مساعدة الآخرين

دكتور 35 سنة ، بدرس دبلومة ارشاد نفسي واسري بجانب التخصص الاصلي بتاعي ، المهم : اكيد عندي مشاكل كتير ولذلك عندي حيلة دفاعية وهي ان احل مشاكل غيري، ودا بيساعدني فعلا الحمد لله،، خصوصا انكم اصغر مني سنا وبتحترموني وتقدروني ودي حاجة بتسعدني جدا 😌 عموما انا عارف ان اكبر مشاكل اتعرضتم ليها هي التحرش او الاساءة الاسرية وعدم الاهتمام وعدم الاحترام وهكذا ولذلك انا جمبكم دايما وفي انتظاركم يسعدني انكم تعتبروني اخوكم الكبير ومن قلبي يا رب تكونوا دايما بخير 🌷

جماعة انا لاحظت حاجه غبية اوي بجد هنا مؤخرا انا بهتم باني اسمع للاخرين واحاول اساعدهم واحل مشكلتهم وانا قاعد وسايب مشكلتي الي جيت عشانها ومشكلتي بتكبر وبحل واساعد بقيت الناس وانا لا 🙂🙂😭. خخخخخخ

انا مبعرفش احل مشاكلي الشخصية بشكل صحي بس بعرف ادي حلول منطقية حتي علي نفسي، و اه المنطقية لغيت حته الشعور عندي بس مريح دماغي، اه مبحسش بس بفكر ف لو عندكم مشاكل اتكلموا و لو عندي حل منطقي هرد عليكم

خريج طب وليا تخصص ولكن مهتم بالارشاد النفسي والطب النفسي وبدرس دبلومة حاليا بقالي شهور المهم يعني بما اني فاقد للاهتمام والدعم فدايما ببحث عن ناس ادعمهم ودي طريقة دفاعية معروفة ، فبحب اساعد وكدا، لو حد ع حافة الاتتحار او الانهيار ياريت ، بحيث انقذه من الازمة واكسب ثقة في نفسي شكرا يا حبايبي

السلام عليكم اديلي هنا معاكم فترة قليلة وبقيت من التوب 5 🥲 مش عارف دا حاجة كويسة ولا فراغ ساعدت على قد ما اقدر بمعرفتي و بمشاكلي وامراضي النفسية اللي مريت وبمر بيها عندي امتحان قريب ومراكم كتير كتير فادعولي كتير كتير ومتنسوش إن فيه ملك بيقولك ولك بالمثل حاولوا تكونوا كويسين الكلمة الطيبة صدقة احتياجك للمواساة وإن حد يفهمك دا شئ فطري بس احنا اتربينا على حاجة عكس كدا ادعولي بقا الم اللي راكمته بسبب البرنامج دا ممكن تخش عندك تلاقي كان فيه بينا محادثة انا كلمت ناس كتير اوي ادعولي تالت بقا ربنا يعينكم جميعا والسلام عليكم متنسوش تدعولي 😂

جدااا خاصة في مشاكل الآخرين الواحد مخي بيدي نصايح و بيكون بيحتوي اللى قدامه ولا كأنه لايف كوتش بقاله ٢٠ سنة مثلا 😂 ييجي يبص بقا ع حياته الشخصية يلاقيها يا ساتر يارب بشعة 😂💔 مش عارفه المشكلة فين بالظبط ممكن عشان اتعودنا نشيل هم غيرنا بس همومنا لازم تكون مهملة لازم نساعد غيرنا بس ماحدش يساعدنا