غباء

لما الشخص يكذب عليا ويخدعني ويفكر اني غبية مش هعرف أو اني بحبه لدرجة اني هتغاضة عن الأمر. أو لما نكون في نقاش ويقلب الطاولة عليا ويبقى مستني مني الضعف والخضوع. دول تحديدا هي مرة حتى لو روحي في الشخص اتخلص منه هو وروحي معاه

يعني هي لما دخلت اولي اعدادي كنا مع بعض و كانت مرحلة جميلة جدا في حياتنا و عيشنا كل ايامها و حلاوتها و لما دخلت اولي ثانوي كانت معايا و فرحت جدا لما عرفت ان مدرستها جنب مدرستي و كنت بشوفها شبة يوميا تقريبا في سنة اولي ثانوي او كنت بخليها تمشي مع اصحابها بدري لو انا هتأخر في المدرسة عشان الولاد اللي بتقف قدام مدرستها و عيشنا مرحلة الثانوي مع بعض و لما نور عيني كبرت و بقت طالبة تعليم عالي في المعهد كانت معايا و كنت بوصلها لأمتحانتها و بطمن عليها بعدها و اطمنها قبل الامتحان و طبب عليها لما تطلعلي من الامتحان زعلانة انها معرفتش تجاوب سؤال ولا اتنين و تفضل تعيط او تطلعلي بتضحك و بتتنطط زي الطفلة ام ١٣ سنة اللي عرفتها من زمان و اخدها افسحها و اروحها بس النصيب و القدر و غبائي خلاني مكونش معاها و هي بتتخرج و وهي بتبدأ مرحلة الشغل و جه واحد خد دا كله علي الجاهز و عياله هياخدوا حلاوة عيونها مش عيالي انا

اه منك انت يا كداب قاعد تقولي كله تحت السيطرة ومش فارق وعادي ايون ايون بتيجي حاجات كدة عبيطة تبينلك قد ايه انت عايش في حالة إنكار كدة، موقفينك ورا ازاز وقاعد تتفرج على نفسك وعلى حياتك وانت مش فاهم حاجة ومش بتتدخل وكل حاجة بتتضاعف حالياً وانت مش فاهم التضاعف دة حصل امتى وليه، بس هوو حصل بسبب غبائك مش اكتر❤️

عندي مشكلة وهي الغباء اللي الواحد بيواجهه يعني لما أقول لواحد صاحبي حاجة بتاع خمية وتلاتين مرة ويكرر نفس الغلط بنفس الأسلوب وأأكيد عليه موتت وبردو حاجة قمة الاستفزاز يعني والله منهم لله

بقيت انسان باهت بطريقه مرعبه باهت ملامح وباهت مشاعر وباهت في ردود الافعال وبجد مش فاهم ايه دا ابسط مثال اخويا قعد ع التابلت كسره وتصليحه الف ونص وانا كنت برا وهما حكولي ع اساس ازعل وبتاع وانا مخدتش اي رياكشن دوست ع الباور لقيته فتح سيبته وسكتت بعدها بيومين تلاته كنت بشرب نسكافيه في مج انا شاريه ليا واخويا فتفته حتت وانا مخدوش اي رياكشن برضو لميت الازاز ورميته وخلاص حاجات كتير اوي بقيت هادي بغباء وصوتي واطي وقليل كلام كنت مشيل نفسي مسؤوليه مش بتاعتي وفوق طاقتي حاليا وحصل النهارده اللي مكنتش عايزه يحصل امي فضفضتلي ومن ساعتها وانا اللي كنت ناوي اشيله ضاعفته عشان اعوضها وخنقه رهيبه بقا الله المستعان

اغلب الاحيان اتندم اكتب هنا على التطبيق الي امر فيه بيني وبينها لكن الي حصل لي اخر مرة حساس الى ابعد ابعد حد وبرضو حصل واشعر اني ح اتندم ان تكلمت مع اي احد حوله وبجد هوة غباء اني اريد اشاركه مع الناس لكن فقط عندي رغبة اسمع ايش ما ادري و هو بسبب هذه الرغبة الغبية انا نزلت التطبيق

اشفق عليهم بشكل عقليه قويه جدا فاكرين ان هم اذكاه جدا قدروا يوصلوا للي ما حدش قادر يوصل له ابدا بالرغم ان هم بس لو شغلوا مخهم وشافوا هم بيصدقوا ايه وبيكذبوا ايه هيزعل على كل لحظه كانوا فيها اغبياء وفاكرين ان هم اذكياء

انا بتعصب من الناس الغبية و الناس الكسلانة اووووي بجد يعني الموضوع بجد بيحسسني بضيق تنفس مش طبيعي و صداااااااع من كتر ما ببقا عاوزة اصووووت ف وشهم ابقا بتكلم مع حد و بقوله ساعدني ف كذا مثلا و هو فاتح بؤه و متنح لي .. حرفياً بروح ماشية و مخلصة اللى عاوزاه عشان مش ناقصة جلطات 🫩 هل الموضوع يخلص هنا تؤتؤتؤ الغباء بيزيد طرديا مع عصبيتي من الشخصيات الغبية كل ما اتعصب كل ما يطلع قدامي شخصيات اغبى و اغبى اقرر انزل الشارع و الله ببقا هتشل حقيقي من كل الناس و خاصة من اشباه الرجال اللى اصلا مش عارفين يمشوا ازاي يفضل متنح و جايب لاج و واقف قدامي بلا هدف ولا تفكير 😑🫩 و اول ما يفكر و يستخدم دماغه ف انه لازم يتحرك يمشي هو من جوا الطريق و انا كبنت ابقا ناحية العربيات 🫩 ( معلش الكوكو طلع بيخاف من العربيات 😑) تخلص هنا مثلا تؤتؤتؤ اروح سوبر ماركت مع والدتي و يحصل مشكلة ع الكاشير و محتاجين نبدل حاجة عشان الباركود مش موجود عليها اروح اجيبها و ارجع لهم في امان الله الاقى كائن دخل فى النص بيني و بينها بمنتهي ال مافيش بربع جنيه تفكير 🙂😑 ف الى هو انت بتعمل ايه بجد ؟! 😬 ما تعديني و خلينا نغور و بعدين اتنيل اتفضل حضرتك يعني تؤتؤتؤ نتضطر نخلي طنط اللى ورا تحدف الحاجة للكاشيير و انا الف من باب الدخول و استنى برا عشان هو مستخسر يستخدم دماااااغه لثواني و يعدينا و نخلص 🫩🫩 و فى الآخر يتقالى انى عنصرية .. ايوة انا عنصرية و جدااا و انتوا اغبياء جدااااا 🫩🙂🙂 الصبر يااااارب الصبرررر ع الكائنات اللى من غير مخ دي 🤦🏻‍♀️ و من غير سلام هاااه يلا بقا 😂

اتحطيت ف موقف اول مره في عمري اتحط فيه .. حاسه اني غبيه ومغفله مش قادرة اتخطى الصدمه والوجع حاساه صعب اوي محدش فاهم كلهم بيقولولي مكبره الموضوع محدش مستوعب انا زعلانه على نفسي ازاي ومصدومه ازاي شعور ما بين الصدمه والخداع والعياط والتعب وما بين احمد ربنا على انه نجدني انا تايهه

احيانا يكون الوعي زائد سبب في مشاكل ولذلك في بعض الاحيان التظاهر بالغباء وسيله الدفاع ما رايك انت يا عزيزي القارئ هل توافقني الراي في النهايه رايي متواضع حسب تجربتي وما عشته في حياتي و شكرا

كنت بحكي موقف لحد من شوية وفي نص الكلام جات لي لحظة إدراك ايه الغباء دا؟ ايه غباء الموقف دا اللي انا مريت بيه دا وازاي عديت الموقف واللي حصل دا وازاي لسه بفكر بعد ما خلاص الموضوع انتهى وانا لسه واقفه عند نقطة مش عارفه اتخطاها.