فجر

يا الله عارف الزعل والفرحه فنفس الوقت لسه راجع من صلاه الفجر اللهم لك الحمد فالمسجد اسال الله الثبات كان معايا اخويا الصغير المهم بقوله نفسي ف مره اصلي انا لو مفيش وكده ودخلت المسجد قابلت واحد صاحبي وسلمت عليه واذ مفيش حد يصلي وصاحبي بدون تردد اتقدم هو ) هو ازهري وخاتم القرءان ربنا يزيده ويبارك فيه وصوته اللهم بارك فرحتله اوي من قلبي والله ودعيتله ف الصلاه بس زعلت على نفسي والله اني مقصر مش بحسده والله بس كنت اتمنى ابقا انا الله المستعان كتبتها ٦.٦.٢٠٢٥ والنهارده انا حققت حلمي دا ودخلت امام تقريبا تسع مرات وبقين بصلي الفجر دايما في المسجد بتاعنا مع اني مستحقش بس كرم ربنا ف تذكيرا ليك يعني لها فرج والله

اوحش حاجه لما تكون سباح و تدخل بطوله و تجيب رقم زي الزفت معن انا ضحيت بكل حاحه انا بحبها و لسه برضو جبت رقم وحش ساعتها و كمان معرفتش اخلي اهلي فخورين بيا و اتمرنت سيزون كامل عشان اعرف ادخل البطوله و تمارين فجر و في الاخر رقم زفت ده انا عيط كميه عياط بسبب السباحه يالهوى بجد انا بقالي بتاع ٨ شهور موقفه بس ان شاء الله راجعه تاني في شهر ٦ و ياريت بجد اجيب ارقام حلوه

الساعة 4ونص ومسمعتش اذان الفجر الفكرة اني صليت قيام الليل ومستنية اصلي لحد ما لقيتها 4ونص والفجر ماذنش مش معقول يعني الناس اللي بتاذن كلهم نايمين ولا انا ساعتي بايظة مش معقول يعني كلهم نايمين ازاي!!!!