عدا 3 سنين على ماضي أليم مش عارفة اتخطى حاجة هو انا ليه ثبتت هناك؟ ليه كل مرة افتكر حاجة ادمع؟ ليه منساش تماماً كل حاجة؟ أمتى هيروح الوجع للابد وهتفكر واقول كانت ايام... انا حالياً مسحت تقريبا 90 فالمية من الماضي فالواقع، بس جوايا انا عايشة هناك. بتوجع وبس، كل مشكلة في حياتي بسبب الي كان بيحصل زمان، الترومات اللي عندي، شعور بعدم الثقة فالنفس، شعور انك مش كافي، شعورالضعف! شعور بانك مش قد المسؤولية مع انك دخلت تجارب مش قدك وحاربت لوحدك وطلعت متدمر بس كسبان. بس انا كسبت ايه؟ الحرب؟ طب ونفسي؟ بيقولولي انها متكسرتش، هي اتوجعت بس، بس ازاي متكسرتش وانا لحد دلوقتي بحاول اجمع اللي راح مني؟ ويفضل السؤال دا جوايا، انا عملت ايه عشان امر بكل دا؟ عملت ايه عشان افضل سنين في وجع، لا بتكلم ولا بشكي، ولا هقدر اشكي دلوقتي بعد مكله راح. كل محكي لحد يقولي خلاص.. كل حاجة انتهت طب واللي جوايا؟ ومشاعري؟ والطفلة الي جوايا اللي متضمتش لحد دلوقتي ولا خفت حتى بحس شخصيتي ضعيفة حاليا، كنت فكرة اني قوية دايما بس طلع لا، اي حد يقولي كلمتين حلوين افتكره كل عالمي حتى لو بيوجعني، زي ما كان بيحصل زمان، وبعدها بسنين أبدا اتوعى واعرف اني اتظلمت واقول ياريتني ما دخلت في مرحلة الوعي واستكشفت اني كنت مخدوعة بكل الناس اللي حواليا، كانوا بيضحكوا عليا بكلمة "الحب" ولكن هل دا حب؟ هو لازم لما احبك اوجعك؟ لازم اكسر قلبك واقولك بعدها مقدرش اعيش من غيرك؟ لازم اطعنك وبعدها احضنك ولاكاني عملت حاجة؟ مجتمع مريض نفسي... كله كدا هل استحق كل دا؟