قلق وجودي

السلام عليكم ورحمة الله وبركاته عاملين ايه تعرفوا اني بخاف من الموت اووي بترعب من الفكرة عارفين يعني ايه هتبقوا لوحدكوا في مكان ضلمة بس انت واعمالك بس بترعب اكتر كل ما اقرأ عن اللحظات الاولى في القبر رعب يجدعان محتاجين نعمل لأخرتنا بجد

حد عنده مشكله مع التفكير الوجودي الدايم يعني التفكير في الكون وفي نفسك وفربنا وهل موجود ولا لا والتفكير في كمية الاديان المختلفه ولما بشوف حد معتقد تماما في دينه زي منا معتقد بحس ان الايمان دا حاجة فوق الاديان نفسها حاجة انسانيه بحته بس هل هي مجرد احاسيس بتريح الإنسان وبتجاوبه على اسالته وتريح راسه من التفكير وكدا ولا كل الاديان غلط؟ ولا ايه بالظبط هل كل حد اتولد بدين معين يفضل عليه وميفكرش بحيث ميتعبش طب هل في حد بيحب محتوى المناظرات ومقارنة الاديان ولا انا لوحدي

ساعات بحس اني في عالم غير العالم وفي جسم حد انا معرفوش ساعات بيجيلي لحظات ادراك لنفسي ولجسمي بفضل ابص ل ايدي واستغرب صوتي كأني بكتشف نفسي وجسمي دلوقتي كأني لسه مولودة احساس غريب جداا ساعات بحس عقلي بيروح لعالم غير العالم كأني روحي انسحبت مني مش ببقي مدركة بالعالم الي حواليا وبعدين احس روحي بترجع لجمسي فيجيلي لحظة ادراك انا فين ومين وعدى وقت قد ايه ساعات ببقي قاعدة مع ناس بيتكلمو بس مش سمعاهم كأن عقلي فصل وسافر للعالم الغريب ببقي مش مدركة باللي حواليا اوي مش عارفه دا هروب من الواقع مثلا مش فاهمه ليه بيحلصي كدا وبحس بكدا!