غفران

عادي تسامحو حد بتحبوه حتي لو قبل م تعرفوه كان مرتبط بواحده صاحبتك وباسها ومسك ايديها يعني بقول أن كل البنادمين بيغلطو وكلنا عندنا ذنوب خلوات هو قاللي عشان أقرر اكمل ولا لأ ياريت تساعدو

طول الوقت بشوف ان الكره مرض بيأذينا اكتر ما ممكن يأذي الناس اللي احنا بنكرهها وان كلمه بكرهك او مش مسامحك او انت اذيتني دي كلها كلمات كبيره وتقيله اوي وانه فيه حاجات كده مش مستاهله نقف قدام ربنا علشانها وانه طول الوقت الافضل انه نسامح ونعذر بس للحظه كده بقيت حاسه انه اوقات الكره بيكون خلاص ليك وراحه لان انت طول ما انت بتعذر وبتسامح فانت بتوجع نفسك بالذات لو الشخص اللي قدامك ده فعلا اذاك بغض النظر بقي عن الظروف او عن نيته ، مش عارفه بصراحه 🙃

عندي حغجة حاسس بالندم عليها من وانا صغير ضربت حيوانات للاسف و لذتهم و كسرت لخروف رجله و عملت حاجات غبيه اوي كدا الحمدلله الحاجات دي مكنتش كتير بس اني اذني كام حيوان بالطريقه دي بجد ندمان جدا و حاولت اسأل شيخ علي النت ازاي اتوب و ربنا يغفرلي ذنب ده و ازاي اكفر عنه بس محدش رد عليا الكلام ده من امتى من ١٠ او ١٥ سنه بعد اعمل ايه

دلوقتي يا جماعة أنا عندي مشكلة ومحتاجة رأيكم ضروري . لو اقرب اقرب حد ليك اذاك اذي جامد جدا وبسبب اللي هو عمله ده انت دخلت فحالة اكتئاب شديدة بعد ما اصلا كنت لسة خارج من حالة اكتئاب بقالك ٣ شهور بس ، الشخص ده علي حسب ما انت تعرف أن هو طيب جدا فأنت مش عارف حتي تفسر هو الذي اذاك كدة وكان جواك مشاعر كتير جدا غضب وحزن و خذلان . الشخص ده بعد اللي عمله حاول يعتذر كتير جدا بكل الطرق بس انت علشان كنت لسة فحالة صدمة ومش مستوعب حاجة كل مرة كنت بتصده واخر مرة اتعصبت جدا وانفجرت وقولت كل اللي كان جواك ويعني قولت كلام جارح شوية بس ده كان كله غصب عنك من تأثير الصدمة اللي كنت فيها ، وبعد شهرين من اللي حصل بدأت خلاص تستوعب وتفكر ولأن فراق الشخص ده كان واجعك اوي وفكرت فحاجات كتير فقررت انك خلاص هتسامحه وتحاول تتقبل اللي حصل يمكن نفسيتك تتحسن وعلشان انت لسة بتحب الشخص ده اوي ومش حابب نهايتكو تبقي كدة ، يعني حتي لو مش هترجعو زي ما كنتو بس علي الاقل تتعاملو طبيعي. وفعلا قابلت الشخص ده وقولتله انك سامحته وهو مكنش مصدق اصلا و انت اعتذرت عن الكلام الجارح اللي قولتهوله وهو قال إنه اصلا مزعلش وخلاص اتصالحتو وكله كان تمام بس بعدها بكةم يوم الشخص ده ييجي يكلمك ويقولك إن انت بكلامك الجارح ده دمرته وان انت السبب أنه دخل حالة اكتئاب وتعب فأنت قولتله إن انت كمان بردو تعبت جامد من الحوار ده ففالاخر قالك أن انت اصلا السبب فكل ده وانك لو كنت سامحته فالاول وخلاص مكنش كل ده حصل . هل انت كدة ساعتها هتبقي غلطان فعلا ولا لا ، الفكرة أن هو اللي عمل المشكلة وهو اللي اذي فالاول ودي كانت ردت فعلك ، هي اه ردت فعلك كانت قاسية شوية بس هي بنفس حجم الموقف يعني. انا الشخص ده هشوفه النهاردة المفروض علشان نكمل كلام بس انا متوترة ومش عارفة انا فعلا غلطت ولا ايه و المفروض افضل اعتذر ولا لا و حاسة أن الترابيزة بتتدغدغ علي دماغي مش بتتقلب بس. ف لو قريتو لحد هنا احب أشكركم جدا بجد لاهتمامكو وياريت تشاركوني ارائكم