فقدان الأصدقاء

ازاي بتستمعو بحياتكم لو ديما لوحدكم انا ديما لوحدي مش بحس أنه في حد قرب مني وانبهر بوجودي عادي انما في شغل يمكن عشان بكون مالتي تاسك فبحس باحتياج الناس ليا في اي حاجه في الشغل بس في الواقع انا حتي صحابي مش علي تواصل بيا دائم انا شكيت في نفسي اني مش الشخص المناسب لحد كل صحابي بيقربو في الخروجات بس يعني محستش حد من صحابي جيه في يوم قالي عاوز اتكلم معاك وانا هسمعه محستش في حد رايي مهم ليه مع اني عندي بصيره كويسه الحمد لله بقيت بحس أنه سهل جدا أنه اي حد يبعد عني زي زمان ما اكتر حب في حياتي سابتني انا مش وحش بالعكس انا شخصيه جد بتراعي ربنا يجتهد حياتي كلها شغل بيت اوقات بخرج اوقات لا حاسس اني هفضل كده ديما

عندي مشكلة وهي اني بتعلق بالناس بسرعة رهيبة وفي نفس الوقت كان زمان مبفهمش شعور ان حد يسيبك وكدة يعني لو حد قالي انا مش عايز اعرفك تاني كنت عادي ولا الهوا يعني مكنتش بزعل مكنتش بهتم ولا حتى بزعل منه ولو جه كلمني تاني ولا كأنه قال حاجة وبكلمه عادي ومكنتش يعني ومكنتش اعرف ان دي حاجة غريبة وكنت فاكر ان ده العادي وكنت بستغرب لما الاقي ناس بتشكي ان مثلا شخصها المفضل مبقوش صحاب وكدة وان واحدة صاحبتها مبقتش عايزة تكلمها تاني وواحد صحبه مش عايز يعرفه تاني وكنت بقول طب وفيها ايه يعني وبستغرب بس دلوقتي مش عارف انا عندي نفس الحاجة دي ولا اتغيرت لاني بقالي مدة كبيرة اوي معنديش صحاب بيست وكدة انا عارف انه ده عكس اول كام جملة في البوست بس نرجع لموضوعنا انا فعلا بتعلق بسرعة اوي يعني لو واحد قعدت معاه ساعتين وضحكنا وهزرنا وارتاحنا لبعض احب انه يكون صاحبي وكدة بس بعد فترة بيبتدي التصرفات تتغير ولدرجة اننا ممكن نتخانق انا زي ما قولت مببقاش زعلان وانا بخسره بس انا مستغرب اوووووي ان الموضوع ده بيحصلي كتير جداا وعلى فكرة انا كتير اوي بقول العيب مني وبحاول اراقب نفسي بس انا بقيت متأكد مليون في المية اني عمري ما بدأت بالحاجة الغلط او كنت عايز اننا نتخانق عمري مش عارف ليه بيحصل دايما كدة حد عنده تفسير او نصيحة

انا تعبت من كل حاجة حرفيا كله جاي مع بعض بقطع علاقتي بناس ناس بتبعد عني تقريبا مبقاش عندي صحاب اصلا مشاكل وضغوطات في البيت حرفيا حاسه بكميه ضغط واني لوحدي ومش عارفه اعمل ايه وتقريبا انا المشكلة مش عارفه

بجد بكره حياتي بكرها بمعني حرفي اهل و ناقدين و ديما بيطلعوني غلط و بيقولولي ديما اني فشله و مش هنفع و بزعل ع فاضي و مليان و بياخدوني ك موضوع هزار بس ده بيضايقني و قعدت اقول كده و بجد بقا يجيلي نغزات ف قلب جامد لما بزعل و طبعا لو قولت هيقولو بستعبط صحاب خسرت كل صحابي عشان بعدت عن واحده وسخه ف سخنت كل عليا و خسرت كل علاقاتي و حتي صحابي اللي دلوقتي معتقدش اني فرقالهم زي م هما بيفرقولي دراسيا خرا بحاول ديما بس بلاقي حاجه لازم تفشخني نفسيا لدرجه اني ممكن اقعد طول يوم ع كتاب مش عشان مش فهمه عشان نفسيتي خرا و ابويا ده اكتر شخص بكرهو عارفه اني مينفعش اكرهو عشان سله الرحم بس غصب عني ابويا سابني من وانا صغيره مش بيسأل ولا بيدفع و لا بيطمن انا بدخل عنايه مركزه اقل حاجه اربع مرات ف سنه و هو ولا بيسأل و لما رجع بقا طلبت منو طلب ع اساس هزار مكنتش عايزه حاجه منو كنت عايزه كلمه بس حلوه عايزه احس بوجوده حتي قال عليا قليله الادب و مع ان لما اخدت رأي كذا حد كبير و صغير من غير كدب انا مغلطش و اخويا اتخانق معاه عشاني و بحس ساعات اني عايزه حنان بتاعه بس بالغلط حبيت واحد و هو غالبا محبنيش بجد قعدنا سنه و نص بس كان فيهم احلي اول سبع شهور كنت بحبه من قلبي بعد م بدا يتغير للسوء عليا كنت بعدي رغم انه بيأذيني نفسيا بس كنت بسكت و فعليا بقيت اخاف اقول رأيي و الاقي ناس تبعد انا بحس ان عندي نقص بس مش بطلعه ع حد بس بكتمه جوايا فاهمني حتي ف تجمعات محدش بيبقي سامعني اكني مضاف اليه و مننن رغمم كلل ده بحاول ابقي احسن و اعمل مبنامش اساسا من كتر تفكير و بحاول اعمل حتي لو فوق طاقتي بس محدش بيقدرني و اسوء حاجه اني فعليا مبقتش استحمل بطلع غلي ده كله ف عياط بجد و ف اخر يقعدو يتريقو عليا بجد تعبت معلش لو طولت