قرفان

حاسس اني قرفان ومحتاج اطلع الطاقة السلبية دي، بقالي كتير معملتش كدة بس للأسف مضطر أقول اني عايز اتخانق مع حد بس خناقة على مزاجي انا، مش أي حد يدخل يرمي أي حاجة وخلاص تباً للاجازة اللي قبل تالتة

من زمان وانا الناس بتقولي اني طيب جدا وكدا وانا كنت بسكت عادي مش بقول لا انا مش طيب بس انا من جوايا عارف اني عادي ومش طيب ولا حاجه، يعني ولا وحش ولا كويس انا في حالي وخلاص، بس مع الوقت ادركت ان انا فعلا طيب ومابيهونش عليا زعل اي حد واني طول الوقت كنت بمثل وبتظاهر اني مش فارقلي حد ولا حاجه وعادي يعني، لكن انا طلعت طيب بشكل مخليني قرفان من نفسي لأن بعد دا كله انا ماطلعتش بأي حاجه ولا استفدت اي حاجه ولا عرفت اخلي اي حد يحبني ويبقي عليا، دا بالعكس انا في ناس كتير واقرب الناس ليا الي ماليش غيرهم اصلا ولا اعرف حد غيرهم شايفني حد وحش وغير ناضج وعقلي صغير، حقيقي مش عارف الناس دي عبيطه ولا بيستعبطو، ليه بيشوفو الي هما عاوزين يشوفوه بس ليه مابيحسبوهاش صح ليه دايما شايفين ان هما الي صح وبيدو لنفسهم الاحقيه في كل حاجه ليه الناس سطحيه وانانيين وفكرهم محدود اوي كدا، عامة مشكله الواحد انه مهما حصل فيه مابيتعلمش ومش عارف يتغير ولا عارف يكره

مخنوق اوي حاسس الدنيا ضاقت بيا اوي بقيت قرفان من نفسي ومن عشتي يارب انا طول عمري راضي ب القليل وعمري مقلت غير الحمدلله طلعت شقيان ومكملتش دراسة بعد الدبلوم واديني انهارده بندم علي حاجة مش ذنبي انا مخنوق محتاج حد يسمعني

حقيقي معنديش مشكله بس زهقان ملان قرفان مخنوق تعبان عايز انزل و اخرج اطلع من البيت عموما بقا نفسي ارجع اعمل رياضه تاني او على الاقل اجري زي زمان نفسي ارجع اصلح الماضي كنت معمي أو مبسوط بزياده فمشوفتش حاجة أنا جيبت أخري

محتاج اتكلم مع حد كبير يكون فاهم الوضع الي انا في حقيقي مخنوق وقرفان من نفسي بسبب حجات كتيره بعملها انا نفسي اتغير حقيقي وعاوز احكي ك بداية للتغير بس خايف يتحكم عليا واسمع كلام روتيني عاوز حد يقدر يساعد واسف عمتا للي سنهم صغير بس مش هيقدرة يفهمو الوضع

فعلآ الحياة من غير صلاه كرب ،انا بقالي كتير مصلتش وصليت انهاردا جميع الصلوات حسيت اني فقت شوية من اني كنت مخنوق وقرفان ومدايق من حورات ف ربنا كريم والحورات البتحصل اكيد علشان الواحد يفوق