السلام عليكم ورحمة الله وبركاته 🌸. حاسة اني فقدت طاقتي، فقدتها تماما. بقالي فترة بمشي الدنيا وعادي، وبقول لنفسي اني كويسة واهدى ومبسوطة وخلاص، بس بجد لأ. حاسة ان طاقتي خلصت من كتر التمثيل ده، مش حاسة حتى ان حد فاهم ده. هو كده كده منطقي ان محدش يفهم؛ بما اني نفسي مش فاهمة يعني، بس على الاقل يقدروا مش اكتر. احيانا بتمنى لو مكنتش جيت للدنيا دي اصلا، حتى الفرحة بقت بتمثل بالنسبالي ضغط، والنوم بقى بالنسبالي معجزة، والموت بقى امنية، طب اروح فين؟ الحمدلله على كل حال، بس انا فعلا استنزفت تماما، ومش عارفة هقدر ارجع طبيعية وامثل اني كويسة تاني ولا لا. الوضع سابقًا كان احسن شوية؛ كنت بعرف اتعامل مع بعض البشر القلائل على الاقل، بس دلوقتي فعلا جوايا كمية طاقة غضب وسلبية نفسي امسك اي حد واطلعها فيه. او على الاقل مش لازم حد، عايزة اعيط على الاقل. قمة السخرية لما ابقى عايزة اعيط ومش عارفة بجد؛ كوميديا سوداء.
