غلطة

قدرت اسامح للاسف واعدي عشان كنت لسه متجوزه بقالي 3 شهور ووقتها قولت غلطه عادي احنا بني ادمين وبنغلط ودا مجرد شات يعني متكبريش الموضوع 😂وهو اتأسف واعتذر وعيط وندمان بس للأسف دي كانت البدايه أنه يكررها مره واتنين وتلاته وعشره هو موقفش كلام اصلا أنا بس اللي كنت مغفله وبسكت وبعدي علي اساس ان دي تاني جوازه ليه وهو اللي مختارني وكان جواز صالونات اصلا ف كنت بقول لنفسي اهدي يابت واعقلي متخربيش بيتك 😅

كان يا ما كان شاب هادي بس تايه وفاقد أمل في حب كان باين إنه مش مكتوب ولا أوان وفجأة قابل أميرة بعيدة بينهم جبال ووديان لكن القلوب ما تعرفش مسافات ولا مكان اتكلموا وضحكوا وقعوا من غير حساب وداق الشاب طعم حب كان فاكره زمان داق أمان بعد خوف داق حضن بعد حرمان لكن القدر كان واقف على الباب بيقول: مش دلوقتي ولا الأوان وجي يوم شكله عادي زي أي يوم عدّى بس اللي حصل ساب علامة في الذاكرة مش بتتنسى ولا تهدى غلط غلطة لو كان عارف إنها هتكبر وتوجّع كان سكت وكان خبّى وكان عدّى وفجأة الأميرة بعدت والرسائل ما بقتش بتتردّ والليل طول والقلب سهر والندم فضل ما يهدّ فكّر في كل حاجة في سفر وفي بلاد وفي وديان إزاي يوصلها ويعيشوا سعدا زي الأحلام فكّر يستعطف يمكن تحن يمكن ترجع زي زمان بس ما كانش في وسيلة ولا أمان فقرر يبعد سنة يمكن القدر يوافق يمكن ترجع يمكن يطمن لكن قلبه ما عرفش ينتظر ولا يساوم فقرر آخر قرار يبعت قصيدة يحكي فيها كل اللي كان يمكن ترق يمكن تكون آخر ما في الإيد وأمان ولو ما نفعتش هيستسلم بس القلب هيفضل يرقّ وصورتها في باله والوجع ساكن في المكان وفي آخر السطر قالها من غير عنوان: وحشتيني يا ...... بحبك أوي كمان وكمان

أحياناً بنكون إحنا أصعب قضاة على نفسنا، بنحاسبها على الكلمة والنظرة والغلطة وكأننا مش بشر. بس الحقيقة إن كره الذات مش علامة على إنك شخص سيئ، هو مجرد "تعب" في الرؤية، زي الغبار اللي بيجي على المراية فبيخليك تشوف صورتك مشوهة. حاول تهدي السرعة شوية مع نفسك. مش لازم تكون مثالي عشان تتحب، ولا لازم تنجح في كل حاجة عشان تحترم وجودك. الغلطة اللي عملتها هي "فعل" مش "هوية"، أنت أكبر بكتير من مجرد موقف أو إخفاق. عامل نفسك كأنك بتعامل طفل صغير بيتعلم المشي؛ لو وقع مش هتشتمه، هتمسك إيده وتطمنه وتخليه يحاول تاني. الرحمة بالذات هي أول خطوة عشان تقدر تعيش بسلام، لأنك في النهاية الشخص الوحيد اللي هيكمل معاك لآخر الطريق، فخليك رفيق يهوّن السكة، مش عدو بيصعبها.

عايزا احكيلكم علي حاجة دلوقتي انا حماتي كويسة معاايا جدا وبتحبني وبتعاملني حلو بس من فترة انا عملت حاجة زعلتها وهو انا مش هقول اني مش غلطانة بس انا كنت في فترة مش تمام ف هي من وقتها وهي اتغيرت معايا ١٨٠ درجة بقيت تتعامل معايا ببرود مش زي الاول خالص واوقات بحس انها بقيت تكرهني مش عارفة بتعمل حاجات كتير يتضايقيني وانا مكنتش عايزا نبقي كدا بالاخص اني كنت معتبراها هي كل اهلي