كتب

حد قرا الكتب دي هل ف حاجة انا ف غني عنها لو تعرفو كتب تانيه استفادتو منها وفرقت معاكم🥺 ممتلئ بالفراغ فاتتني صلاة معجزات الذكر كافكا علي الشاطئ كوني صحابيه رسائل من القرآن علي خطي الرسول علمتني ايه

مساء الخير... خريجة ولكن محتاجه حد يشجعني ويتابع معايا كورسات بقا وكتب واي حاجه مفيده... يعني هعمل مثلا قائمة ويشوف عملت ايه منها طول اليوم والأمر هيكون متبادل عادي... يا ريت يكون حد كويس ف الموضوع دا وهيعرف يتابع فعلا ويشجعني وكدا وميكونش فيه اهداف اخرى عشان منضيعش وقت بعض

لاحظت انه اغلب الناس هنا مصريين ف لو اخد منكم شوية وقت و اطلب مساعدة من ناس طيبة انا قبل ثلاث سنين كده كنت مدمنة روايات و مستهلكة كبيرة على وجه الخصوص للكتاب المصريين بحب افكارهم و اسلوبهم فعايزة ارجع اقرأ و مش عارفة ابدأ منين ف عايزة قتراحات لو عندكم ارجوكم و شكراا اوي لأي عابر

4408 مش عارفة اكتب ايه بس هو لازم اكتب اي هري علشان البوست يرضي ينزل و ادعولي بجماعة انجح فالامتحانات علشان لو منجحتش هطرد من البيت 😂 و رشحولي كتب حلوة اقرأها و تكون فانتازيا أو جريمة وشكرا جدا

انا حاسه بملل رهيب ومؤاخرا جبت كتب كتيررررر وروايات لاني بعشق القراءه ف الواقع عندي مكتبة كتب اصلا اوضه كدا ف بيتي بقعد فيها بالايام حرفيا بس فجاءه بقي عندي Book list كبيره اوي ومعنديش شغف اخلص اللي بداتو حتى وفي حجات مفتحتهاش اعععععع الموضوع معقد.. ارمي نفسي من البلكونه ورتاح ولا اعمل ايييي 🖤🥀

السلام عليكم ورحمه الله وبركاته عندي فكرة بقالي فترة إني اعمل مكان نشارك فيه اي حاجة استفدنا منها أو ساعدتنا في حياتنا بأي شكل من الأشكال كتاب ،بودكاست ،فيديو ،قناة ،جروب ،اي مصدر .. لإني بيقابلني حاجات بستفيد منها وبحس اني عايزة اشاركها .

مفروض اذاكر كيمياء قولت اخد بريك ودخلت في النص ساعة وبجد يعني مش عاوزه حاجة من الحياة غير اوضة كلها كتب اي ما كانت انواعها شعر سياسة تاريخ علم نفس اي حاجة واقعد اقراءة هو ليه فكرة اني امسك كتاب وأقرأ حاجة برا المنهج بقيت صعبة كده ياجدعان انا مش عارفة ادخل رواية البيت بيتعملي كمين ولا كان معايا حرز

عايزة كتاب حلو اوي عن الاكتفاء بالذات والثقة بالنفس الامرين دول اكتر حاجة هماني الفترة دي عايزة ازود الاكتفاء الذاتي وحب الذات والثقة بالنفس اكتر ف ياريت الي قرا او عارف كتاب حلو اوي يقترحهولي

عايزه اتعلم المهارات الاجتماعية ازاي اتكلم و كلام حلو و مليان مش فارغ مش عارفه حد فاهمني ولا لا بس انا عايزه اتعلم مهارات كتير اوي وبس انا مش عارفه ابدا منين أو اقرا كتب أيه ف اتمني تساعدوني

اول مرة احس اني تايهة وان انا مش انا كنت فاكرة ان مكاني وسط الكتب والقراءة والمعرفة والكتابة بس لا ده مش مكاني انا فاشلة في ده فاشلة في اني اتعلم صح في اني حتي انتقي كتب ذو قيمة بقول ده بعد ما تذكرت كتاب كنت قرائته وسالت نفسي اي الفايدة أو النفع اللي عاد عليا بعد قراءته اكتشفت انه ولا حاجة انا حتي مجرد مانتهي من الكتاب بنسي كان بيتكلم عن اي ف ياترى فين مكاني...