قلوب

حاسس العيد جه وناس كانت موجودة جمبنا العيد اللي فات ومكناس نتخيل إن هييجي وقت والناس دي متبقاش جمبنا بل وناس منهم بقينا كارهينهم كمان ف سبحان مغير الأحوال والقلوب ف ربنا يزقعنا ف ولاد الحلال ويجعلنا من ولاد الحلال وكل سنة وانتم طيبين وبخير يا شباب ويعود عليكم بالخير والبركة🙏❤️❤️

"عندي اقتناع تام ان القلوب بتحس ببعض القلب ده عامل زي الرادار، بيلقط النية قبل ما اللسان ينطق الكلمة، بتحس بـ غلاوتك وهي بتتبخر من قلب اللي قدامك، حتى لو لسه بيعاملك بنفس الشكل، بس الروح مابقتش هي هي، بتحس باللي مشتاق يكلمك وعزة نفسه منعاه، وبتحس باللي بيكلمك وهو شايل الدنيا فوق دماغه من نبرة صوته حتى لو بقالكم سنين وسنين، الحدس ده هو "نغزة" من ربنا بتبينلك الحقيقة في ثانية، وبعدها تسيبك وتمشي، وتفضل إنت وعقلك في صراع: تصدق اللي حاسه جواك، ولا تكدب نفسك وتصدق اللي قدام عينك."

النهاردة دموعي غلبتني و بكيت في الشارع، انا اسفة جداً لنفسي ثم نفسي ثم نفسي انا غلطت في حقها كتير اهملتها كتير و ضحيت بيها اكتر، انا المج.رم و انا الضحية حتي لو ظلم.ني حد في يوم من الايام، فانا السبب، لاني كنت شايفه كل حاجة من الاول و ربنا منّ عليا بالبصيرة و انا اللي اصريت اكمل في سكك مسدودة طريق مشيته و انا عارفه نهايه كنت فاكرة اني هلاقي النور في الاخر بس النفق كله ضلمة ازاي العيون اللي شوفت فيها الجمال و البراءه الاقي فيها الغدر (دي مش مشكلة عاطفية) اسوء شعور في الدنيا انك تغدر ببني آدم، انا مش عارفه انا ليه قاسية علي نفسي انا مكنتش اعرف ان كل الضلمة في قلوبهم!! انا كنت فاكره حبي ليهم ممكن ينور قلوبهم انا كنت فاكرة ان انا الشخص اللي هيساعدهم يخلصو من مشاكلهم و بعدها يختاروه انا ضحيت بنفسي عشانهم محدش غلط غيري