي تعبت و اكتئبت و بقيت شايفة الدنيا سودة ده مش بعيد يكونوا بينمو و يعيبوا فيا انا كمان بس المشكلة أن في كذا حد فيهم اتعود اني أزوره من وقت للتاني و اوده و منهم اللي وحيد و اللي تعبان على اد ما اللي تعبان ده صعبان عليا و مش عايزة اسيبه في عز تعبه على اد ما اتخنقت من الشكوى و السواد اللي في حياته و العياط مبقتش عارفة اعمل ايه حتي السؤال ع الواتس بقى تقيل و يخنق لدرجة اني مزورتش حد خالص في العيد

اهلي كل يوم اصحي ع صريخهم ابويا كل شويه بيضرب امي بقيت اكره البيت والقاعدة فيه معنديش حتي طاقه لنفسي اعدي بيها كله فوق دماغي ابويا ع طول منكد علينا حتي يوم الوقفه كنتت مبسوطه اوي اوي لاقيته نكد علينا فضلت قاعده متوتره وزعلانه لحد تالت يوم العيد طب لي م الاول كل د بجد

عيد سعيد عليكم... بتعملوا اي ف الحياة اوقات العيد لو مش ف بلدكم؟ اجواء العيد هنا معدومه واشتغلت اليوم دا كأنه يوم عادي لدرجه في واحد شغال معايا قالي انت ازاي مسلم وجيت الشغل النهارده!! انا بقيت تايه ومشتت مابين متعايش مع الوحده والانعزال الي فيه دا وبين أن أتعامل اكتر مع الناس واعمل صحاب الي مر بتجارب زي كدا يعرفني🖤

أعمل أي لو في بنت حبتها ونا عندي 18 سنه و هي كان عندها 17 سنه و سبنا بعض بعد خمس شهور مع بعض بس قبل ما نربط كنت بحبها اصلا و مكناش بنتكلم و حرفيا بعد ما سبنا بعض أنا مش عارف انسي أي حاجة عمري ما نستها نفسي اكلمها تاني الفكره ان كل سنه بشوفها مره في العيد اجباري و حاولت اكلمها 4 مرات خلال الفتره من ساعه ما سبنا بعض لحد دلوقتي لقيت كلمها تقيل. مختلف خالص عن زمان بس فعلا أنا مش قادر حاولت اصاحب ناس تانيه ولاكن دايما هي الي فبالي أعمل أي بجد (هي سابتني عشان بتقول الكلام بين الولد و البنت حرام ) ونا موافق ع كلمها ده ولاكن احنا مكنش بنعمل أي حاجة غير الشات عمري ما فكرت اقولها حتي هاتي رقمك او اكلمك كول عشان ده بنسبالي حاجه متنفعش قوليلي أعمل أي عشان فعلا تعبت مش عارف افكر في أي واحده غيرها هي خدت كل حبي حرفيا و كل لما اشوفها كل سنه مره في العيد برجع للصفر تاني

لو انا اتكتب عليا الوحدة أعمل اية ابويا منفصل عن والدتي من وانا عندي سنتين، امي اغلب الوقت في الشغل وعايش لوحدي، عمري مدخلت علاقة في حياتي، معنديش خالات، معنديش عيلة حرفيا عيلة امي عمري مشوفت حد فيهم، عيلة ابويا كل واحد في وادي وبرضو معرفهمش حتى ليا عم وعمة توفوا وعمري مشوفتهم، ساكن في عمارة أغلبها فاضي ومفيش جيران صحابي قليلين والعيد قضيتو لوحدي أو في الشغل ويعتبر معنديش حد أخرج معاه لما باجي أخرج بتكون كلها صدفة حد مثلا جاي منطقتي يقولي انا جاي فاستقبله أو العكس بعد شغل حد يقولي تعالا نقعد على القهوة فاروح نقعد ساعتين وشكرا لكن معنديش الناس اللي أخرج معاهم على طول. حاولت كتير أدخل في علاقة مجال شغلي أغلبه رجالة للأسف باجي ساعات الاقي بنات تطلب مني مساعدة ويدوني رقمهم ويسجلوني أسأل انتي عندك كام سنة ألاقيها اكبر بسنين ومتخرجة وانا لسة بدرس دراستي بعيدة عن محافظتي ساعتين ونص ومش بروح الا على الامتحانات وبرضو اغلب الكلية رجالة. اعمل ايه العيد كان صعب أوي أوي عليا كله مع صحابه وقرايبو وانا حتى أبويا مقاليش كل سنة وانت طيب يا حبيبي، بشوف كله بياخد عداية إلا أنا مليش حد يقول كل سنة وانت طيب حتى، بقيت مخنوق من الموضوع ده وبتكلم فيه كتير ومليت انا بدرس واشتغل زي اي حد لكن لوحدي. تفكك أسري دائرة اجتماعية صغيرة أهلي ميعرفوش حتى انا شغال فين ولا اية مقر شغلي ولا اي حاجة. زهقت من كتر الوحدة معرفش أنا عملت اية عشان أبقى كده وكل محد يعرف انا شغال اية يستغرب ازاي شغلانتي دي لوحدي رغم أن أساسها العلاقات بس انا لوحدي ممكن اصحى اه الاقي 10 رسايل بس كلها في الشغل من أشخاص مختلفين ولما أكون في إجازة ملاقيش أي إتصالات ولا حد يسأل، بلاقي على الناس مصاحبة بعضها من أيام ابتدائي إلا أنا مش فاكر حد ومش معايا أرقام ولا اسماء متذكرها، بقى نفسي اني اخش في علاقة عشان اعوض الحرمان ده حرمان عاطفي وجفاف وتفكك أسري مش طبيعي وبقيت ازهق وأغلب الوقت يا في الشغل يا على القهوة لوحدي.

مش عارف بصراحة حاسس ان العيد مش عيد اوي يمكن لاني في تالتة ثانوي بس طول ايامه مكنتش مستمتع مع اني خرجت يجي خمس مرات و حاسس برضو بكتأب بس عمتا مش عارف اعمل ايه في المتراكم عليا حد هنا في تالتة.؟

العيد ده عشان نحس بيه لازم يكون في حد بنحبه وبيحبنا موجود في حياتنا ، وانا في ناس كده موجوده في حياتي بس البت دي بالذات كنت عايزها تبقي موجوده رغم ان احنا مش مرتبطين ورغم أنها منفقبه وملتزمه ورغم أنها متجوزه عرفي ، لكن كان فيه حاجه غريبه دايما بينا رابط خفي ولا انا ولا هي فاهمينه ولسه عندي امل نتقابل تاني

انا مشكلتى الوحيده انى وحيد بس مش أسمى وحيد انا صفتى وحيد ومليش ونيس ومحتاج ونيس اكمل باقى حياتى معاه وفى الحلال مع العلم أن النهاردة عيد وانا وحيد ومحتاج افرح زى باقى الناس نفسى افرح

اول عيد احس بوحده اوي . بعيط كلهم نزلوا معدا انا علشان العذر . زعلانه من حاجات كتير و مفيش حد حاسه انه قريب ليا لدرجه ان احكي و ارتاح وكده مش عارفه دي المره الكام الحس فيها ان حياتي ملهاش قيمه بسبب الاكتئاب و نفسيتي ادعولي بلسانكم فضلا

جماعه هو لما يكون مفيش حد اصلي معاه العيد هل حقي ازعي واكتئب؟ انا شاب عندي عشرين سنة والدي مسافر وامي واختي راحو مع صحابهم مع نفسيهم وانا مش حابب اروح لوحدي وسيناريو كل مره بيتكرر ابص من الشباك عالناس اللي رايحه تصلي وهي فرحانه انا زعلان جداً والله العظيم 💔

مضايقة اوي بجد اني مش فرحانة بالعيد و حاسه اني فاقدة الشغف في كل حاجة بجد بكره كده و رجعت تاني بسلك لكل صحابي و بسمع منهم و اواسيهم و اخدهم على قد عقلهم و مش بقول لحد على مشاعري عشان هي كده كده مش هتتقدر ولا هتتفهم و ممكن اتذل بيها بعد كده بجد و مستوايا الدراسي وقع تحت الارض و دي يمكن الحاجة الي كانت بتميزني بقيت ضايعة فيها و مش عايزه يوم النتيجة اشوف الكسره ف عين والدتي هي متستحقش مني كده و رجعت متقبلش شكلي مع اني كنت بحبه اوي بس لما لقيت الدايره الي حواليا مختلفة حسيت اني مختلفه ب حاجه وحشة يعني و بضيع اي حاجه من ايدي ب غبائي بجد مش عارفة اعمل ايه

الشخص الوحيد اللي نفسي اقضي معاه العيد ااهت مني و مش عارف الاقيها. هلاقيها هنا او في اي مكان؟ المهم الاقيها. ياترى بتدور عليا زي ما بدور عليها ولا كنت فترة وراحت لحالها؟ لازم هي اللي ترد و تقولي

اكتر وقت هتحس فيه بي الوحده في الوقت داا ان الناس كلها حوليك بتظط وتفرح فين اول يوم العيد وي انت مش عرف هتعدي اول كام ساعه لي واحدك انتي لوحدك من زمان بس المره دي احساس وحش اوي بذات لو اول مره..

بتحسوا بالعيد ازاي وباباكم مش موجود وفي ناس تانيه بتتحكم فيكم تروحوا فين وتصحوا امتى وتاكلوا ايه وكللل حاجه بالتحكمات حتى قولت مش هجيب لبس عيد بس هجيب بيجامة اي حاجه تفرحني حتى دي اترفضت احس بالعيد ازاي بجد؟

اول عيد من غير تيتا حاسة مش قادرة اعدي او اتعامل مش عارفة افصل دماغي مش عارفة اوقف عياط بجد هي وحشيتني اوي بس مش قادرة اتقبل بجد موجوعة اوي مكنش فيه غيرها مش عارفة ابقي كويسة بجد انا بكره الفقد بكل انواعه عارفة انه سنة الحياة بس مش عارفة اتعامل 💔

والله لو تعرف صعبان عليا قد ايه ان يمكن العيد يكون بكره و منبقاش مع بعض ليه تخلي قسوه قلبك تغلب حبك ليا ليه تخليني اشك في الذكريات و كلامك اني مش بهون تسيبني زعلانه اهوا سبتني زعلانه محتاجه وجودك ليه حسستني انك باقي و مبقتش ليه جيت من الاول