فقدان قيمة

أنا بكتب الكلام ده وأنا في قمة انهياري.. مش عارف أبدأ منين، بس كل اللي أعرفه إني بقيت غريب في يومي، غريب عن نفسي، ومحدش حاسس بيا. أنا عايش في وحدة قاتلة، بعيد عن أمي، الدنيا بقت صعبة أوي فوق طاقتي، والامتحانات ضاغطة على أعصابي، ودوامة الإدمان سحبتني لمكان مش عارف أخرج منه، كل ما أحاول أقف، بقع أضعف من الأول. ​بجد تعبت.. حاسس إني ماليش قيمة، وجودي زي عدمه، كأني لا أستاهل أي حب ولا أي دعم. هو أنا عملت إيه عشان أعيش كدة؟ هل هو حرام أصلاً حد يحبني أو يطبطب على قلبي؟ كل يوم بيعدي عليا بيبقى أسوأ من اللي قبله، وبقيت حاسس إني لوحدي تماماً في الغربة دي. ​أنا مش بطلب كتير، أنا بس محتاج حد يحس بيا.. حد يطبطب على قلبي بكلمة، محتاج أعرف إني مش لوحدي، ومحتاج دعوة بجد تخرجني من اللي أنا فيه. لو حد مر بنفس تجربتي أو حاسس بيا، ياريت يطمني.. أنا بجد تعبت