ضائع
انا اتعرفت علي واحد شهر ، هو كان حلو اوي كشخصية و ككلام و افعاله برضو ، بس مع الوقت اكتشفت ان كلامه طلع غير افعاله تماما ، جه حكالي انه مينفعش ياخد اي خطوة غير لما يخلص الكلية بتاعته و الجيش و كمان يشتغل ، مع العلم هو كان في كلية طبية و انا كليتي كانت اربع سنين و احنا الاتنين كنا نفس السن و كنا في تالتة كلية ، هو عيشني حلاوة البدايات بالمعنى الحرفي و خلاني اثق فيه و اديله الامان مع انى مكنتش من الناس اللي بتصدق حد بسرعة ، و لما اتحط في مواجهة مع حد من عيلتي منكرش انه اتكلم عن كل حاجة و وضح ظروفه ايه ، بس محستش انه كان بيحاول عشاني في حاجة ، و بعديها قالي نبعد و لو لينا نصيب هنرجع تاني ، بصراحة مع اني ادركت الموضوع كله بعدين و فهمت حاجات كتير إلا اني لسة بفكر فيه او دماغي بمعني اصح مش راضية تقفل الموضوع ده .