فقدان الإحساس

فقد احساسي بكل شئ مش عارفه المفروض اعمل اي مش حاسه اني هنا في الواقع ومش عارفة اتحرك من مكاني ولا اتكلم بيبقي انجاز اني ادخل الحمام او اكل حتي البوست دا انجاز فشخ بس يعني معنديش حاجة تاني اقولها

ازاى الانسان يرجع شغفه و يرجع احساسه الانسان بقى حاسس انه مش حاسس باى حاجه متبلد المشاعر ولا بيزعل ولا بيفرح مجرد نزوات مش بتاخد معاك ثوانى و بترجع عادى مش حاسس بحاجة و مهما اى حصل مش بتزعل و لو اعز حد ليك سابك مش فارق ازاى ترجع تحس تانى

جماعه هو طبيعي الواحد يتصدم مثلا كذا مره ف وقت واحد وبعدين يبقي من بعدها مش مستوعب حياتو واللي بيحصل فيها والسنين تعدي وهو مش حاسس ولا مستوعب كأنو فحلم كدا ومش بيقوم منو مثلا يارب حد يفهمني

انا بقالي فترة كبيرة فاقد مشاعري تماما مش بحس بأي مشاعر ولا حب ولا كره ولا حزن و لا فرح بتحول ل روبوت حرفيا كل حاجة باخدها بالعقل و المنطق و بجردها من اي مشاعر و دا مخليني متبلد المشاعر مش عارف اعبر مش حاسس بحاجة ف بخسر ناس كتير بيحصل مشاكل كتير مع خطيبتي بسبب اني بقلل من مشاعرها لاني فعلا مش فاهم يعني ايه مشاعر و واخد كله بالمنطق مع اني كنت اكتر حد حساس و عنده مشاعر فالدنيا

و فجأة تشعر كان العالم كله توقف من حولك لست تدرى ماذا يحدث و ما تتعرض له تشعر كانك لا تشعر تتمنى ان يعود الاحساس لك و لكنك فقدت الامل منذ زمن بعيد توقف كيانك عند هذا التاريخ و لم يتقدم ما تبقى منك هو جسد فقد يتعامل مع الحياه و يعيش اليوم بيومه فقط و للقادم بقيه

الواحد حاسس بكمية وجع و قهر غير طبيعية 😞 فقدت الاحساس بكل حاجة حتى نفسى الوقت بقى تقيل و ممل و فنفس الوقت فااااضى اوى اقل حاجة بقت تقيلة عليا وبتهلكنى جسمى دايما مكسر و تعبان مهما ارتحت او حاولت انام من كتر الوجع و الارف انا مبقتش عارفة ايه مصدر المشكلة عشان احله اصلا