قطع

دلوقتي كان عندي مؤتمر هنحضره النهارده أنا و صاحبتي و المهم يعني انا صحيت 8 علشان البس و اجهز ف هي رنت عليا كتير وانا اصلا تليفوني صامت و في الاوضه يعني مستحيل اشوفه المهم لما خلصت بشوف لاقيتها بعتالي تقولي لو عملتي معايا الحركه دي تاني هقطع معاكي بجد صدقيني قولتلها حركه اي هو في اي علي الصبح عموما خلاص الدنيا هتمشي من غيري صح أنا م هنزل ومش هروح المؤتمر ف قالتلي خلصانه أنا مش عايزه اعرفك تاني و اقطعي معايا و شغل العيال ده مش بحبه و لا فارقه معايا و عادي اصلا ومع السلامه زيك زيهم مش هتفرقي عنهم و اصلا انا م عملتش حاجه لده كله ومستحمله النكد و القرف بتاعها ، أنا دلوقتي عايزه اعرف مين فينا غلطان علشان م بقيتش فاهمه يمكن أنا غلط و استهال فعلا كل الكلام ده علشان م رديتش عليها غصب عني

مش عارف بس اعتقد أنه عدم تقبل العتاب أو النقد في حاجات معينه اصل انا بحكيلك عن موقف مضايقني ف لما تفضل تقطع فيا اكتر انت كدا مش بتصلح حاجه ف بطلت احكي لأن الأغلب كدا أو ع الأقل بحكي لكل واحد اللي هو حابب يسمعه أو بشيل النقطه اللي هيعاتبني فيها

ازيكم ، هحاول اتكلم عن مشكلتي ف اكتر من رسالة لو ينفع والدي رحمه الله كان بعيد عننا معظم الوقت و انا كنت مع والدتي بعمل كل حاجه وبتحط ف مواقف اكبر من سني من ونا 10 سنين لحد الآن 21 سنة لما حصل وجالي كلية بعيدة و بدأت حياتي تتشكل ظهرت مشاكل البيت وفكرة اني بختار وبحاول اصمم حياتي لنفسي ، اللي هو ازاي يعني عايز تعمل مشروع جنب كلية الطب ، و ازاي انت بتذاكر جامد و بتتعب بس مش بتظبط جامد (مرة A مرة B) و ازاي ارتبطت بحد وعايز يبقى بينكم مستقبل واحنا ماختارناهاش (زميلتي ف الكلية ومشهود ليها بالاحترام والتفوق ، والشخص الوحيد اللي بيسمع مشاكلي وبيهتم بيها و بيراعي شعوري "اللي اصلا ماحدش عمره اتكلم معايا فيه من البيت ولا سأل عن حالتي النفسية اللي زي الزفت") و دلوقتي امي مقاطعاني و بتتلكك لعمل مشاكل و بتذلني بالمصروف اللي باخده عشان الكلية والسكن والسفر ، بالرغم من ان الكلية اختيار والدي و هو اللي قال روح وانا هصرف ، بس هي معاها طبعا المرتب بتاعها و معاش بابا الله يرحمه و انا قافل ع نفسي باب الاوضة بقت تقف عند الباب تزعق و تشتم الفاظ قذرة جدا وتشتم حبيبتي و تقذفها قذف محصن دلوقتي انا اعمل ايه