كسر القلب

Cherry_88188 🇪🇬

منذ أسبوع واحد

شعور مرهق

عبّر عن شعورك بشكل مجهول

فضلت ٣ سنين بحاول اكلمها ولما اتكلمنا ارتبطنا سنتين زحبيتها اكتر واكتر ومفروض انها حبتني وكنت طول الوقت نفسه اتقدم لها وبقولها اتقدم لكن كانت المشكله مع اهلها في الشغل عايزين شغل راتب اعلي من اللي انا فيه ومسمي احسن وكده وفجأه قررت تبعد وكدبت عليا عشان تبعد لما عرفت انها كدبت واجهتها ونهينا اللي بينا بعدين رجعت تاني وقالت إنها كانت غلطانه انا كان نفسي اصلا انها ترجع بس عارف برضو أنه ماينفعش بس رجعنا لاني بحبها والله حب مش عادي 
قعدنا حوالي سنه وبعدين قررت تبعد تاني وقالتلي انها اقتنعت بكلام اهلها ، بعدنا ولما اشتغلت كان مفروض اني مارجعش لكن انا مش قادر فـ بعتلها وقولتلها اني عايز نرجع وان مشكلة الشغل اتحلت مابتردش وبلوكات ورافضه نهائي تسمع مني اي حاجه قررت احاول ابعد وانسي وخطبت يعتبر صالونات بعد كده بـ ٦ شهور هي اتخطبت وانا كنت فاكر اني نسيت او هقدر اعيش عادي بس انا مجرد ماعرفت أنها اتخطبت وانا انهارت وفضلت اسبوع كامل بعيط ولحد دلوقتي كل مافتكر اي حاجه بعيط وكلمت مامتها وبعتلها هي شخصيا لدرجة انها قالت لاخوها وأخوها كلمني واديته كلمه اني مش هبعت حاجه تاني بس انا والله لسه بحبها مش عارف ازاي بعد كل اللي هي عملته ده بس والله ماقادر انساها وسيبت خطيبتي بسببها برضو لاني اتأكدت اني مانفعش لاي علاقه نهائي علي الاقل حاليا 
اصعب حاجه عليا اني لسه عايزها بموت كل يوم من غيرها للاسف لسه بحبها للاسف لسه عايز اكمل معاها ونتجوز وصلو عارف ان مينفعش بس والله ماقادر اقسم بالله ماقادر انا حتي وانا بكتب هنا مش بكتب عشان حد يقول مجرد حل لاني عارف كل الحلول بس انا مش عايز اي حل غير انها ترجعلي انا بكتب وكل اللي ف دماغي أن حد ممكن يساعدني أنها تركت ازاي ماعرفش 
علي الاقل اي حد يشوف الكلام ده يدعي انها ترجعلي وتكون خير ليا ونكون خير لبعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_80652 🇪🇬

منذ 3 أسابيع

شعور ضاق ذرعًا

يارب تكون بخير ولا مش فارقه يارب تحس نفس الشعور اللي انت وصلته ليا اد ايه انت حيوان و بتظور علي مصلحتك برغم قربك ليا و فهمك لدماغي حسبي الله و نعم الوكيل فيك بجد بحسبن عليك كل ليله و عارفه انك مش راجل ولا يعتمد عليك بس للاسف ممكن حبيتك أو اتعلقت بيك علي اد ما انت علمتني حاجات كويسه علي اد ما كرهتك

Croissant_87109 🇪🇬

منذ 4 أسابيع

شعور مكسور القلب

انا مخنوقه اوى اوى كل ما اثق فى حد و أديبة الامان و أصدقه يخون ثقتى و يذلنى و يكسرنى نفسيا مدمرة بقيت بخاف من كل راجل معدش عاوزه اثق فى حد ليه بيعملوا كده ليه تكسر ثقت حد ليه بتدمر شخص كان مفكرك السند و العوض و الامان و الحب ليه

Strawberry_86558 🇪🇬

منذ شهر واحد

شعور مستنزف

عبّر عن شعورك بشكل مجهول

انا اول مره في حياتي انزل ابليكيشن كده وكمان اكتب حاجه عني عليه فكنت حابه اتكلم عن تجربه يمكن تعلم غيري ..
من كام شهر صاحب اخويا الأصغر مني بسنه لقيته بيكلم اختي الكبيره وعايزه يتقدملي وكان متمسك بيه جدا وبيحاول يقنع اختي أن السن مش مشكله بالنسبه ليه وأنه بيحبني والكلام الفاضي ده وكمان جه قعد مع والدتي وبرضه والدتي فضلت تتكلم معاه أنه مينفعش السن وكده برضه كان مصر جدا لعند ماانا اقتنعت وقولت اني موافقه وبدأت اعرف أهل والدي (لان والدي متوفي )أن فيه شخص متقدم وهما طبعا  عارفينه شخصيا وكلهم قالوا تمام لعند ما كانت كل حاجه ماشيه تمام وخلاص قولناله تعالي وكلم اخويا الي هوه صاحبه يعني لقيت تاني يوم أخته بعتالي رساله علي الماسنجر بتقولي أنهم عايزين وحده دكتوره لاخوهم وكمان وحده اصغر منه واني ابعد عنه واشيله من دماغي فاانا رديت عليها بكل احترام وقلتلها حاضر ومبررتش ولا وضحت ولا اي حاجه ودخلت عملت لاخوها بلوكات وعرفت اخواتي بالي حصل وطبعا اخويا اتخانق معاه وقاله لو مخلاش أخته تعتذر ليه هيتصرف تصرف تاني معاه وطبعا لقيت أخته بعدها باسبوع باعته تعتذر ليه فاانا مردتش عليها والموضوع اتفقل علي كده . الموضوع يبان تافه بس بجد كسر قلبي بطريقه محدش يتخيلها وخلي ثقتي ف نفسي تقل جدا مع ان أنا اه مش دكتوره بس معايا كليه عاديه وكنت بعمل دراسات عاليا أيامها ومحترمه الحمد لله ومستوي اجتماعي اعلي منه وكمان اخواتي دكاتره والحمد لله علي قدر من الجمال يعني والله مافيه عيب بس عيبي اني مش دكتوره وكمان اكبر منه بسنه مع أن الي يشوفني يقول إن أنا الي اصغر منه .. الموضوع ده كسر نفسي اوي ومريت بفتره تعب بعدها عمري ماكنت بمر بيها وثقتي كانت صفر بجد لعند ما الحمد لله ربنا قواني وفوقت لنفسي وحاليا سجلت دكتوراه وبحاول اعلي اكتر من نفسي وثقتي ف نفسي رجعت 80% كده ودا كله كان بفضل ربنا وبفضل والدتي واخواتي .. والمشكلة دي علمتني ان لازم دايما احكم عقلي ومتاثرش ابدا باي حاجه بتحصل حواليا وكمان اني موافقش علي اي حد اصغر مني ف السن مهما قدم من محاولات فاتمني كل بنت متغلطش غلطتي واتمني تدعولي ربنا يرزقني بالزوج الصالح اللي يريح قلبي ويسعدني 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ شهر واحد

شعور مرتبك

حبيت واحدة عمري ما كنت متخيل إنها ممكن تبص لواحد زيي، مش عشان شايف نفسي قليل، بس لأنها من نوع اللي تحس إن مستواها بعيد عنك، وإنت رغم ده، كنت شايف فيها الدنيا كلها. ولما كنت فاكر إن بينّا شعور، عرفت إنها شايفاني زي أخوها. الكلمة اللي بتكسر من غير صوت… تخليك تضحك قدامها، وتنهار جواك في نفس اللحظة. و

Strawberry_26801 🇪🇬

منذ شهر واحد

شعور محبط

هو ليه بقا سهل الفراق والوجع والم و الكسره عند الناس ليه معتش حد قلبه لين سهل كده ليه مبقاش حد يقدر حبك ولا واقفتك معه ليه مبقاش حد يقدر خوفك ولهفتك عليه ليه مبقاش ف تقدير لحبك ولا كلمه انا ابتسند عليك ليه الانسان بقا وحش اوي كده ليه بجد كل دي الاسئله نفسي اعرفلها اجابة بس للاسف مفيش ليها اجاب

Lemon_52708 🇪🇬

منذ شهرين

شعور متعب

الأولى كانت مجرد تعلق، كنت فاكرها حب، ودفعت كل مشاعري فيها لحد ما اكتشفت إنها سراب. التانية جات من غير ما أتوقع، عرفتني في أيام قليلة يعني إيه إن حد يحبك بجد، بس أنا اللي بعدتها بإيدي، يمكن من خوف، يمكن من تهور، يمكن من غباء… مش عارف. كل اللي متأكد منه إني جرحتها وهي كانت بتدور على أمان، وأنا كنت تا

Mango_63017 🇪🇬

منذ شهرين

شعور وحيد

أنا من النوع اللي لما بيعجب بحد بديه من قلبي باهتم وبحاول أعمل كل حاجة أقدر عليها علشان أحسسه قد إيه هو مهم عندي بس ساعات بلاقي إني مش باخد نفس الإحساس أو مفيش رد زي اللي بتمنّاه يمكن ده بيكسّر فيّ شوية بس مش بعرف أغيّر ده في نفسي دايمًا بدي من قلبي وبس

Cherry_74710 🇪🇬

منذ 3 أشهر

شعور Bad 😞

ازاي بتتخطوا حد خذلكم وكسكركوا بعد ماحبتوه ووعد انه مش هيسيبك مهما حصلانا كنت بحبه اوي وسلمتله نفسي ضعفت حسيت اني كنت محتجاه واني اخيرا لاقيت حد فاهمني وعايزني مكنتش عايزا حاجة منه غير اني اكون معاه بس لكن هو اختار انه يسبني انا قلبي واجعني اوي

Grape_22054 🇪🇬

منذ 3 أشهر

شعور مكسور القلب

ليه اللي بنحبه بزياده ونديله حب كبير اوي بيبقي هو الشخص اللي بيكسرنا كسر عمرنا ما نقدر ننساه كسر يدمرنا من جوا يعمل من قلبي شويه تراب يدمره نهائي ليه دايما اكتر شخص بنحبه هو اكتر شخص بيسيب علامه جوانا بس علامه وجع وكسر مش بيتلم 💔

Coffee_73439 🇪🇬 اجابة سؤالك لأن الغريب والبعيد مش هيفرق معاك مهما عمل كل الناس بتدوس علي كل الناس بس الفرق ان الغريب مش بيأثر فيك لأنه غريب والقريب بيسيب أثر جواك الحل استبدل الاشخاص المؤذية بأشخاص سويين نفسيا ويقدرو يفهموك ويكونوا مريحين نفسياً ولو ملقتش فلوحدك احسن فالحالة دي كونك لوحدك احسن بكتير لما تكون متحاوط بناس مؤذية

عرض الكل 2 نصيحة

Onion_71041 🇪🇬

منذ 3 أشهر

شعور محبط

بعدما تخليت عن أصدقاء الدراسة و غيرت عاداتى و طباعى لكى تناسبه و رسمت حياتى و احلامى معه …تركنى فى منتصف الطريق معتذراً انه لا يستطيع عصيان أهله و الزواج بى و واجب عليه برهم ……. و أين البر و هو يحنث بوعوده لي و هل كسرة قلبى و تحطيم احلامى دليل برهم ؟!! نهى الدين عن معصية الوالدين و لكن ماذا عن آيه ا

Hazelnut_64540 🇪🇬

منذ 3 أشهر

شعور غاضب

الغلط الوحيد اللي ندمت عليه فعلا في حياتي اني كنت ببالغ في حب الناس وفي مكانتهم عندي بدي قيمة للي مايستاهلش وبنفخ في الناس، والله لا كانوا سند ولا حبايب ولا ليهم اي لزمة وكانت اكبر مشاكلي اني كنت مصر أشوف الناس حلوين واعدي مليون عيب عشان المركب تمشي وياريت دا كمان كان عاجب ;.. انا كل رجل قررت اني اك

Tofu_71118 🇪🇬

منذ 3 أشهر

شعور مكتئب

موضوع:

لو رجع بيك الزمن هتحب نفس الشخص تاني؟

انا بتمني يرجع بيا الزمن يوم بس و مكنتش عرفته و لا وفقت علي معرفتي بي حتي كنت فكرة انه عوض طلع اكبر درس في حياتي كسرني و مش عرفة ارجع زي مكنت تاني فشلت بكل الطرق حسبي الله و نعم الوكيل في داين تدان مش مسامحة

French Fries_71125 🇪🇬 ممكن نتعرف

عرض الكل 13 نصيحة

Watermelon_65247 🇪🇬

منذ 4 أشهر

شعور مكسور القلب

اتعرفت على واحدة و دي كانت أول واحدة أتعرف عليها في حياتي واتكلمنا فترة وحبينا بعض بس حسيت بالذنب عشان ده حرام فقولتلها مينفعش نكمل عشان كده ده حرام واحنا بنعصي ربنا وهي زعلت وقالتلي عمري ما هسامحك انت كسرتني وحسبي الله ونعم الوكيل وأنا بقيت حاسس بتأنيب ضمير من ناحيتها ومش عارف أعمل إيه

Strawberry_70135 🇪🇬 ربنا هيعوضك صدقني من ترك شيئاً لله عوضه الله خيراً منها وهي لو مقدرتش تقدر أنك عامل حساب لزعل ربنا ولو فعلا مكنش ف نيتك تتهرب او تتحجج ونيتك كانت صالحة ل وجه الله ف صدقني ربنا هيعوضك وهيعوضها خير ولو فعلا بتحبها حاول تجهز نفسك وتدعي ربنا ييسرلك الخير ل طريقها ، لو بقت نصيبك أحمد ربك ولو ربنا مأردش أحمده بردو وادعي ربنا يوفقها ويوفقك مع الأحسن منها ، متشيلش فوق طاقتك وتوكل علي ربنا وكل حاجة هتترتب

عرض الكل 4 نصيحة

Grape_22054 🇪🇬

منذ 4 أشهر

شعور مكسور القلب

مفيش اقسي من شعور انك شايف الشخص اللي حبيته سنين بطل يحبك بسبب مشاكلكو سوا كره الحب وبقي عنده استعداد عادي وحابب عادي يتعرف علي حد جديد ويتصاحب وانت لسه في حياته 💔 انا محبتش قدها محبتش زيها محبتش حب قوي كدا قبل كدا اول مره احب حد بجد من كل قلبي واديله كل طاقتي انا غلطان اني حبيت من تاني 💔 غلطان

French Fries_32968 🇪🇬 الي ميقدركشي متقدرهوش بس التمسلها العذر برضو ممكن في حاجه بس لو بقي دي بمزاجها فعلا فانساها عارفه انوا صعب بل مستحيل بس حاول لان الي ميعرفشي قمتك ميستهلكشي

عرض الكل 5 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع