كتب

عمري ف حياتي متوقعت اني ممكن احكي لحد او ل ناس حاجه زي كده او احكي اصلا مشكله انا يمر بيها علي app انا بنت عندي 19 سنه كل اللي انا عايزه ف حياتي انها تكون هاديه و الاقي حب بجد و اهتمام انا مريت ب حاجات كتير اوي اولهم بابا اللي اتجوز علي مامتي و اتبري مني انا و اخواتي ل مامتي اللي انا و هيا علاقتنا وحشه و علطول خناق في البيت و زعيق بسبب او من غير سبب عندي اه صحاب كتير بس مفيش منهم حد قريب غير بس اشخاص قليله جدا بس برضو بحس اني مش متشافه بحس انو مفيش حد حاسس بيا انا كل اللي حوليا بيقولو قد اي انا طيبه و حنينه و عمري مجرحت حد ب كلام مثلا و بسمع كل ناس عمري مكسفت حد حتي لو هو عمل كده معايا لاني حتي لو عايزه عمري مهعرف لان برضو زي ما فيه ناس بيقولو عليه كده في ناس بيقولو برضو قد اي انا هبله و قد اي ممكن اي حد يضحك عليا ب سهوله و انو دي مش طيبه ده عبط رغم كل اللي بعملو مع صحابي و ناس اللي حوليا و كل كلام ده عمري ملقيت ده بيحصل معايا انا مش مستنيه حد يعمل معايا حاجه يعني محصلتش انا بس مستنيه حد يتعامل معايا كانو انا زي ما انا بتعامل مع ناس مش اكتر نفسي بس احس انو فيه شخص متقبلني عايز يسمعني يحتويني انا ساعات كتير بيصعب عليا نفسي اوي بجد يمكن الحاجه الوحيده اللي بتصبرني شويه لما بكون مدايقه و مش عارفه اتكلم مع مين اني بحب القراءة كتير بحب الرويات بحب الكتب بحب اوي مسلسلات هيا دي العالم بتاعي بجد تقريبا مش بطلع منو خااص حتي مبقتش بنزل الجامعه كتير و صحابي مبقتش بسال علي حد منهم و حاسه اني برضو مش مرتاحه بحاول اطلع نفسي علي قد ما اقدر من الحته دي بس ديما بيحصل حاجه بتوقفني تاني او بترجعني تاني مامتي تجرحني ب كلامها احس انو مفيش حد بيشجعني علي حاجه ديما بحس اي حاجه بعملها ملهاش معني ولا قيمه و بحس اني كاني معملتش اي حاجه مهما اعمل بقيت تقريبا مقفوله من كل حاجه و بقيت بس بعدي اليوم و خلاص و لما بخرج بره البيت ديما يكون متوتره و بحس انو كل الناس باصين عليا و بفضل اتمني اللحظه اللي ارجع فيها البيت يسرعه عشان ادخل ف العالم بتاعي و انعزل عن كل ده

القراءه والتاليف فن وهوايه بالنسبالي دي الحاجه الوحيده اللي بتخرجني برا الكآبه والعصف الذهني اللي بابقي فيه ف حرفيا هي سبب ف اني اختلي بنفسي باعشق الخيال وباعشق اقرا كتاب جديد افضل كتاب عن مسلسل والكلام الفارغ بتاع زمان ده اقترحولي كتب ف اي مجال انل قرات ف حاجات كتيره روايات تاريخ علم نفس حاجات كتيره اقترحولي كتب

انا حاسه بملل رهيب ومؤاخرا جبت كتب كتيررررر وروايات لاني بعشق القراءه ف الواقع عندي مكتبة كتب اصلا اوضه كدا ف بيتي بقعد فيها بالايام حرفيا بس فجاءه بقي عندي Book list كبيره اوي ومعنديش شغف اخلص اللي بداتو حتى وفي حجات مفتحتهاش اعععععع الموضوع معقد.. ارمي نفسي من البلكونه ورتاح ولا اعمل ايييي 🖤🥀

السلام عليكم ورحمه الله وبركاته عندي فكرة بقالي فترة إني اعمل مكان نشارك فيه اي حاجة استفدنا منها أو ساعدتنا في حياتنا بأي شكل من الأشكال كتاب ،بودكاست ،فيديو ،قناة ،جروب ،اي مصدر .. لإني بيقابلني حاجات بستفيد منها وبحس اني عايزة اشاركها .

مفروض اذاكر كيمياء قولت اخد بريك ودخلت في النص ساعة وبجد يعني مش عاوزه حاجة من الحياة غير اوضة كلها كتب اي ما كانت انواعها شعر سياسة تاريخ علم نفس اي حاجة واقعد اقراءة هو ليه فكرة اني امسك كتاب وأقرأ حاجة برا المنهج بقيت صعبة كده ياجدعان انا مش عارفة ادخل رواية البيت بيتعملي كمين ولا كان معايا حرز

عايزة كتاب حلو اوي عن الاكتفاء بالذات والثقة بالنفس الامرين دول اكتر حاجة هماني الفترة دي عايزة ازود الاكتفاء الذاتي وحب الذات والثقة بالنفس اكتر ف ياريت الي قرا او عارف كتاب حلو اوي يقترحهولي

عايزه اتعلم المهارات الاجتماعية ازاي اتكلم و كلام حلو و مليان مش فارغ مش عارفه حد فاهمني ولا لا بس انا عايزه اتعلم مهارات كتير اوي وبس انا مش عارفه ابدا منين أو اقرا كتب أيه ف اتمني تساعدوني

اول مرة احس اني تايهة وان انا مش انا كنت فاكرة ان مكاني وسط الكتب والقراءة والمعرفة والكتابة بس لا ده مش مكاني انا فاشلة في ده فاشلة في اني اتعلم صح في اني حتي انتقي كتب ذو قيمة بقول ده بعد ما تذكرت كتاب كنت قرائته وسالت نفسي اي الفايدة أو النفع اللي عاد عليا بعد قراءته اكتشفت انه ولا حاجة انا حتي مجرد مانتهي من الكتاب بنسي كان بيتكلم عن اي ف ياترى فين مكاني...