قهوة

أول امبارح صحابي عدوا عليا عشان ننزل القهوة وأنا كنت راجع من امتحان مفشوخ وعاوز أنام المهم أمي دخلت صحتني عشان أطلعلهم ف انا صحبت مأريف وكل اللي ف دماغي مشيهم عشان ترجع تنام طلعت بكل بجاحة بصيتلهم من البلكونة منزلتش حتى وقولتلهم مشجاي هكمل نوم واتقمصوا ف امبارح راحوا من غير ما يكلموني عشان مقموصين بس المهم حوار النوم بعد المغرب دا عملته أول امبارح وامبارح وف اليومين كنت بصحى فايق وحاسس الدنيا جميلة أوي وحسيت براحة نفسية وجسدية محسيتهاش من زمان من النوم والصحيان بدري (كنت بنام الساعة ٨ الصبح) المهم إني بحب قعدة القهوة مع صحابي وبحب صحابي جدًا وبتبقا حلوة جدا بعد يوم مليان مذاكرة أو شغل او جيم أو فرهدة ف قدامي خيارين دلوقتي أكمل ف حوار النوم الصبح اللي بيخلي الواحد فب قمة النشاط والحيوية والسعادة والإنتاجية ولا أأخر النوم شوية ل ٢ كدا وأنزل معاهم القهوة وأرجع أنام

في فترة الامتحانات كنت بشرب شاي و قهوة كتير عشان المذاكره و كدا و دلوقتي أنا خلصت و وقفت قهوه عشان أصلا ماليش فيها بس بجد أنا بصدع جامد لو ماشربتهاش أعمل ايه لأن قلبي بيوجعني لو شربتها كتير

كل فتره والتانيه كدا بقعد شهر كدا ولا حاجه واقوم قاطع قهوه حبه عشان كترها عليا بيضر ومفعولها بينعدم ف كتبت دي (وكانت اول حاجه اكتبها ف حياتي) اِتَغَيَّرْتَ عَلَيَّ؟ فَلَمَّا أَدْرَكْتُ مَا أَنْتَ فَاعِلٌ بِي هَجَرْتُكَ، وَمَا هَجْرِي لَكَ بِهَيِّنٍ وَأَنْتَ مَلَاذِي. فِي كُلِّ يَوْمٍ أَحْتَسِيكَ أَتَلَذَّذُ، وَتَتَوَغَّلُ الْفَرْحَةُ أَعْمَاقَ فُؤَادِي. وَلَكِنَّنِي أَدْرَكْتُ ضَرَرَكَ بِي، فَاخْتَرْتُ الْبُعْدَ حَتَّى أَسْتَفِيقَ لِذَاتِي. وبعدين فوقت انه انت اهبل ولا ايه دي القهوه دي اللي شايلاك دي اللي بتستحملك دي الصديق اللي بيهون عليك ايامك لحد ما تتجوز ان شاء الله و بتشيلك ف حزنك ومذاكرتك وقرفك ف ك اعتذار لها كتبت دي قَاتِمَةٌ، وَلَكِنْ فِي عِزِّ سَوَادِهَا لُطْفٌ، مُرٌّ، وَلَكِنَّهُ رَفِيقٌ لَيِّنٌ لِمَشَاكِلِي. جَمَالُهَا فِي سَوَادِهَا وَمُرِّهَا، وَلُطْفُهَا عِنْدَ الِاحْتِسَاءِ يُذِيبُ. لَهَا فِي قَلْبِ كُلِّ مَهْمُومٍ مَكَانَةٌ، كَالْمَلَاذِ، لَا يَكِلُّ عَنْهَا حَزِينٌ. وشكرا لحسن استماعكم

عندي مشكلة صعبة اوي ومش قادر احلها ومحتاج حل ( محصلش ) مش عارف في حد ديجيتال ماركتينج ولا لا بس مش عارف اركز في المذاكرة وعندي امتحان بكرة ومش عارف اذاكر ومش لاقي حل وشربت خمسين كوباية قهوة وسبعين كوباية نسكافيه وبلعت مكنة القهوة نفسها ومفيش حل

يجدعااانن أقسم بالله مش قادر اوصف بحبها ازاي، متتوصفش والله وحرفيا معايا في كل الزنقات والمشاكل والحلوة والمرة والزهق والانشغال، حتى بعد ما بتخلص والكوباية بتفضل بفضل اشرب في التفل بتاعها، ريحتها لوحدها كدة بتدخلني في عالم تاني بجد أعظم اختراع في التاريخ القهوة

شربت قهوة ع الساعه 2 وانا بشرب شبه يومي عادي بس النهاردة حطيت معلقه ونص بدل معلقه اساعه 6 اهو ومن ساعتها لحد دلوقتي ضربات قلبي قوية وبتنفس من بقي م كتر ضيق النفس وبعرق وسقعانه ف نفس الوقت، حسه بهلع بجد ورعب مش عارفه سببو مش عارفه اعمل اي، ملت وشربت ميا وكلت موز ومفيش فايدة حد عندو فكرة اعمل اي عشان اهدي دا محصليش قبل كدا

انا حرفيا عندي مذاكره كتيييير اوى ومش عارفه اعمل اى ولا الم المتراكم ازاى وكمان عندي امتحانات بعد اسبوع وبشرب قهوه كتير كدا لدرجه ان بقى عندي خلل ف النوم ومفيش تركيز كمان يعني لا بقيت اعرف انام ولا بقيت اعرف اركز

القهوة بالنسبالي مش مشروب دي اعادة تشغيل للنظام كله واجمل لحظة بقى اول رشفه كده تحس ان روحك رجعت لجسمك تاني والناس تقول قلل من قهوه علشان صحتك ياعم ان من غيرها صحتي النفسيه هي اللي بتروح كل شخص ما يقول بيشرب قهوته ايه 😂😂

​"أصبحت القهوة هي مهربي الوحيد من ضغط الشغل والبيت والصحاب، بختار دايماً إني أنزل لوحدي وأكبر دماغي بدل ما أتكلم مع حد، وكأني في دايرة مقفولة.. حتي موضوع الارتباط الجواز والخطوبه مبقاش من أولوياتي هل دة هروب وانا بهرب من اى أنا كل ما أقول التوبة يا بويا ترميني المقادير

عايزة انام مش عارفة يمكن عشان شربت قهوة بس الطبيعي انها بتنيمني مش فاهمة اي دا المهم اسمه ايه دا وحشني شوية صغيرين يعع عليه أكرهه حقير حسبي الله بس عايزة اخلص تالتة ثانوي بسرعة وعايزة أنام جدا عايزة اتجوز بحبكم 😔

انا بقيت اعالج اى مشكلة بالنزول القهوة مخنوق من الشغل انزل القهوة مخنوق من البيت انزل القهوة مخنوق من صحابي انزل القهوة بنزل القهوة كتير و لوحدي هل دة هروب من الواقع ولا بحاول امسح المشكلة واكبر دماغي عمري ما حاولت اتكلم مع حد علشان مشاكلى

ادمان الكافيين ودا فعلا دمرني وجابلي امراض للاسف ملهاش علاج لكن الحمدلله ادركت الموضوع قبل ما يتطور انا اصلا كنت بشرب القهوة لظني انها اللي بتديني الطاقة وانها السبب انى عارفة اذاكر لدرجة اني مكنتش بذاكر الا بيها ولو مشربتهاش ف يوم الصداع بياكل في مخي ووجع رهيب لدرجة اني كنت بيجيلي هبوط ومع ان القهوه حل غلط تماما للهبوط الا اني لما كنت بشربها بتعالج لان الالم مكنش حقيقي بالكان نفسي .